日期：2016 年 1 月 15 - 19 日
航班：去程UO706(朝早6半飛，當地7半到。)、
回程UO707(朝早10點幾飛，香港1點半到) ~HKD$1200內
酒店：Angkok Empire Boutique ~HKD$850/4nights/2人
時差：慢 HK 1小時
Day1
- 到機場 -> 買sim卡 -> 酒店tuktuk接送 -> 酒店行李寄存 ->
siem reap市區閒逛 (飲食) -> checkin -> 租單車 -> 買門票 ->
巴肯山日落 -> siem reap市區閒逛 (飲食)
- 去到checkin, 跟住 試下打電話 (SIM卡係機場 出口 買), 點知係咁話 the number is busy。原來撈亂左電話號碼，自己打左比自己 XD
- 遇到stay 9日既同機女仔, 傾下閒計, 佢黎緊就巴士去金邊
- 行market，入面有檔仔賣粉麵，好食啊，感覺未係越式，唔知點形容，但依然好東南亞，呢種粉麵之後仲日日食，因為好食
- 食甜品 blue pumpkin，好正啊其實好多野食, 呢度好hea, 乜都想食但係市區hea既時間唔多~
- 租左單車之後, 未咁快去巴肯山時, 就市區單車遊, 入d巷仔咁, 之後去郵局, 然後係河邊影下相~~係靚既
- 好快就見到小吳哥外面。個感覺好特別，因為知道聽日就會係入面遊覽。
- 上巴肯山要排隊，好彩隊唔長，我地都係最後一批，最後係最遲走ga~ 走時廟得我地2個~~ 可以瘋狂影相 (但..相呢..)
- 上山時 (其實之後日日都有) 會見到好多 被地雷炸過既群組(???) 已經唔記得左點叫, 佢地會打鼓唱歌
- 落山開始入黑之後，巴肯山對面好多店仔， 食串燒同埋飲shakeshake，好飲啊，於是之後日日飲
- 夜晚想去lyly，但...原來太夜去，無晒noodles，唯有等第二日。於是就周圍搵野食了
- 呢晚經過一個local既market，係草地上面的。( 其實感覺有d台東個陣個市集, 個陣又係泊左架單車係草地附近，然後入去有人唱歌跳舞。不過台東個次係咩活動我已經唔係好記得了，只係記得係台東間誠品對面，去完個草地仲入左誠品睇書睇睇下仲買埋。) 今次就係洗腦local Cambodian song haha.. 買左個熱狗，係幾香的，不過可惜我唔食腸
- 泊單車之前，我杯芒果冰倒瀉左 .... 然後泊單車時又亂企 我覺得自己好蠢 :(
- 去完草地攤之後，就入市區。哇…一到夜晚，真係「今夜的cambo不是今早cambo」，一路行一路心諗，我日頭真係黎過呢度？完全唔同feel啊。
Day2
- 遲過hotel早餐時間出門 -> Lyly 食早餐 ->
單車逛大圈 -> 還單車 -> siem reap市區閒逛 (飲食)
- lyly好食呀，係lucky mall附近，紅燒牛肉係必食推介
- 原來個小吳哥前個湖.....理想與現實既體現
- 踩1日單車都唔會話點攰 因為完全係平路黎 無上落斜咁濟
- ummm 部電話啊~~~~~~~~
- 我想講個 涅槃池 前面條格個位係勁勁勁勁勁勁靚, d樹好正 ... 好想要番d相........ 一條好長既橋 個陣仲要日落緊 , 我覺得係 angkok 入面 最靚既日落位置
- 皇家浴池 ...... um..... 有人係度游水 OMG... d水真係游得既!?!?!?
- 單車離開個橋位， 再行前少少，又會有好靚既 池(應該係附近黎)，有人捕魚(?)，池上面d樹好靚 <333 相啊......好想要相啊....... :'(
- 巴肯山對面既shakeshake，龍眼冰係最好味的
- 去supermarket行，勁正喎，d牌寫晒產地，但搵極都唔見有cambo既野咁既.. 見到麵係made in cambodia就買左返去。(返到香港煮 ，又幾好食WOOOO)
- 有Asian supermarket，見到有入有維他港式奶茶XDDDD
Day3
- hotel早餐 -> 租tuktuk (司機: lucky) -> tuktuk逛外圈 (女皇廟、崩密列、羅洛斯遺址) ->
回程 -> siem reap市區閒逛 -> 租ebike -> 柬式火鍋-> 泊ebike
- 飛左頂n年前既帽出街 不過算luuu~~
- Beng Mealea靚到喊、琴上琴落好玩 雖然我好渣、樹抓石牆抓得好型，堅靚!!!!!!!!!!!
- 同行fu mea lea :P
- angkok舊址好靚、女皇廟好多紅泥石牆
- 旱季既"護城河"係無乜水.. 唔知雨季會唔會出番黎- angkok舊址既頂有細路賣花戒指，唔拎就唔會要你比tips
- angkok舊址頂 望到遠處angkok放既熱氣球
- 食火鍋 好偏僻 有時會諗會唔會已close但又無事woooo 一路行前面燈光越黎越密 見到樂園 再見到地攤 we are here!
- 勁好食wooooo $9usd咋~~~~~~~好味啊!!!!! 2人份!!
- 買左條fuuu，但唔記得睇碼數.......sad 細左3個碼,,,,,umm....
- 我話: "咦 我係咪唔洗睇路合埋眼Zzz架啦?" 同行表示: "我即刻放低你去大吳哥度反省下"
- 入左luckymall行，d冷氣好勁，同香港個d有得揮。其實好現代化，入面個supermarket，d柬幣係 1usd = 4400rei，出面通常都係1usd = 4000rei咁計。 勁想用晒d rei佢囉..
- 之前睇map，對面河d住宿平d，於是去睇。原來對面個night market又幾大，不過賣既野大同小異啦~~
Day4
- ebike去小吳哥 -> 大吳哥 -> 小圈 -> 大圈兜風 ->
自助晚餐睇柬式舞蹈 -> 兜風 -> 還ebike -> siem reap市區閒逛
- 小吳哥睇日出 太多雲 睇唔到太陽出
- 去睇日出時係天黑，泊好ebike後，摸黑入去小吳哥既感覺好特別。尤其之前係黎過，會想像到自己大約係邊，但黑夜既感覺又同日頭超唔同。
- 日出真係勁多人... 外國人強國人都係想越前越好。
- 日出角度係111'(??)，係幾得意，原來有呢d野，無留意啊... 。
- 其實我真係好鐘意影人潮.......相啊！！………
- 巴央寺(高棉的微笑) 遇1男1女港人拼車黎
- 去到巴央寺(巴戎寺)，就梗係要同angkor的微笑影番張相 ~
- 茶膠寺 爬石，係好窄又高既級黎，好玩啊。係呢度 遇2女 租車us$100/3日連司機
- 塔布蘢寺 遇 "police" 幫人影相，首先問你係邊度黎，跟住話要幫你影下相，
話呢度靚、個度靚，影完就會話想要tips，不過比一堆rei佢唔要...話要usd..
一係就人民幣，我地話得rei ..
之後見到香港既旅行團，傾下計咁
btw 好長既地方，有個位屈入去.... 勁rpg呀呀超靚...............好好好好靚....!!! 我勁鐘意呢度!!!!!!!!!!!!!!影左勁多相~~~~~ 但........ /__\ 無晒....
- 呀餓死了, 今日無食過野, 好彩應該係琴晚食得飽所以無咩手腳軟~
- 口淡淡就買左椰子水飲，可以用rei，正啊~~~~ 飲完精神晒,, <3
- ebike兜風太爽，係爽既!!! 不過我無渣，抓手位太重…只能坐後座
- 褲-1 (唔知係扯爛定刮到野..)
- 夜晚睇舞蹈，入去個陣已經遲左所以野食唔多。d舞居然有故事性又幾得意。最後可以上台同跳舞既人影相，於是簡個靚既XD 不過到左最後 梗係集郵XD 個個影晒XD
- 繼續市區夜遊~~~ night market, marketssssssss~~ 買d香料~ 茶葉~ 餅~ 花生~
***
- 呢一朝其實ebike係有d驚險, 好彩hotel個人真係好好, 好幫手。 原因係，ebike明明一開始仲有OK多電，但去一去火鍋就無晒咁濟，最後仲真係0%要踩返hotel咁款。佢有1舊電可以換，話差緊，會凌晨送黎。但因為第1粒電已用完，如果之後送黎既電都係咁，可能未去到小吳哥已經無晒電 ... 咁仲點玩呢？hotel既counter幫我地打去個店，然後問左一輪，佢地話會帶2粒電黎。第2朝(其實只係幾個鐘之後)起身落到去，有2舊新電~ day4 全日用都無問題~~ 完全係 perfect添呀 <3
Day5
- 朝早出門行night market -> tuktuk去機場 -> 所謂"upgrade上exit row" -> 回到HK
- 全set個人物品連袋-1 (於 香港機場T1 同me say BADBYE)
- 交通 -
Day1 : 單車 us$2/人 (巴肯山 日落)
Day2 : 單車 us$2/人 (大圈)
Day3 : TukTuk us$40/車 (外圈, 可講價, 今次我地無)
Day4 : eBike us$12 (主要細圈 + 大圈兜風)
Day5 : TukTuk (去機場)
- 費用 -
特區/BNO都要簽證 : VISA us$30 /人 (30days逗留)
吳哥窟門票 : us$40 /人 (7日內任意選 3days) **p.s.2017年10月已漲價至$67usd**
Beng Mealea門票 : us$5 /人
自助晚餐睇柬式舞蹈 : us $12/人 (不包飲品)
SIM卡 : $5 USD (5gb上網 OR 3gb上網+打電話)
柬式HOTPOT $9 USD
- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -
PHOTOS FROM 同行
沒有留言:
發佈留言