【月的日常遊記★】: 【日本關西六日五夜】大阪、京都、宇治、奈良

日期：2015年8月28 - 9月2日
飛機：香港快運 (去程UO686早機、回程UO689晚機)
機程：約4小時
時差：快香港1小時 (GMT+9)

- 酒店 -

大阪2晚：Boarding House (近市營地鐵天王寺)
http://www.agoda.com/zh-tw/boarding-house/hotel/osaka-jp.html

京都3晚：Hotel Gimmond Kyoto(近地鐵烏丸御池)
http://www.agoda.com/zh-tw/hotel-gimmond-kyoto/hotel/kyoto-jp.html

- 行程簡略 -

Day1
關西空港(2點幾) -> 大阪難波(3點幾) -> 買 2day 大阪周遊卡 -> 大阪心齋橋 -> 午餐(一蘭拉麵) -> 大阪天王寺 (checkin) -> 大阪梅田hep5摩天輪 -> 大阪梅田空中庭園 -> 晚餐(松屋) -> 回宿

Day2
宿 -> 大阪天保山遊船 + 摩天輪 -> 大阪心齋橋book艇 -> 午餐(掃街) -> 大阪城公園天守閣 -> 晚餐(北極星蛋包飯) -> 大阪心齋橋遊船 -> 宿

Day3
宿 -> 大阪天王寺 (checkout) -(市營地鐵)-> 大阪梅田 -(阪急)-> 京都烏丸 -(步行至烏丸御池)-> 京都(checkin) -> 買1day kyoto bus pass --(61-64號巴士由京都堺町御池往京都四條河原町後轉巴士往清水道) --> 經清水道上京都清水寺 --> 經二、三年"土反" --> 京都八阪神社 --> 坐巴士回河原町 --> 吃晚餐(錦市場) --> 坐尾班巴士回宿

Day4
宿 -> 地鐵往京都站 -> JR往宇治 -> 宇治中村藤吉 -> 宇治川 -> 宇治伊藤之右衛門 -> 宇治近鐵站 -> 中書島轉車 -> 伏見稻荷 -> 伏見稻荷神社 -> 回京都 -> 回宿

Day5
宿 -> 京都烏丸御池地鐵站 -> 買近鐵+地鐵pass -> 坐地鐵到二條城前 -> 京都二條城 -> 地鐵往京都站 --(近鐵奈良線)--> 奈良近鐵站 -> 奈良公園玩鹿 -> 奈良近鐵站 --(近鐵奈良線)--> 京都 -> 京都地鐵往烏丸御池 -> 放低手提物 -> 坐地鐵到京都市役所前(河原町御池) -> 步行往四條河原町 -> 吃壽司 -> 步回京都地鐵站京都市役所前(河原町御池) --(京都地鐵)--> 烏丸御池 -> 宿

Day6
京都河原町 --(阪急)--> 大阪梅田 --(市營地鐵)--> 大阪難波 + 心齋橋 --(南海電車)--> 關西空港

-----------------

- 前言 -

- 第1次去日本本島，好想睇下同沖繩係咪真係好唔同，結果發現係真係幾唔同。
- 有咩唔同呢，廢話d講句唔同地形… 正常少少講句，就係野食、景點(城跡 vs 神社)之類。呢度既野似乎都簡單一d。人都少好多 (又可能因為淡季)

- 行程內容 -

day1

- 今日係香港機場上機見到中同諗起其實每次去旅行係機場都會見到識既人咁
- 跟住上機今程機都好多小氣流搞到無氣流時反而覺得唔正常咁
- 落機之後去買ic card $1k yen(500按金、500面值)，再增值3k yen
- 之後就買2day osaka pass(大阪周遊卡) $3k yen，個info center搵左好耐。
- 準備好晒野，因為係backpack所以未checkin就行住先
- 係關空坐南海電鐵，個陣落機係1點33分左右，搞埋出境，2點26分出發，3點10幾分左右就到左難波。
- 落車行行行就到道頓掘同心齋橋，淺淺地行一下(因為聽日會去)，食左個一蘭(好正好味，$910yen)
- 大阪站與站之間既距離都幾遠下，坐地鐵既時間唔多，但轉線時行既時間真係幾耐下。
- 去左gu買件冷衫，個店員話如果add佢地line會有折，但唔知係咪因為我用緊hk line，而個page係日本，我就搵唔到，但個店員都照比左折我地，好好人呀。
- 跟住本身想直去大阪。但先醒起未checkin
- 係天王寺穿過jr就到，好特別既地方。
- 之後就去左大阪(梅田)度繼續玩，係7仔買左兩個甜品，食左一個，首先上hep5，然後再去食甜品雪糕$950yen，跟住去gu買野
- 之後上梅田空中庭園，地圖望落好似幾遠其實ok。
- 梅田空中花園140m，上到去好靚，望到大阪城天守閣哈哈，勁得意細細個。跟住仲望得hep5。好值得去。
- 係等上空中花園時，發覺自己好白痴，之前係7仔買既另一個甜品仲未食，係個綠茶pudding，溶晒
- 去完空中花園，買左明信片，已經10半有多了，邊行邊睇已經11點3，於是就決定第一晚已經去食松屋…$480yen兩個分xD 跟住就11點4-5左右食完。就行去東梅田，返天王寺。
- 大阪周遊pass真係好抵用，3000yen 2日可以任坐地鐵、仲包埋兩day入面既入場費用，入面list左好多野，簡幾個自己有興趣既試。好正呀。
- 用另一條路線回程，好似都幾快
- 返去前去左7仔先，本身想買野食但發覺無咩要買，就買筆寫明信片。
- 返宿沖涼就休息了

day2

- 去心齋橋book 船，今晚燈祭時遊船
- 去難波、心齋橋食野，好多人食章魚燒，跟住一食，哇正，真係好正。
- 去大阪城，天守閣。可以係兩個站落，一個叫森之宮，一個叫谷町四丁目。
- 離天守閣既距離其實差唔多，不過一個係行公園入面，一個就係一半公園，一半市區咁。
- 森之宮一出，就可以遠望天守閣，而谷町四丁目就要行入去一段路先睇到的。
- 買手信、明信片，然後寫寫寫寫寫。
- 因為行左都幾多路，就坐下，跟住返心齋橋!!!!
- 幫fd買左茶葉，跟住就去郵局，但預期之內，係關左門的
- 跟住就去吃北極星蛋包飯，正正呀，好味，唔太甜唔太漏，個蝦又好食，個飯又好食，個蛋又夠蛋香味
- 吃完就去遊船，但好可惜落雨lorrrr ;(
- 遊完船停停地雨，但又反正攰，就返左宿了，然後就沖澡執野準備聽日！Zzzzz。

day3

- 因為香港上車係前上後落，先比錢後坐車。但日本係相反，後上前落，先坐車後比錢。
- 結果落車時唔小心，就後門衝左落去，仲要因為個上車位有條隊，我「唔該借借」，跟住再講番Sumimasen 😂
- 落車然後轉身，d學生妹望住我o嘴，我諗諗下："大獲唔記得係前門比錢落車。" 然後即刻跳番上車。
- 去程好easy，中途落車食sushi，點餐狂miss，勁氣餒。
- 本身諗點講miss左好多，因為起碼都有5碟，點知場單時原來都係計碟的，個mon只係比你睇。
- 再上巴士，去清水道落。
- 清水寺好快就到左，因為沿住一條上斜既路，兩邊好多手信店，所以覺得行行下就到左。
- 靚靚，狂買手信，行行行，三、二年土反、到八阪神社，然後經祇園返河原町
- 回程時，唔知點返返去自己度，因為唔見有黎既巴士站。
- 呢度既巴士站，同香港唔同，唔係對面就會有個站。尤其呢度十字路口，佢地跟行既方向放站。
- 結果搵到架1個鐘1班，仲有7分鐘就尾班既車返宿。
- 呢日，真係搵巴士搵到傻的1天

day4

- 早上去宇治食中村藤吉太早去未開
- 於是係張紙上面寫名，然後隔離就係佢既手信店，入左去行
- 行左十至十五分鐘後入座，唔洗排隊
- 叫左2 set野，好正呀 ~
- 跟住食完野，就行宇治啦~ 行左平等院，又幾候意，但間唔中落雨…。
- 一路行，周圍都係抹茶類製品既店 ~~~~
- 跟住行宇治川然後食伊藤之右衛門，又係寫名、買手信、入座，因為今次要等位
- 等左一陣就入得，再食過甜品！
- 見行完仲有時間淨。去程時係坐jr宇治線，所以回程坐近鐵，係中書島轉京阪線。
- 所以2款線都坐晒！
- 跟住去稻荷，想跑上山又跑落山搵朱印，最後原來係山腳就有
- 去買，點知係現成既，唔係即席寫，覺得麻麻地
- 跟住就行稻荷山，行行行行到太陽落山就落山，跟住接近入黑就到左伏見稻荷
- 之後去一風堂拉麵最後回宿

day5

- 買左pass ，1630yen幾抵，係近鐵 + 京都地鐵，我既宿係地鐵中轉站，所以好方便
- 一出發就去二條城，有藍天既二條城下係正既。
- 可以入去大殿度參觀，要除鞋。係木上面行，個feel好正
- d窗既紙真係有個d睇電視用口水篤一篤就會爛個種感覺，好tight。
- 有一part近寢室既地方，行過會有d嘰嘰聲
- 起初知有呢樣野但唔知係呢個位置，以為係d木板鬆，之後睇番就係呢個位，d聲用黎detect到忍者/刺客個d的 (聽講係
- 之後就坐近鐵去奈良，玩鹿，cutecute
- 玩玩下落陽光雨。
- 咁落雨就算了，反正都玩左2包鹿餅，將最後既比埋一齊避雨既鹿後，就走了
- 走既時候坐巴士，pass都包埋的。
- 跟住落車，轉身，望上天，哇哇哇哇哇哇哇哇哇哇哇哇，有彩虹，好大條
- 睇到彩虹開始散之後，就入近鐵站，返京都站
- 跟住係伊勢丹低層既地方，買綠茶雪糕，好正正正正正正正正
- 食完就返hotel放野，因為有地鐵pass，住又近地鐵，放好埋d野之後個人好輕鬆
- 放好左又坐地鐵出去食野了
- 今次又去吃壽司，因為今次唔可以misss！！
- 結果都係miss左一碟，不過… 今次miss野會比番你笑笑，但我飽了
- 食完就返宿

day6

- 呢日就係行街日，都無咩話要紀錄，但唔係講笑… d野真係好平..
- 1030出門，1100前checkout 坐巴士到河源町
- 河原町 -> 阪急 -> 梅田 -> 難波
- 跟住行李寄倉，500yen，其他貴重野跟身
- 下午再食一蘭
- 之後係難波、心齋橋一帶買野
- 1645 開始難波站執野，然後入南海電車站
- 坐係月台影火車等1734果架直達關西空港
- 飛了，返香港了
- UO689，飛機準時降落，11點40分到
- 但！機場宣佈埋話會delay，但無講幾時先會有，於是等等等等等等
- 其實個行李唔過10kg…
- 行李delay，最後係12點40分先到……delay一粒鐘。

- 後記 -

- 大阪、京都係好舒服既地方，大阪地鐵每個轉線站都好大、大大、大大大…
- 交通好方便，全IC卡搞得掂，又多PASS，PASS真係慳好多，真係要睇多d。
- 全程用左4千5唔連手信，連手信就用左6千幾。
- 機票+酒店+保險 = 627$hkd+ 1k+ 120 = 2千，當地消費4萬yen，手信3萬yen。