Day1：2024年5月5日 星期日
地點：澳洲 墨爾本
往宿：Veriu Queen Victoria Market
是日大概路線 :
雖然岩岩落機，但大家係飛機都訓到教，
而且岩岩到達，所以比較興奮，就直接出門口喇。
出門既時候大約early afternoon時間，好似係一兩點？
打算食下野先。
---
首先去左酒店樓下既Victoria Market，見到有d攤位仔，
今日開既攤檔唔算太多，黎到都係亂咁行下咁。
屋企人對呢度既Tee好有興趣哈哈，
但都15AUD一件4普通Tee，唔太抵。
見到好得意既襪，到我想買XD
聽講澳洲既水果好甜，不過無打算係呢度買。
除左Market區，附近都有d鋪位區。今日人流唔係太多。
食野既攤檔都唔算太多，而且偏貴。
屋企人好似對呢度既食物興趣不大，
所以原定係呢度食Lunch，變成搵下其他地方。
於是我地就向其他地方進發，邊行邊搵野食。
---
5月黎到澳洲係，當地係秋天，有d紅葉，
大家對紅葉既興奮程度比起見到食物更高 XD
諗諗下，大家話，與其漫無目的，
不過直接去左下個景點先XD
於是我地就去坐city入面既free tram。
本身諗住一坐就坐到尾。
當時影左呢個牌，
都無為意上面原來寫住今日市區正中心有遊行。
直到Tram去到City Centre站前停左，
然後叫大家落車，之後間車就返返轉頭。
我地仲以為係因為果間車唔經City Centre。
之後等左陣，發現架架車都係呢度停完，
就返轉頭，就以為係整路，於是唔等了，繼續向前行。
行左一段路仲未見到電車。
問一問人，果個人指一指遠處，
我地以為係去呢個站等。
等等下都係無車，然後.......
就見到遊行隊伍了。
原來封路係因為有遊行。
於是我地就放棄搵車，一路行到底。
我地既目的地係墨爾本博物館，
沿路都會有 city walk 既地標，影下相咁。 XD
雖然話放棄，但其實周不時都會望下電車站，
結果都無無車。
而因為要兜路搵站，結果行既路更多 ........ XDD
行到最後，終於純徒步黎到博物館前既花園。
本身呢度係個好好既影黃葉花園，
結果.....................？？？
哭了，要係欄杆中間影過去，無得入去..........
唯有兜隔離條路過去。
見到博物館喇。
沿路都好靚。
黎到呢度陽光正好，呢個時候已經四點幾喇 XDDD
估唔到我地就咁樣行左幾個鐘先黎到.........
正面。
帶上南波小兔影一張。
係度應該玩+影左一粒鐘左右，
旁邊有個湖，好多鴨同埋.......鴨屎(?) XD
---
影完就搵路返去，又係無限搵Tram，
搵到家人都開始話唔想再搵Free Tram了XDD
因為根本搭唔到XDDDDDDDDD
經過唐人街，無過去個邊。
---
之後兜左個圈，接近市政廳附近。
入左間士多諗住買d野食下，見到部bitcoin機XD
未搵到野買，繼續行。
經過donut店，同姐一人買左一個黎食。
黎到火車站。
上面好多唔同地方既鐘。
呢邊再望對面馬路一個景點(?) XD
屋企人對建築興趣似乎不大XD
好似無咩影相意慾， 所以準備過對面既公園影日落。
過橋中，呢度睇風景真係好寫意啊。
過左對岸之後，見到塞車XD
呢個時候，日落了 T^T 太陽啊~~~~
如果有太陽會靚好多 ARRRR~~
太陽落山之後，我地係度行兩個圈就閃了。
---
係對面岸，沿住河寫意咁行行行，邊行邊搵個晚餐食。
發覺無咩餐廳岩，於是走左入去foodcourt，
簡簡單單咁叫左個越式湯河食XD
仲有叫左d小食咁。
味道一般般。
不過小食唔錯。
---
食完之後，已經天黑喇，繼續沿住河邊行，
雖然就來斷腿，不過呢個秋天既氣溫、望住風景一路行，
真係好舒服 XD
過左條橋返返去墨爾本市中心。
今次知道Free Tram點坐，向西坐一架，再向北坐一架，
然後去City Centre附近超市行左個大圈，
買定一陣既零食、聽日既早餐、車上既乾糧，
就返酒店休息喇。
係行超市期間，一路行，
一路等緊聽日大洋路local tour既message，
因為join個時，
話出發前一晚18:00-20:00會wtsapp/wechat/email details
(e.g. exactly集合地點/時間)，
所以18:00開始仲未有info就開始有d精神緊張XDD
怕miss左/搵唔到我地 之類，
結果19:30左右收到email，安心晒XD
今日打算早d休息，
所以算係比較早返到酒店。
今日係好充實既CityWalk、City一日遊，正呀。
聽日，出發去大洋路！！
- Day 1 完 -
沒有留言:
發佈留言