日期：5月1 - 2 日 (星期五 至 六)
今次同家人去。checkin之後。去玩了，首先自己駕駛電動船。
然後返返酒店樓下游水。游左個幾鐘就出去有滑梯既遊樂池。然後再去埋河道游。
因為會落水、玩滑梯之類，所以唔帶手機/相機了。游完就返酒店洗頭沖涼。
跟住食自助晚餐。
有好多唔同款的蠔。但我唔食生野的，所以食了芝士煙肉焗蠔、燒蠔同蒸蠔。
仲有長腳蟹(麻麻地)、羊架(好味啊啊啊啊啊)、牛肉、螺，甜品、飲料，之類。
我叫左龍井(哈我太鐘意飲茶)，個壺好方便，飲到唔捨得走。
食完自助餐，就去睇表演。但睇睇下我去左打籃球。
係度玩左成個幾鐘。好彩無咩人想玩，右邊都無人玩緊，唔係就好似阻住人咁。
呢日係咁多。
第二日起身，就食自助早餐，不過無影到。然後，就去玩射擊。因為無帶相機，所以都係無影XD。射擊場隔離，有得打WAR GAME，個場地真係好似打機咁。不過下一場未到，唔係係瞭望台望住人玩一定好好笑好正。
玩完射擊之後，就去左室內游泳池。佢有埋水療個d，又有桑拿。不過因為就黎要checkout所以就只係浸左腳既水療。
checkout之後，就離開了。
返黎時，係深圳灣附近食左"魚米粥"。用粥底做既火鍋。
一開始落海鮮、然後各種肉。最後食個粥底。綿綿地的。但好少米(可能煲到溶晒)。
食完就完了。
題外話：
係羅湖一間書店：買左本水彩畫既書，跟住有個公安望住本書勁耐，初頭以為本書有咩問題… 然後，(PTH對話)
佢：你是畫畫的？
我：無呀 學習一下
佢：(狂講水彩技巧、講講下講埋油畫)
我：你學過畫畫的？
佢：對呀 我放工後會去大芬村的
P.S. 大芬村係深圳一個油畫藝術村
好有趣，遇到個識畫畫既xD。
本身呢日返到羅湖係想去大芬村，但無咩資料決定唔去住，咁就巧遇到呢位公安xD
科科
回覆刪除