【月的日常遊記★】: 【荷比盧德13d12n】Day2 比利時 (布魯塞爾)

日期：2016年6月24日

更多資訊，參閱：
http://yuetdaily.blogspot.hk/2016/07/13d12n_9.html

Day 2 (布魯塞爾大廣場、尿尿小童、尿尿小妹)：

終於到左AMS，第一件事………落比利時既布魯塞爾(Brussel)。
依家諗番，呢日其實可以去左rotterdam附近既小孩提防先，
因為係Brussel真係好多時間。。。

其實一開始完全唔識交通既野，就算即時google定睇網站又好，都覺得係會有伏。
幾時都係去到就慢慢會知……

於是乎，到左車站網講既3號月台，然後再問左個工作人員，佢話：今日無呢班車喎！！
心諗：……
我地話，咁要坐去邊呀？
佢話：要去rotterdam轉車架~~去X號月台啦(唔記得左)。

好快就有車，好彩只係隔離月台。

好鐘意火車既上落位。

入到火車，坐坐下就到左rotterdam了。

講起，車上有check飛員，佢話，你地去brussel一陣要去4號月台喎。我地話ok。
跟住落車驚記錯，去左再問，佢話：oh!! you ask again!! i just told you!!
我地話：我驚記錯姐XDDD

跟住就去買野食，去4號月台等車。

係rotterdam食野期間，有架thalys(ams去paris既高速列車)入左4號月台。
同我地架車既入站時間好近，跟住有個人員走上黎，逐個問：to brussel？
跟住舉起7隻手指，叫我地去7號月台。

最初其實唔知信唔信好，望望4號月台個火車牌，下面有行字，
係我地個站隔離再寫住 XXX 7， XXX 應該係當地既文字，解platform。

於是就去左7號月台，同時，架車剛剛好入站…… to brussel centraal，於是果斷上車了。

我唔會話你知，我係買左先知 add個醬，都要+$0.6歐，而本身薯係$2.5歐…
隔離有間超市，買支茄汁就……可以倒晒成支落去。

兩個鐘左右到brussel noords，我地住既地方。一落站，就見到細妹係度等緊我同家姐了 ~
於是一齊行去住既地方~~

呢間真係好正，舒服呀呀呀！係三張床既，係隔離，影唔晒。
放好d野之後，就真正向brussel centraal進發 ~

對唔住，我真係第1次去歐洲，我一出站時，個人係：「woooo--aaaaa!!!!!?????!!」
周圍都係歐式屋仔.................哇.........

行行下，冷靜落黎之後講左句勁大對比既野：「呢度又幾似中環d內街喎哈哈」:0)

聽講有個artist好鐘意係唔同地方織野，係度見到，然後ams都見到。
諗起好似話黎緊有個織左成個繩網遊樂場既野，會係香港定台灣推出比人去玩？

有頂既長廊。呢度買左dd朱古力同dd雪糕。

然！後！食！我！話！黎！到！比！利！時！一！定！要！食！既！野！！！
(我本身係超鐘意waffle……)

叫左呢個，有d甜。不過都好味。
呢度好多野都會加樁子醬，因為比起香港，真係OK平……

食完，就去brussel既大廣場。
呢個時間個太陽未落山，但其實已經8點幾…

係夜晚8點半……
係度hea，有2個人走過黎，問：
can you help us to take a photo and send to my email?
i just have a phone but I dun hv a good camera...

其實本身係無問題，但睇得太多騙案驚驚地，於是扮唔識聽繼續影下相hea行下……

hea完就去醫肚啦，因為對上一餐，唔計個雪糕，就係rotterdam個薯圈呀！！
好食呀喂個青口。

比利時真係好多薯條…一開始好開心，食食下就… x_______x
呢餐27歐左右。

我感覺上，唔知係咪真，比利時有樣野而其他歐洲地方好似係比較少feel到既。
佢地應該唔鐘意人share餐。
(即係每人最低消費1個餐+1杯野飲，但無字寫明[其實可能係我唔識睇XD])，

如果3個人，但叫2個餐，叫1杯野飲，就會話：「oh? really?」
跟住黑面 / 笑住話："special~"
妹話有次有個waiter訓話，話唔係必需，但通常d人都會咁。

不過有時佢地d野勁大份，望住d外國人，3個人，每人食1個pizzahut份量大細既pizza…
我諗我地3個share食1個都應該食唔晒……

SORRY outfo，其實係想講，頭先8半係廣場，跟住去左食dinner，但食完個天仲係光的。