Day1：2023年11月30日 星期四
地點：香港、法國 巴黎、西班牙 巴塞羅那
話說因為夜晚10點機，所以收工之後一個背包，直接就黎到機場。
而當我到左機場既呢一刻，只係7點，同行都仲未上機場巴士。HAHA
入黎個下，有少少晞噓。
呢一日，係等左差唔多四年之後，再次黎到機場。
可能因為我未做online checkin，
所以AIR FRANCE部自助乜乜機認唔到。
所以AIR FRANCE部自助乜乜機認唔到。
等到8點幾左右，同行都到左之後，
我地直接去人工個櫃台。
我地買機票既時候買左LIGHT ECON，
即係所有野都照舊 (有飛機餐、有野飲、ECON座位 ETC)，
分別只係我地只有12KG手提行李，無20KG托運行李。
不過櫃台既人問我地 "有無野想托運，可以免費托"。
我地只係得背包，所以話："NO"。
佢指一指我背包話，"背包都可以托"。
然後我話"背包一個鎖都無，唔托LU。"
於是最後就帶埋上機喇~
拎完野，仲有好多時間淨，就過左GATE先。
話說，依家出境方便左。
1. 拎張air ticket，之後一直都係 detect face 就可以出境
2. 全程用 非觸式e道 出境，基本上未拎過張ID CARD出黎
咁多年之後，終於又黎到登機牌喇。
今次坐air france 既 A350。
而且超正既係，成班機都好FULL，
不過咁岩得我地個排，隔離位係無人，
於是我地2個人可以坐3個座位，太爽了HAHAHA。
起飛之後，就有第1餐飛機餐。
之前聽過air france d 飛機餐好好味，聞名不如一吃，
真係好唔錯！！
兩個唔同既晚餐。
飛機上面有FREE WIFI for texting，
所以基本上，全程係度message (實測 wtsapp、tg 都可以！！)。
如果想上ig, 上下網, 睇下youtube，
就要比錢喇。好似一程機 $18EUR，其實10幾個鐘黎講都唔算太貴，
不過因為無咩需要就無買喇。
另外就係，飛機經過中東個一帶，
個WIFI service會temporary unavailable，
所以個段時間就訓下教咁。
飛到一半，仲有6個半鐘。
出面既景。
到左差唔多落機之前，就派早餐盒，超級豐富 HAHAHA
有熱既包、餐包、水果、乳酪、果汁、ETC。
差唔多落地，因為加/沙個邊同俄/烏個邊局勢不太隱定，
基本上都要避開果一帶，
以前飛法國11-12個鐘左右，結果依家要飛14個鐘。
到左法國巴黎戴高樂機場，
airfrance 國際轉國內，雖然同1座客運大樓，但要出入境，
只係得1小時15分鐘，基本全程都係跑跑跑跑跑跑跑。
由於同行係著高筒鞋，背包又有相機個d，
所以入境既時候CHECK野用左d時間。
另外，入境既時候 移民官 好似唔太知特區護照係唔洗VISA，
打開左其他國家既VISA問我: VISA?
我: NO VISA NEEDED。
跟住佢地好似唔多信，佢同隔離個 移民官 講左兩句，
之後又開電腦check左陣，結果真係唔洗VISA。
就CUP左印比我地過。
好，時間無多，跑得更甘。
但跑到喘晒氣都要影一影下轉機既位。
終於上到，雖然時間剛剛好，但無即刻關門，
仲等左一兩分鐘，有幾個人係我地後面入黎，之後先正式關機艙門。
個時心諗，回程就得50mins轉機，
雖然國內機轉國際應該唔洗check咁多野，但都有少少擔心轉唔切 HAHA。
第二程機，坐A220。2-3 既座位，我地都坐得幾前。
同樣，隔離無人，所以又可以2個人坐3個位。
呢程機只係坐1-2個鐘左右，
由法國巴黎戴高樂機場 飛 西班牙巴塞羅那既機場。
所以都只係派左野飲同小食。
前面就係business class。
太陽出來了。
眨下眼就到左。
落機了。
終於，西班牙，一個一直都講左好耐想去既地方。
我終於到喇！！！
- Day 1 完-
沒有留言:
發佈留言