【香港】港島 寶馬山

日期：2017年12月30日(六)

天后地鐵站出發，首先去買個包同野飲，再坐小巴上山。
回程就邊架小巴快就坐邊架，所以就去左銅鑼灣。

剛剛好呢個時候有工展會，就入去行左轉。

小巴係循環線，係校園道落車之後就開始行，入口都幾隱閉。
山路分叉位好多，上山都比較好，但落山天黑就落錯左一次路，要上番頂再落。

呢個真係完全維港正中心個景，睇到會展、尖咀架。

同樣係睇了下午藍天、黃昏日落、同埋夜景，先捨得落山。
行夜山一定要帶燈喔。

手機相，將就下。。

如果係12月31號上黎倒數睇煙花一定好靚，
但一定一定一定一定一定一定勁多人，無位，哈哈。

之後落山，坐小巴返銅鑼灣，向 o係 維園舉辦既 工展會進發。
試下野食、買下野食，同埋睇下d有趣既電器。

是日完。

【香港】油塘 —— 魔鬼山 (砲台山)

日期：2017年12月29日 (五)

晏晝係觀塘走，於是就去一轉油塘睇日落。

油塘地鐵站出，上大本營行左陣，

上佢平台睇睇個景再出發，是日煙霞都幾勁。。

全石屎路，上到山頂之後景觀好開揚，有幾邊都有海睇。
我幾鐘意佢望向維港個位置，係類似X形的。

難度低，近市區，景靚。

係度睇左日落黃昏同夜景，就落山了。

【香港】九龍區小山丘 —— 格仔山、嘉頓山

日期：2017年12月24日 (日)

呢日主要係樂富 至 深水埗一帶步行亂遊，都係同舊機場有關既地方。

睇夜景發呆很寫意。

p.s. 以上大部份 PINss 與 本文無關，紅框範圍為重點

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - 

格仔山 (九龍仔公園附近) —— 節錄至WIKI：

「在啟德機場仍然營運的年代，格仔山是13跑道降落航道必經之地。啟德機場的儀標導航系統把飛機引導至此小山丘，再由機師把飛機轉向進行目視降落。由於需引導機師把飛機在正確航道飛行，小山丘塗上紅白相間的格子圖案，並設有導航燈及無線電導航設備。鮮明的紅白相間的圖案，使香港人把這座小山丘稱為格仔山。

1998年啟德機場關閉後直至2003年，紅白格依然存在。惟格仔山其後塗上灰色跟種了樹，以免誤導機師。」

左：九龍灣，前：油尖旺、右：深水埗

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - 


嘉頓山  (深水埗附近) —— 節錄至WIKI：

「1998年啟德機場關閉前有一座飛機訊號燈塔，有行車徑方便維修員上山。嘉頓山之名來自山下附近的嘉頓麵包廠房，現為附近居民的晨運徑。

遊人步行15分鐘登上山頂，便能夠俯瞰深水埗和石硤尾的公共屋邨和舊式唐樓，並眺望昂船洲大橋，是欣賞及拍攝夕陽和西九龍夜景的熱門地點。」