2021.01.20 小記
** 一些個人觀點，非常主觀，不喜請無視 **
p.s. 其實所有野都好滿意, 所以就算係排第3都唔會係差,
因為呢3間都係香港黎講top tier, 真係頂尖對決
price, view and include (3間都係假期前1日+假期)
文華:
2489 包早晚 ---> (已包+$300上海景), 15樓
半島:
2681.8 包早,下午茶,晚, ---> 九龍&彌敦道景 (海景要+$1200up, budget問題無加), 22樓
四季:
2980 包早, $1000消費額 (or dinner但我無簡) (已包+$300上海景), 40樓
breakfast
文華:
只係叫左西式, 好好食, 好高質,
早餐既焗包好好食，尤其係丹麥酥!
半島:
環境最正, 影相一流,
中式 - 好好味, 令到我對酒店既中式早餐有興趣, 於是之後住其他時都簡左中式黎食, 佢既雞油融入雞粥, 味道勁香, c油王炒麵隻c油, 味道好特別, 比起平時我地食既更加香, c油有分好多種, 可以用左比較貴既一種叫 雙黃 / 其他? ...
西式 - 都正, 但麥皮/粟米片呢一項自己個人麻麻地, 所以感覺唔夠深刻。
四季:
中式 - 一般般 雞粒好似急凍個種, 比較鞋身, 無雞油香, c油王炒麵既c油唔增夠香, 同出面食分別不太大, 麵質就唔錯夠乾身, 油分佈平均.
西式 - 我地就散叫, 入面 waffle有驚喜, 水果切好又新鮮, waffle好有蛋香同奶香, 醬汁款多.
lunch
文華:
- 無食
半島:
- 略為有點普通既set lunch.
四季:
無得講, 2間都係米芝蓮3星,
1間中菜/粵菜餐廳 龍景軒 食點心,
1間法國菜餐廳 Caprice 食 set,
仲要可以用到$1000 dining credit, 完全係perfect, 完勝...
afternoon tea:
文華:
- 無食
半島:
半島既下午茶一向都好出名, 而且價錢都唔平,
呢度下午茶每一件都係好好食, 鹹點甜點都有驚喜位,
有唔少款都係食完係會想再食既, 超級正。
四季:
- 無食
evening service/turndown service
文華:
下晝3點checkin, 有姐姐大約6點黎到問要唔要, 第1次住, 唔知咩黎, 答左 no thanks, arrrrr
半島:
下晝3點checkin, (4點有房, 比左late checkout我地), service都係大約6點黎, 因為in room dining簡左6點零, 以為係, 所以就帶左入黎, 原來就係evening service, 因為我地基本上無咩掂過d 備品同張床, 所以主要係 鋪好地毯, 開一開被角
四季:
朝早10半 checkin 後 做roomtour時有整下床既枕頭同被, 之後食完lunch落泳池前沖一沖涼, 就用左毛巾同沖涼d備品, 返黎時剛剛姐姐執完房, 見床已經重新鋪好, 同埋沖涼毛巾備品都refill左, 再比左多支spare~
所以3次黎講, 因為evening之前掂得最多房入面既野,
所以最feel到evening service前後既分別.
dinner
文華:
3 set course, in cafe causette, 都可以room dining,
唔錯, 最印象深刻係 文華既龍蝦湯 同埋 佢地朱古力cake, 超超超好飲同好食. 其實主菜既魚同烤牛排都唔差, 都係好食, 但未去到驚艷既程度, all from cafe causette
半島:
3 set course, 一定要 in room dining, 而且有petit four, 中西式都有, 中式部份黎至嘉麟樓 e.g. 炒飯 同埋 芒果布甸, 好食, 不過唔算有特別印象深刻既菜式, 或者可以話 petit four 個杏仁曲奇好食.
四季:
$1000 dining credit用左係lunch, 所以唔評論.(因為去左米***度食, 無得比)
如果簡左dinner, 最特別係四季有送2杯香檳.
view
文華:
海景房, 同個海唔算近, 但前面塊地係吉既, 有more天輪做前景, 都唔錯, 算係中間至右邊既大部份既海都係完整既, 不過左邊棟怡和大廈擋左唔少左邊既海景, 所以做唔到完美海景有少少遺憾。日頭海景本身已經靚，夜晚有摩天輪開左燈又係靚，所以早晚都有景睇。諗番其實向住皇后像廣場個景應該係最屈機, 因為都會見到有海景, 而且望到中銀匯豐呢d signature d 既建築物, 所以各有各不錯喇. 反而城景房就真係樓望樓, 幾高都係對住樓, 就一般般要長期關窗了.
半島:
如果係海景房, 一定一定一定會係3間入面最正, 因為尖沙咀望中環, 仲要正對住會展一定係 靚過 中環望向九龍呢一邊 .不過因為我係城景房, 所以只能講, 好好彩upgrade上到高層22樓, 所以個景幾開揚幾靚, 日頭都可以叫okay, 夜晚算係從高處望向鬧市, 有萬家燈火既feel, 幾好睇, 結論係都不過不失吧~
四季:
完美180度超近維港無遮擋海景, 而且下晝天氣好靚, 海面隻色更加正, 所以以我入住3間黎講, 呢間既景色係入房之後最震憾+最忍唔住唔roomtour住, 朝早個時雲就算多d, 都即刻影下相先的. 臨近12月夜景有少少燈飾, 都幾得意。不過除左ICC同rosewood之外, 夜晚望到既signature建築唔多, 加上超近海, 所以望左望右都唔會點望到港島既高樓大廈(都可以話係直情唔會望到), 夜晚反而就無咁impressive.
room
--- 唔洗講就係所有都係超乾淨, 無異味,
>> 文華:
對上一次翻新係2005年左右, 但所有家私都好新淨好靚, 最深印象係
(1) 佢既皮櫃, 真係勁靚, 好有質感, 而且咁多年都可以keep得咁好, 真係有好好打理
(2) 佢張床, kingsize真係super kingsize, 一個人訓係正中間, 隔離2邊既空間都仲可以look黎look去, 超大, 好似3張床拍埋咁大
(3) 之後係佢沖涼個位都係好正, 入左去之後就好似去左個私人浴場咁, 沖身 -> 落水浸 -> 沖身再出番黎, 好方便! 極鐘意佢上面可以調教角度既 2個按摩式花灑，只能夠用爽黎形容, 講起又想去了.....
缺點: d 野放得比較散, 櫃多但無label無menu, 要搵, minibar放得比較散, checkout左同fd傾番先知原來咖啡機係門後面個櫃..?
>> 半島:
對上翻新係2013年左右,
(1) 入房個下已經有香味, 但唔係濃到din既香水味, 而係淡淡既清香,
(2) 備品/櫃入面既野都係放係適合既位置, 唔洗周圍行黎行去搵. 最鐘意佢櫃門有晒label, 咁就唔會怕miss左, 例如"明明記得有風筒, 但唔記得係邊個櫃"搞到要一個個開黎再睇.
(3) 而且間房都好靚, 尤其係一望就知係半島既牆身上既花. 未住時一直以為係畫黎, 住左之後望先知係金屬材質黎.
(4) 另外後來先知2013年翻新時, 原來廁所唔係變化太大, 都係換過部CRT電視做薄身電視咁, 不過我住新翼個邊, 廁所感覺都好新淨, 空間又大, 都好唔錯。(後按: 之後再去多左1次, 住舊翼, 房都好新淨, 好靚好舒服, 只係size有d細, 至於洗手間有dd顯舊但都好乾淨)
>> 四季 :
2005年開幕之後, 今年開始翻新,
(1) 本身以為翻新係因為d野太舊, 但係雖然插頭位的確有花痕, 電話款式較舊有發黃, 但其他設施其實都唔舊, 尤其係沙發/凳之類都keep得好乾淨, 唔會有漬個d.
(2)雖然櫃多, 但近門口個d多數都係吉既, 雖然無label, 但放d野好集中, e.g. 免費minibar放櫃面, 付費minibar放櫃入面/咖啡機/雪櫃 呢堆會放埋1齊,
(3) 除此之外，整體都係好好好好好好舒服, 張床舒服到好似訓係舊雲上面咁
facilities
文華:
(1) 本身文華個area比較細, 層數都比較少, 所以佢gymroom, 泳池都係偏細, 但感覺幾warm. 佢地gymroom泳池都係位於接近最高樓層,
(2) 我去個時gym room外圍搭緊棚, 如果無棚, 就係對住皇后像廣場, 個景都幾正
半島:
(1) swimming pool 係 室內恆溫池, 有落地大玻璃向住維港景, 個view一絕
(2) 另外佢既swimming pool同gym room係舊翼既頂層, 可以走出去平台, 望一望尖沙咀望向維港既景, 個時仲有幻彩詠香江, 雖然個show左少少流, 但企係度望過去其實都幾型，只係呢個view已經加爆分...
四季:
swmming pool 同 gym room 位於4~5樓,
(1) gym room係落地大玻璃對住180度無遮擋維港景, 平時唔做gym都有衝動係度做一陣...
(2) 游泳池係室外, 有2個大池, 1個按摩熱水池, 1個冷池, 泳池area勁大, 濺出既泳池水會流落薄薄既凹槽位, 好似河流咁引走d水, 超正, 每一段時間又有snacks/drinks, 又係對住維港景既inifinity pool, 沙灘椅數目又多, 又有池畔餐廳.... 贏晒, 極正, 無得彈, 救命, 個泳池真係坐全日都得....
overall service
文華:
(1) 可能第1次住top tier酒店, 平時去旅行住開都係 no service, 所以黎到呢度都無咩要求太多, 好少接觸staff, 而且枕頭本身都有幾款放係床, 備品足夠又細心, staff好好笑容, 無咩需要特別要求.亦都無任何不滿既地方.
(2) evening service係無認知之下reject左, 所以唔算話好感受到
(3) 個次去係慶祝, 不過同時都係中秋前後, 人流應該係比較高所以比起網上其他人講既誇張服務, 自己有個蛋糕, 又好食又靚已經好開心~ 住完之後先登記做fans of MO, 因為都真係無得彈的, 有機會都想再去過ga!
缺點: 都可能係因為中秋人多, 所以即使係入住前幾日, 打電話過去10-15分鐘先有人聽, 另外checkin後要book餐廳, frontdesk幫我聯絡餐廳都要等少少時間先覆到, 不過都好好真係會打番比我reconfirm, 而唔會miss左或者無任何confirmation, 所以人多都理解要d時間的.
半島:
(1) 所有staff都好nice, 因為都係無咩特別要求, 所以都無咩特別話extra既野
(2) checkin知道多人, 唔會叫人企係度等,mark低名同contact, 我地可以周圍行下, 到差唔多時就會call番我地
(3) in room dining 介紹完, 我地問1問咖啡機點用, staff都好詳細咁介紹一次, 同埋講下3隻capsule有咩分別咁.
四季:
(1) 聽講top tier hotel會有帶人入lift, 甚至上埋房講一講設備, 不過可能人多就skip左, 四季提早左checkin, 有帶人入lift同埋講講拍卡按lift程序, 都幾貼心.
(2) 窗口寫左 memerable stay with four seasons 顯得佢地對自己酒店有幾鐘意, 有幾多信心同幾多熱情, 呢d字用水抹一抹就甩唔洗怕會影響景觀
(3) 有個app可以login, 之後你例如request左餐廳, 咩status都會show到比你睇. 另外唔洗打電話, 只要係app度, request 一d備品, e.g. 想要另1款枕頭, 係d需要既備品上面 +1 +1 +1 佢幾分鐘之後就會送到上黎。 而且雖然住過既酒店唔多, 但暫時只係得佢先有。連我book左第2日caprice waiting佢都有show status, book到之後, 我地confirm埋, 個status會轉成 confirmed. 所有野都清清楚楚, 而且因為佢係app, 所以你唔一定係酒店房先見到, 你行行下街, 醒起想一陣返去就想要有ear plug, 都可以係街上面order定先, 唔洗返到房order後又要等。非常方便
(4) 早餐前1晚order左10:20, 但10:30都未有, 原來因為人多miss左, 最後confirm左張單就11:00左右送到上黎, 不過其實呢日12點要checkout, 我地12點半要食caprice, 所以都變左幾趕下.. 呢個係扣分位, 不過staff既態度都好好, 遲少少送到我地就無咩所謂了. 因為整體其實四季呢次體驗一早已經加到爆晒分, 扣少少都仲要滿分... haha
(5) 知道我前幾日book左餐廳 caprice, 即使酒店住客waiting優先, 但餐廳一早已經full booking之下, 我地都當然係要排係waiting list入面.
通常餐廳會係前1日通知客人做reconfirm, 因為我有dining credit, 本身諗住夜晚之前如果仲係waiting就用係dinner度. 當時checkin個時仲係朝早, 但staff知道我有dining credit, 所以好盡力咁幫我問餐廳, 睇下佢地幾時會reconfirm到, 令我可以放心d地決定用唔用dining credit . 真的好感謝, 而且好到令到我都唔係幾好意思...
最後就問埋龍景軒個邊既booking, 第2日都係full緊, 但因為即日龍景軒有位, 所以我地就直接book左即日既龍景軒lunch, 就可以用到 dining credit~
亦都超開心既係, checkin入左房之後, caprice confirm左第2日wait到, 所以可以一次過食到2間米芝蓮既3星餐廳, 雖然相信龍景軒已經可以食爆我地既dining credit, 但我地都勁開心, 因為可以食到1位難求既caprice, 令到今次真係開心到爆炸左.. 係間房自high左半個鐘....
overall experience
文華: 好正，有feel
半島: 好正，正到忍唔住三個月內再去多一次
四季: 愛上了，好完美
Some Photos...
1. in M.O. (Parts of breakfast)
2. in Peninsula (Parts of breakfast & parts of afternoon tea)
沒有留言:
發佈留言