Day0：2024年5月4日 星期六
地點：香港、澳洲墨爾本
往宿：飛機上
無諗過轉眼就5個月後，依家用10月既視覺去寫番5月，
希望唔會唔記得喇！
屋企人3張機票係上年年尾買，
而我呢張機票係4月中先買，5月頭飛。
好彩雖然分開買，但係價錢唔算爭好遠，
航程都係完全一樣、買到晒3程都係同一班機(香港>墨爾本>悉尼>香港)。
而我地既今次主力plan既屋企人係個J人，
係前一晚已經checkin好同簡好位，超有效率。
飛既呢一日係星期六夜晚8:00，
所以今日算係好輕鬆地執下野final confirm下，先再出門口。
我地慣左大約2個鐘之前先到機場，
被接機到機場，再去會合，
所以6點左右就係機場集合，然後去澳航counter寄行李。
行李大約9kg。
差唔多時間，就出境過安檢喇。
因為出發呢日都有d風雨，
班機未落地，係天空轉左幾個圈。
大約delay左成粒鐘，然後先有gate number，
幾驚有排deplay啊。
出左gate number個心就定左d喇。
終於可以上機喇，20:00 -> 20:45，最後係大約21:00開gate既。
無耐就上左去，今次坐A330。
出發！！
晚餐(宵夜)時間~
個mon有寫餐牌，可以係派餐之前望定先。
我簡左牛肉既飯。
家姐簡左通粉。
食完晚餐就有飯後甜品HAHA
仲有朱古力。
食飽就訓。
又醒一醒。
呢個時候航程已過一半。
突然之間手機開唔到mon ...... 嚇到。
之後按下d掣、又插下叉電線，feel到佢震的。
又再郁兩郁部機，按下，終於......
見到個face id畫面........
............ 手機都有點水土不服？
準備過赤道喇，人生第一次去南半球，
比預期遲左四年 (當時book左2020年4月去南美....T_T )
終於過左赤道。
已經去左澳洲上空，應該仲有無幾耐就到喇。
再訓再訓。
又再醒了。
然後........早餐時間到。
簡左肉絲麵。
姐簡左西式早餐。
食完早餐，再坐多陣就落地喇。
派入境申報表，
聽講話澳洲因為地形、生態之類既關係，入境都比較嚴。
水果、種子、肉類 唔好帶入境，
如果有personal drugs都記得要申報。
佢會問你近排有無去過某d地方，
聽講係驚你對鞋踩到種子，然後帶左過黎。
澳洲，我到喇！！！
落機之後，有個垃圾筒，提提大家有咩唔可以帶入境。
e.g. 水果、種子、肉類、etc。
入境時大排長龍，後尾我行前少少望下條隊有幾長，
點知發現，原來全世界排緊最出個1部機，
其實入面仲有一大堆機無人排，得零零星星人係度。 = =
唔止，仲有拎左e-visa既人，再入d仲有一大堆機，
我地已經有e-visa，所以直接去個d機到做入境手續。
自助入境好順利，之後拎埋行李，
過埋行李申報/安檢之後，就到機場大堂喇。
我地trip planner，其實即係我姐，
已經買好左tickets，可以直接scan qr code就上sky bus喇。
上車，入墨爾本市區大約30mins。
好快就落車喇。
其實可以坐free tram去酒店，
不過我地又覺得行過去唔係好遠，順便當係觀光。
經過個公園，忍唔住係度影多兩下相 HAHA。
真係係澳洲就敢，
如果係歐洲，行李唔拎實、掛住影相，應該可以直接唔洗要。。
到左喇，係Queen Victoria Market附近既酒店。
---
Veriu Queen Victoria Market
book左1間雙人房、1間雙床房，同一層既相鄰房。
空間都OK，床又幾舒服。
因為之前睇評價，覺得市中心既大部份酒店都好伏咁，
所以今次入到房望一望，覺得比想像中好。 HAHA
不過當時唔知，以為無一次性既用品，
又無牙刷、又無拖鞋、乜都無咁.......
所以覺得好麻煩同埋好差，
後來.過左幾日先知，LIFT口、LIFT、前台 etc 都貼左紙表示：
「環保關係，酒店房入面無提供.........
如果想要，可以向前台request，乜都有咁濟」。
OMG...
---
- Day 0 完 -
沒有留言:
發佈留言