時間：下午12時半 至 10時
由夏天講到冬天既北上一日亂遊，終於係年尾展開。
是次一日遊，特別鳴謝友人既電話有內地支付功能、
同埋另一位友人有散銀買車票，
當然仲有各人既參與，旅程先可以咁順利。
是次一日遊，特別鳴謝友人既電話有內地支付功能、
同埋另一位友人有散銀買車票，
當然仲有各人既參與，旅程先可以咁順利。
其實係出發前，一直諗到好多唔同路線既可能性，
因為本身我好少係飲飲食食，所以係咁睇下有無得意既景睇。
因為本身我好少係飲飲食食，所以係咁睇下有無得意既景睇。
但最後，都係決定左，簡單d飲飲食食heahea一日遊，
而活動範圍就係出發前一兩日決定左，係福田口岸一帶。
呢個係是日既路線圖。
今日都比較凍，出門就拎左件比較厚既衫。
大家約左係落馬洲站等，大約12點半就齊人，
之後過關，好快就到左深圳喇。
首先第一件事就係買地鐵飛，
都幾多人排隊，而且唔係部部都收紙幣，
有d係只收硬幣。
另外有部wechat / 支付寶買地鐵票，
見有人試左香港錢包都可以買到，
只不過唔知佢本身係咪wechat有做實名認證，
另外一樣未知就係，唔知匯率點計。
去Cocopark係 褔田口岸 上車，購物公園落車，
全程 $2rmb /人。
買左車飛就過安檢喇，
去到月台，上車，轉線，好快就到了購物公園站。
落車係C出口一出就到了，好方便。
首先經過商場出面既平台，見到做緊個display。
有d似日本金沢既21世紀美術館，
果個游池既installation。
再行多兩步就係一個小朋友既遊樂場。
依家既時間已經係1點幾，雖然仲未食lunch。
但見奈雪之茶排隊既人唔多，所以係未食午餐之下，首先排隊買左杯奈雪之茶先。
買之前，係鋪頭望下同時賣緊既麵包與茶。
依家大陸做既蛋糕都越黎越靚，
比起以前既印象已經係差好遠了。
因為只有幾個人排隊，
所以好快就買左喇。
不過等永遠比買耐，
一路等，一路望到唔同既飲品，杯杯都好靚。
呢度有段小插曲，
就係原本我地既飲品已經出齊，
只不過因為佢本身跟單咁排，而有一杯放錯行，
就一直以為我地個邊未出好。
結果本來十分鐘已經出齊野飲，但就要等多十分鐘，
等佢發覺自己排錯左飲品既單先拎得。
呢杯係我叫既，冰粒大小適中，咁樣睇落幾靚。
味道方面，
除左一開始少少唔知點形容既香水味 (？) 之外，
其實味道都幾清新自然。
所以一路飲一路都幾滿意。
因為天氣都幾涼，
所以飲住凍野，就係番商場室內行。
本來打算夜晚個餐先食探魚，
不過見呢個商場有，而且唔洗排隊，
所以就二話不說入左去先講喇。
探魚係食四川烤魚既店，
有張手繪式既餐單比我地落order。
可以先簡想食邊隻魚、咩湯底，
最後就劃低想要加咩配料等等。
雖然話係lunch，不過其實都已經係2點幾喇。
本身既配菜有金菇。
相入面，會見到佢有個漏斗，
話會計住餐廳係 9分鐘 (定係8分鐘?) 之內，
出晒所有我地叫左既食物。
呢個係炸春卷，岩岩好有四支。
好快主菜就上喇，好多辣椒。
不過佢有提我地，如果想無咁辣，
可以將d椒整起先，覺得想辣d先再加。
一開始既辣味唔會太重，
不過一路烤，就會越黎越辣，都越黎越香口架。
然後就係我地order左既粉絲扇貝，$9一隻。
一人一隻喇。
最後埋單，每人大約 65 人仔，
其實都飽肚，所以都算係幾抵食。
食完探魚，我地又上地鐵，今次由購物公園站上車，
坐地鐵到少年宮站C出口，
就會到左深圳書城架喇。
呢個時候大約就4點喇。
到左書城，第一件事唔係睇書，
而係去左喜茶度望一望先。
簡左我地想飲既野飲之後，就簡埋想拎飲品既大約時間，
然後wechat pay完，就可以係書城遊玩喇。
我地4點半落單，打算5點半拎野飲。
於是我地落完order之後，就分頭行事，
5點半約係呢度等。
一開始望一望d中國漫畫歷史書，
不過最後都係走左去旅遊書既區域。
好快就到左五點半，返返去喜茶度拎野飲喇。
呢個就係我叫既既芝芝莓莓，
個杯又真係幾硬淨幾靚。
同場加映有趣既杯...
一路飲住，經過蓮花山公園，行去深業上城，
打算去搵下今晚既晚餐食咩好。
不過因為依家地鐵未起好，
所以我地唔坐地鐵 + 落車行路，而直接行晒全程。
所以由少年宮站行到蓮花村站要15分鐘，
由蓮花村站行過黎，亦都要15分鐘，
所以我地係行左30分鐘先到呢度。
一開始，無直接入商場，
而係去左佢右邊，可以一路上電梯 所指既目的地，
歐洲小鎮。
因為係夜晚，而且又凍，
所以感覺上有點荒涼。
一開始都覺得幾流，得幾個位會覺得影到網上睇到既相。
不過行行下又覺得其實都幾靚，都叫做幾有設計。
呢間喜茶人唔多，而且裝修都幾靚，
不過我地今日飲左兩杯飲品，所以當然唔會再叫喇。
於是就繼續逛逛。
逛到開始覺得凍，先落番電梯入商場。
然後發覺呢度無乜餐廳，唯有heahea地行下，
睇下有咩睇，而呢個時候都已經七點幾八點。
最後我地係呢度見到decathlon ，
就入去逛逛，望下d滑板、花園活動設施。
見到有個乒乓波枱，友人就開始打起乒乓波，
跟住有幾個小朋友新想join，於是就打左段時間。
最後走了，回程行返去蓮花村站，
本身打算坐地鐵去到市民中心搵野食，
不過一出，發現除左一條食街，就比較荒蕪。
所以最後都係再坐到去會展中心，
係皇庭廣場搵晚餐，最後黎到一間叫做老班長。
地鐵出口一出，基本上就會見到。
我地一見到就mark定左呢間先，再行下商場，
最後就返返黎呢度食。
因為依家都已經係九點幾
我要一陣要經福田口岸過關。
而香港個邊，落馬洲往市區既尾班車係十點半左右，
如果上唔到尾班，就要坐到羅湖口岸個邊過關喇，
所以我地就黎個快食。
店入面有個婆，比店員請走都唔走，
一枱枱咁問人拎錢，係餐廳入面向每一枱LOOP左三次，
最後幾個店員同時都請佢走，
良久之後，阿婆終於肯去門口，
然後仲大大聲話聽日會再黎坐，一開鋪就會過黎。
救命……
終於可以正常咁食野，
因為都就黎收鋪，所以好多食物都賣晒了。
最後簡單食個湯包、餃子、肉湯，然後埋單。
最後坐地鐵去福田口岸，
再係落馬洲坐火車返去，深圳一日遊就完左喇！
都真係幾heahea同寫意既一日。
- 完 -
