Day 3
- 當然好乖好早咁6點幾就起左身 (pt. 1)，預計8點左右會到。
- 而星期6、日朝早會去dededo既shuttle 係 6-7點幾期間有3班，
8點走 XDD，即係人地走時我地就到 .. XDDD
- 今日好好天，好天到曬傷左
- 一路行一路d視野都好廣闊 而且個天好藍 好曬 ..
到左dededo早市 (pt. 2)，其實係大約一個停車場，每一格有一個攤位，
有人賣水果、串燒、沙冰、裙、泳衣、
日用品、家電之類，物價係平d的，
雖然唔係好大，但都可以睇下當地人專登揸車過黎買賣咁。
我係聽到有檔賣豆腐花，係講廣東話架！！
- 經過d supermarket入去睇下有咩咁，
一批批買係平過一支支買好多。
- 之前見到附近有個教堂又走去兜一兜，
佢會貼晒每個月既revenue同expenditure出黎，原來都唔係好多
教堂好多都唔開放，無得睇下裡面係點 ...
落到地下見到post office，就買左4個郵票。international 係 $1.2usd。
- 兜兜下又回程了，途中又經過多一個flea market，
而且覺得大過dededo添。於是又行下行下。
停車場係真係四角有扣，好似真係專登比人搭個帳幕咁。
- 睇完走了，繼續行。可能發生過d事所以有咁的野...
- 一排軍車
- 回程經micronesia mall (pt. 3)，食野，foodcourt有間韓國野，買左$11usd，
結果食食下見到有隻小強 .... 同個店員講之後問：幫你轉過碟
我地話唔啦... 跟住居然退款 ._. 估佢唔到
不過跟住就有少少反胃 即刻食d零食......... xDDDD
 |
| 送你一隻小強，係入面... |
- 返酒店梳洗之後，就出發去好遠好遠好遠好遠(?)既Hagatna。
因為T Galleria有DFS free shuttle (pt. 4) 去各個酒店，
於是我地就係T Galleria度等車。
- 壁畫係bayview hotel 附近，每次向guam plaza hotel既東北面行都會見到。
- 時刻表係：每個鐘既19、49分有車
不過有時會早2分鐘，又有時會遲8分鐘，所以預早少少去會好d ..
一走車就要等多30分鐘，咁就行可能仲快到了。
- 我地等既係19分既車，結果26分先有車，咁我地就上車了 ~
一路去去去去去，經過holiday resort，司機問: holiday resort??
然後靜左幾秒，跟住司機：gogogo!!!
 |
| 悅泰，好靚啊 |
- 到左我地要落車既站 (pt. 5) ，落到去就行行行行行，
行到一個大草地 (pt. 6)，就落沙灘踩踩水。
再經另一個beach，一路行行行，行左兩個幾三個鐘之後，
就到左 Hagatna 了 ~ ~ ~ (pt. 7)
講就好快，行就行到呢. ... XD
 |
| 會經過條河 |
- 一到步就去左涼亭度休息，然後行出防波堤踩石睇浪 ~
d 浪由深水衝到淺水區域，然後截住左，好得意 ~
- 呢度有個「自由女神像」，但係好細個的，
唔計個座，個神像應該有 一米高左右 好似係XDDD
- 行到有幾間野食既地方，呢個時候5點左右啦 ~
跟住去左間 Jamaica Grill 度Book 左2個人 6:30pm食dinner，
今次黎到目的係上炮台 ~ 於是我就可以高空睇海了 ~
- 途中就經過Guam Museum，再經去西班牙廣場，
都有少少野行下咁，有d歷史野睇下。又有幾支柱…嗯。
 |
| 循例都要影呢舊 ... |
 |
| 無輪軚 無得節能 |
雖然過左xmas但呢度有好多燈飾，呢日仲有個festival，
好多人出出入入 (其實又唔應該叫多，因為完全唔逼) 。
再行多陣就上炮台了，呢度有3支炮，聽講是整完之後未用過的。
呢度睇景唔錯 ~ 好開揚。
- 睇完就落山了 ， 再經chocolate house
- 番到間 Jamaica Grill 係6點40分左右 ~
一開始都唔算多人，入到去坐左陣之後就，d人慢慢入黎，
就開始滿座啦 ~
係度叫左2個sets，聽講份量好大所以都唔敢叫咁多野食。
有沙律前菜、雞肉前菜、中菜舊飯有2舊！仲有燒肉 (ribs+chicken) ~
再有dessert ，2球雪糕 + Cream，真係好大份... 仲叫左2杯野飲XD
大大份，又好味！ 埋單就$60幾usd。
- 一路食一路諗，食飽d啊一陣要行多兩粒鐘啊...........
之前check過d巴士線，有3隻， 1隻是dfs free shuttle 2條routes，
然後有2隻是tumon bus，所以一直唔覺會有車。
跟住一出去，諗起頭先話見到個巴士站牌，就去個邊望望。
點知見到dongdong車，即係tumon bay常見個隻，
但上面唔係寫住 Tumon Shuttle而係Hagatna Shuttle。
本身以為係吉野，無人，因為熄晒燈，點知佢又無啦啦想開車咁，
我望望個車身，有micronesia mall，諗："""即係應該會經tumon bay喎？！
而且，就算唔經，係micronesia mall行返guam plaza hotel，
點都好過呢度行返去。""" 跟住就上車問去唔去tumon bay。
司機話，唔會係guam plaza hotel直接落，但會經過巴士站no.18，
佢指一指後面d單張，一開，
係叫Tumon Sands Plaza，係Tumon Bay最後1個站。
好啊好啊好啊好啊好啊好啊，點都好，返到Tumon Bay就得！！
跟住問幾錢，$4usd/人，即刻比$8usd！！架車就一直行行行行，
我地再望個單張，發覺呢架係尾班車，
即係如果頭先係餐廳坐多2坐架車就無了。
再望望，架車會經no.17個酒店，而個酒店係前no.18少少，
好似有DFS free shuttle， 於是同司機講no.17落就OK，司機話好。
經過2個海灣、再經過GPO，好快唔夠20分鐘就返到Tumon Bay，
去程3個幾鐘，回程4個字，真係 ...
另外就係，有詳細巴士線既資訊真係好好好重要呀！！！
 |
| 手機影無乜燈既地方，算係咁啦XD |
即係Grand Plaza Hotel (唔係Guam Plaza Hotel)，
亦唔係Pacific Island Club附近，即係無DFS Free shuttle，
但個位置都係好近我地住個度，所以可以慢慢行返去，
都只係10-15分鐘左右。
呢次真係幸運包車，
難道我一直以黎既走車氣場換黎既運氣，就係用左係呢度？？
比預期早左個幾鐘返到Tumon Bay，於是就係附近d store又行下，
又影下夜景咁，先再返到了。
今晚真係要大豬訓，總之聽日checkout前起到身落到樓就得。
是日感想
- 迪迪多早市好普通 但望下望下都幾得意呀
- 行左5萬步好健康呀 ~ XD
- Jamaica Grill真係好味呀，個飯都好好味啊。
- 回程完全是幸運包車 ~ 嗚呀！
沒有留言:
發佈留言