泰國曼谷這個地方對我挺有意義，
是第一次出國 及 親自計劃、與友人自由行的地方。
由於以前也寫過不少圖片、文字、片段形式紀錄這次旅程，
為了不要又重覆重覆重覆重覆重覆了寫同一次旅遊，
故此在此只簡單的略述一下。
酒店：
http://www.royalivory.com/m.html
唔係係咁岩定一直都會係咁，個陣無熱水… 問佢可唔可以加被 因為個fd感冒 但佢又話太full唔加得咁
一開始電話條線仲要甩左 打唔到 要專登去番checkin counter問。
佢d lift ，1樓係g樓，2樓係3樓。(但明明佢房間寫2樓係2樓，但要按3樓先去到2樓) 唔知改好左未。
但乾淨舒服黎講都唔錯、隔音幾好，早餐都幾好味。
Day1：Or Tor Kor Market、JJ Market <-- Kamphaeng Phet MRT Station
Day2：大皇宮、考山路 <-- Saphan Taksin BTS Station + Ferry (Central Pier/N9/N*/N13)
Day3：市區商場 (Terminal 21、Siam Center、Siam Paragon) <-- Siam/Asok BTS Station
Day4：水上市場、鐵路市集、回程經考山路 <-- Local Tour
Day5：酒店附近
** LOCAL TOUR **
Day2 在考山路BOOK 「媽媽旅行社」的LOCAL TOUR 於 DAY 4 出發 ，
「媽媽旅行社」位置 在 考山路中段，門口有牌寫著「媽媽旅行社」中文字，
裡面的職員都懂普通話的。
當時既環境
天氣：大約40度
日間：Day1、2天睛，Day3陰天，Day4天晴、Day5下雨
晚上：Day1 打雷，Day 2 - 4 下雨
兌換率
HKD 1 : 3.89 THB (現在是 HKD 1 : 4.2 THB …)
在AirAsia Book了套票，而選擇的酒店位於Nana站附近。
全程用了大約$5k HKD。
由機場往回市區，使用 $3-5THB 的 SRT (State Railway of Thailand)。
但誤點挺大，中途雖然不會塞車，但有機會因轉軌而停頓，
於是若果趕時間的話，不太建議使用。但喜歡鐵路的一定要試試！
全程沒有帶甚麼地圖，
都是以簡單的英語詢問目的地方向 (主要是酒店和考山路位置)，
或 以預先看過別人遊記中介紹的方法 作記憶，往目的地前進。
出發前也準備了一些景點的泰文名稱(雖然最後沒有使用過)以備不時之需。
最重要是大地點也跟架部份空鐵路、地下鐵和碼頭距離非常近，
故此找地點也不是太大問題。
例外是第四天，幸好在第四天BOOK了LOCAL TOUR，故此也不成問題。
若果說治安問題，
可能幸運，又或者當地人真的很不錯，也沒遇上甚麼危險。
那裡熱心幫助的人超多，
由機場開始已經感受到，直至回程也一直很感謝當地人的幫忙。
所以，對於這個第一次自由行，算是很順利的！
也非常感謝與我同行的一位朋友！
時差： 慢香港1小時 (GMT+7)
==========================================
行程預計(BTS/MRT/SRT = 鐵路)
Day1 到達日
落機->SRT->BTS->酒店->BTS->周末市場->熟食市場(晚餐)->BTS->酒店
Day2 景點日
酒店早餐(7點)->BTS->船->大皇宮(~8/9點)->卧佛寺->午餐->船->鄭王廟->船->考山路(晚餐)->船->BTS->酒店
Day3 休閒日
酒店早餐->BTS->休閒BTS沿途站遊(午+晚餐)->BTS->酒店
Day4 特色市場日
酒店早餐(~9點)->BTS->巴士/小巴/的士->鐵路市集/水上市場(午餐)->巴士/小巴/的士->BTS->商場(晚餐)->BTS->酒店
Day5 回程日
酒店早餐->周圍Fing->checkout->BTS->周圍Fing->BTS->SRT->機場上機
實際行程(BTS/MRT/SRT = 鐵路)(!! = 阻滯)
Day1 到達日
落機->SRT->MRT->熟食市場(Tea)->周末市場->MRT->BTS->酒店(!!)->酒店附近(晚餐)->酒店
Day2 景點日
酒店早餐(9點9)->BTS->船->午餐->船->大皇宮(2點半)->卧佛寺->考山路(Book車+晚餐)->TAXI(!!)->BTS->酒店
Day3 休閒日酒店
早餐(10點)->BTS->休閒BTS沿途站遊(午+晚餐)->BTS->酒店
Day4 特色市場日+Fing錢
酒店早餐(7點)->BOOK-ed車->水上市場(午?餐)->BOOK-ed車->鐵路市集->BOOK-ed車->考山路->船->BTS->酒店->BTS->商場(晚餐)->BTS(!!)->酒店
Day5 回程日
酒店早餐(10點)->酒店Fing->checkout->附近(午餐)->BTS->MRT->SRT(!!)->機場上機
-----------------------------------------------------------------------------------------
【旅遊無聊事記】第一次自己計劃旅行行程、第一次出國、第一次坐飛機。:P
Day1
1. 坐飛機望住架飛機係度look下look下，飛之前又起勢咁跑，好似bb仔學行。
2. 坐飛機望出窗，塊機翼好薄，又成日搖下搖下，成日覺得佢會無啦啦斷。
3. 之前check的士之類既方法離開舊機場都要幾百珠，點知去買SRT票居然係五珠…
4. SRT有個好好人既local幫我地手拎行李上車，同埋教我地幾時落車。
5. SRT上面有人一路行，一路賣泰文故事書仔。
6. 一入MRT/商場，只要行過checkcheck機有'嘟嘟'聲，都要check行李、背包之類。但其實果部機幾乎係有人行過都會嘟咁款…有個人咩都無拎都響…
7. 本身預搭MRT+BTS直接返酒店，坐到中途覺得「過門而不入」太蠢，於是都是帶住行李落車行下市集先。
8. 夜晚搵酒店，經過幾間靚靚酒店，走入去問路都話一直向前走就係。結果…經過一間似係massage店既門口，行到再遠d，先發覺原來「最唔似既地方，就係你要住既地方」。
Day2
1. 係大皇宮終於搵到買郵票、明信片、寄卡既地方喇。(後來先知原來酒店附近有PostOffice…)
2. 做魚Spa，第1次玩，個feel好好笑。
3. 一切本來都好順利，只係玩得太夜，一入黑就好難認得路(而我本身已是路痴)，搵TAXI但只係得英文，無泰文站名，無咩人睇得明。
4. 遇到一個好好人既的士叔叔，望住MAP，問"umm....is it BTS? oh? no... ar... i know! here, bin gao, here is bin gao"叔叔。帶我地去船既站，無收到我地的士錢:)…嗯，因為問路(截車)個度距離目的地(船站)，其實只係行左4米左右。
5. 船站原來已經關左，但明明張1 day pass寫住until 10pm，點解9點幾已經無左架。
6. 行番出去，好掛住bin gao叔叔。但最後都截左架TAXI。
7. 哇呢個的士司機唔止殺價，仲要唔識路，係車上面過左陣，佢就"oh..sorry, i don't know."，於是我地就落左車。
8. 之後截另一架，本身勁驚佢是唔識路(因為佢好似打電話比唔知邊個講d唔知咩，講左BTS呢隻字)，後來佢同我地傾計同講下Travel，又講下泰國，想我地輕鬆d。然後一直"I know, BTS, I understand!"，到左站之後，佢就好興奮咁講"You see, BTS!"
9. 拎早餐券，我諗係因為琴晚我地太煩(問冷氣個掣、電話無聲、熱水爐、棉被、wifi密碼之類)，煩到個counter唔洗問都知我地住 rm 325…。
Day3
1. 順利! d商場好有趣! d野食好好味又平!
Day4
1. 上去book-ed既車，哇…好彩book左車姐，唔係100%係唔識路、搵唔到，隨時返唔到曼谷…或者比好貴既車費返去…
2. 水上市場好特別，但好多蚊。
3. 鐵路市集，本身以為會望唔到火車，就係決定走既一刻終、於、睇、到、喇！應該就係HUAHIN站度開既火車？
4. 返到考山路，做多次魚Spa，出面就落魚，再做Thai Massage，水浸埋，於是……赤腳行左段路仔…OMG。
5. 返酒店先，放低d野、沖下腳同洗洗頭之後，就出返去食晚餐
6. 都已經9點，好多店都收左門，於是我地走左入韓燒既店度，個侍應(?)好驚訝咁話得番唔夠1個鐘燒，仲有幾個字就last order，但太肚餓我地照去，然後狂叫叫叫叫叫叫野食，食食下d食客都走晒，我地勁有阻人收工既feel…OMG。
7. 臨走又唔係好識路咁行左入某商場，搭部唔知咩lift，明明禁2樓，但一直扯我地上去，上到3樓就禁到1樓、上到4樓就禁到3樓，如此類推，一路扯上上上上上上上到14樓先停，開門個一刻幾想行樓梯落番去算，好彩開門之後，有人話我地知2樓呢個時間無得去，於是…落番一樓再搵第二條路算。
Day5
1. 本身以為最後一日會好好好好好好好順利，但係原來係錯既。
2. checkout後去附近食野，落大雨好難行啊。
3. 坐SRT，今次仲平，$3B，但係勁驚! 4:30pm起飛、3:50pm最後報到時間、3:00等到3:20pm仲係SRT上面，架車停左使度唔郁(因為錢路路燈係紅燈！但其實前面無車/.\可能要轉軌，而後來架車郁時，發覺車距離個下個機場站其實200米都無…)(本身等等下，佢地話可能趕唔切繼續開車，指住錢路旁高速公路，叫我地落車截的士去可能會好dT^T個陣真係唔知點)。好彩好好人既鐵路員話我地知情況之類，同車長溝通下終於郁得番。
4. 今次落落地雨既天空、同上次晴空萬里既天空好唔同！而且今次睇埋日落、夜景，真係好靚、好特別、好新鮮(雖然成架機d人搭慣左訓晒教！！)！
5. 返到HONGKONG，就食餐烏冬、壽司作為完美既結束喇:)
2015年5月7日 - 後記：
泰國曼谷一直唔係我想去既地方首選，但第一次旅行比左呢個國家。其實好開心，到左兩年後既今日，佢都仲係我唯一一個東南亞國家。
依家諗番，呢次既旅程係特別的。原來來回機場坐既係國鐵，仲要係無限delay既國鐵。有人話，比我就唔敢坐，去程都可以試下既，但回程我就真係唔敢。
個次第一次旅行，想坐鐵道，因為本身就係鐘意路軌、軌跡既人。仲要有得開窗，真係好爽的，係呢個咁熱既國家，可以吹下涼風。去程時天晴，回程時微雨，兩種唔同既風景。
呢次第一次旅行，不斷拍片， 好彩有好朋友陪我顛。亦都令到我每次睇番都好開心。諗起回程，我仲不斷咁影，我朋友已經係呆呆地既樣，我諗當時佢一定都擔心會趕唔切。其實預早左好多，四點幾機，十二點幾就出發去機場。但估唔到，架國鐵可以停係離站唔遠既地方幾個字唔郁，好彩一直有個車廂人員不斷幫我地打探消息。
曼谷係一個友善既城市。由第一日上火車，幫我地拖gip教我地幾時落車既泰國人、我地無車返家帶我地去最近既bts站 不斷同我地傾計消去我地疑慮既'bin gao' 的士司機、回程既呢位車廂員、等等。
唔知黎緊仲會去到幾多、去到幾遠，但希望我有一日可以完成到好多好多想去既地方啦。
2015年5月7日 - 後記：
泰國曼谷一直唔係我想去既地方首選，但第一次旅行比左呢個國家。其實好開心，到左兩年後既今日，佢都仲係我唯一一個東南亞國家。
依家諗番，呢次既旅程係特別的。原來來回機場坐既係國鐵，仲要係無限delay既國鐵。有人話，比我就唔敢坐，去程都可以試下既，但回程我就真係唔敢。
個次第一次旅行，想坐鐵道，因為本身就係鐘意路軌、軌跡既人。仲要有得開窗，真係好爽的，係呢個咁熱既國家，可以吹下涼風。去程時天晴，回程時微雨，兩種唔同既風景。
呢次第一次旅行，不斷拍片， 好彩有好朋友陪我顛。亦都令到我每次睇番都好開心。諗起回程，我仲不斷咁影，我朋友已經係呆呆地既樣，我諗當時佢一定都擔心會趕唔切。其實預早左好多，四點幾機，十二點幾就出發去機場。但估唔到，架國鐵可以停係離站唔遠既地方幾個字唔郁，好彩一直有個車廂人員不斷幫我地打探消息。
曼谷係一個友善既城市。由第一日上火車，幫我地拖gip教我地幾時落車既泰國人、我地無車返家帶我地去最近既bts站 不斷同我地傾計消去我地疑慮既'bin gao' 的士司機、回程既呢位車廂員、等等。
唔知黎緊仲會去到幾多、去到幾遠，但希望我有一日可以完成到好多好多想去既地方啦。
