【中國 廣東】深圳 大芬油畫村 半日遊

日期：2018年2月3日 (星期六)

時間：下午2時半 至 6時半

雖然淘寶好方便，

不過一路行之餘又可以買下野既大芬油畫村都幾值得一去。

大芬村並不如深圳東門、書城個一帶咁近香港，

如果要坐地鐵，過關後 由羅湖開始，坐1號線 (綠色線)，2個站左右到老街，

之後要轉3號線(淺藍色線，往雙龍方向)坐到大芬，地鐵單程 $5rmb，

都坐左半粒鐘有多架。

老街站 轉線。

往雙龍方向。

到了大芬站。

大芬站A1出口落車，之後落樓梯後一路直行 (唔洗轉彎，A1一出就向前行)。

行到見到路牌指住大芬村方向，就可以兜入去慢慢行啦。

首先行左油畫街，有時會有人係店前畫畫畫畫，幾有FEEL。

有d風景畫真係好唔錯 > < !！

有d係畫中國水墨畫、有油畫，亦都有現代d既畫風。

呢個係接近中心點既小廣場。

今日除左行油畫村，最重點都係要睇下畫具。

重點亦都係呢間「匯文軒」，係大芬美術館附近，對面街再入dd ~ 。

點解簡佢呢，因為夠大間、有兩層賣畫具的，再上就係畫框之類。

店面係咁既。

二樓。

筆 ~ 顏料 ~~

仲有得試用水粉顏料，唔洗怕返到屋企開箱先覺得唔好用。

中間個隻，望佢既毛感覺唔太好用，下排果個可接受，都係$3起咋。

買完再行左陣，因為都準備入夜了，

本身想去埋.老街站既書城，但無乜時間，所以決定返去了。

上返大芬站，然後返返羅湖，過關，完 ~

- - - - - - - - - - - - - - - - - - - - - - 完 - - - - - - - - - - - - - - - - - - - - - -