地點：瑞士北部 萊茵瀑布 (Rheinfall)、沙夫豪森 (Schaffhausen)、
萊茵河畔施泰因 (Stein am Rhein)
住宿：Hotel NH Zurich Airport, Zurich
今日算係自然醒咁起身，然後Checkout，
直接係Tasch坐返Zurich，只需要係Visp 同 Zurich HB 轉車，全程大約3個鐘。
回頭望就是火車站。
但當然我地出番山，係坐火車，所以去番火車月台。
又見番熟悉既地圖板。
火車穿過PT1 黎到 PT3 後停車，我地就落車。
P.S.1 ：
PT 1 同 PT 2 是2條唔同路軌，所以此程經了PT1 就不經PT 2，
PT3 是PT 1 同 PT 2 路軌既集合點，唔想坐巴士可以等火車去PT 2，
但班次較疏。
P.S. 2：
如果係Schaffhausen去Rheinfall，就唔洗理點轉車，
去邊都係1程過就可以。
而我地之後就坐巴士去PT2。 (見有巴士就上。)
有d遺憾無坐船睇瀑布 ，不過唔緊要 .v.
野心大d，第日去睇尼亞拉瓜大瀑布~ .v. ！
睇完之後，就慢慢上火車站。
Grindelwald、Interlaken、Zermatt 因為有少女峰同馬特洪峰，
所以出名到d餐廳都貴晒 T口T
而呢度9.5CHF係可以食到1餐架！！
唔洗15CHF有個pasta啦 T口T 雖然比起其他EUR地區都係貴左d，
但都已經係平過Grindelwald、Interlaken、Zermatt 太多 T口T
黎到河邊。
再影埋個玫瑰園。
黎到大約9點，日已落。
最後一班回程火車係9點半 T口T，而回程巴士係去到再夜d都有。
呆望河邊。
直接係Tasch坐返Zurich，只需要係Visp 同 Zurich HB 轉車，全程大約3個鐘。
少女峰頂站曬傷既我地，今日起身，
望望同行開始甩皮了。
而我，嘴邊都係曬黑的，本身幾驚要半年先會退色……
(「好彩」今次係一次超甘既曬傷，一次過甩晒黑色皮)
離開極近火車站既小木屋酒店。
回頭望就是火車站。
行入去電車站望望先。
呢度係電車站入口。
但當然我地出番山，係坐火車，所以去番火車月台。
又見番熟悉既地圖板。
對頭車。
經過兩座橋。
食零食。
我有試過懷疑係呢包野太熱氣，
搞到我第二日嘴腫，不過應該真係曬傷先搞到嘴腫既…？
好快，再次經過Bern。
到了Zurich，見COOP即入，買左2隻雞脾1盒意粉，合共 11 CHF。
經過3個鐘車程，終於黎到最近酒店既車站 Opfikon。
Check - in！
是日窗景。
好快settle完就去番火車站，出發去瑞士北部。
因為今日太遲起身 (10點)，於是遲左黎到Zurich (3點幾)，
於是亦都好遲先到瑞士北部 (4點幾) ...
為左睇火車經過瀑布，於是係Winterthur轉車，
再向Schaffhausen方向進發。
係Winterthur轉車時，
本身黎左架電車，入到去，無啦啦熄晒燈，
於是，我地就即刻落車，然後架車就熄住燈咁走左。
之後有架火車到，check一check班次，係呢架啊，
但月台個牌有句德文，意思係「不要上車」，
可能係上一架電車走之後唔記得TUNE番掛 .. ?
總之就上左，亦順利移動。
萊茵瀑布 (Rheinfall) 有好多個站可以落。
PT 1. 最近瀑布既站。一落車，可以比錢入城堡再慢慢落到瀑布最底。
PT 2. 另一邊既瀑布，睇既瀑布大小較細。
PT 1 同 PT 2 可以坐船互通，每次 7 CHF，Swiss Travel Pass 唔包。
如果想去河中間既瞭望石，要25CHF，Swiss Travel Pass 唔包。
而我地無係PT1落車，
而係等火車穿過萊茵河Rheinfall，下個站PT 3落車，
再坐巴士返 PT 2，玩完再係PT2 上火車去Schaffhausen。
(p.s. 點知火車橋唔係正面對住Rheinfall!!!所以其實唔洗咁做!!!)
至於PT3，係我地今次落車既地方。
我地個路線唔係經過仔細考量，而係即時亂黎的，
所以大家最好搵下適合自己既路線。
火車穿過PT1 黎到 PT3 後停車，我地就落車。
P.S.1 ：
PT 1 同 PT 2 是2條唔同路軌，所以此程經了PT1 就不經PT 2，
PT3 是PT 1 同 PT 2 路軌既集合點，唔想坐巴士可以等火車去PT 2，
但班次較疏。
P.S. 2：
如果係Schaffhausen去Rheinfall，就唔洗理點轉車，
去邊都係1程過就可以。
而我地之後就坐巴士去PT2。 (見有巴士就上。)
好快就到了PT2，沿住樓梯同斜路落去。
好快就見到瀑布啦！！
一開始望，咁少水既，歐洲最大瀑存黎架啦？
(p.s. 歐洲最大流水量瀑布)
跟住望一望，原來我地個邊係流水量細d果一邊。
於是行前d去睇另一邊。
另一邊真係好似黑雨時決堤咁噴出來。
噴啊噴啊噴啊，d水花彈起晒。
勁想可以近距離去睇 T口T ... 頭先應該落左車先 ....
好正，仲要有彩虹。
比我坐船近d去睇啊 T口T
d船好得意，衝過去又比個瀑布彈番轉頭。
望向碼頭方向。
望望對面城堡。
之後係度留左應該有粒零鐘，
同行係瀑布邊睇魚逆水而行，跳上瀑布上層。
然後我又去左去睇，望望下係度諗：係咪真係跳到上去上面架？
另外仲有隻雀係度想食魚，好有趣。
有d遺憾無坐船睇瀑布 ，不過唔緊要 .v.
野心大d，第日去睇尼亞拉瓜大瀑布~ .v. ！
睇完之後，就慢慢上火車站。
以為知道有LIFT好醒，點知原來有2層LIFT！
我地行多左！！
於是由半山搭Lift上上面。
原來不經不覺，已經六點三啦。
上火車，7分鐘就到Schaffhausen。
到了，落車。
影一影雙層火車先，好似呢次旅行都好少影添。
到了之後，去COOP 買野飲。 (必需吧!!)
之後離開火車站，向舊城區進發。
今日瑞士北部真係亂遊 (雖然無乜時間) ，
因為無乜話最要景點，但又當係城鎮遊覽咁，
所以都唔知係叫hea定唔hea遊 XD
瑞士北部木骨屋都唔少呢 ~ 可能因為近德國吧？
但我最期待都係一陣既 Stein am Rhein。
有時諗番，應該去左Stein am Rhein先，
因為原來21:30後 Schaffhausen <-> Stein am Rhein因為鐵路整路，
所以得巴士可以來往…
搞到雖然個小鎮的確係好細，唔需要行好耐，
但當時除左天色已暗之外，仲因為怕無車所以無細心去睇。
巴士其實唔係咩大問題，
但我不知巴士係邊度上落車... 驚返唔到歸 XD 唉
去左Migros，買左呢個，好平，2.X CHF。
d冷食梗係有腸味XD 唔製。
不過日落下既Schaffhausen都唔錯，
而且呢度係超多超市，唔止！！
餐廳既食物價都正常過Grindelwald、Interlaken、Zermatt 好多 T口T
Grindelwald、Interlaken、Zermatt 因為有少女峰同馬特洪峰，
所以出名到d餐廳都貴晒 T口T
而呢度9.5CHF係可以食到1餐架！！
唔洗15CHF有個pasta啦 T口T 雖然比起其他EUR地區都係貴左d，
但都已經係平過Grindelwald、Interlaken、Zermatt 太多 T口T
繼續周圍行，今日依然係好好天 ~
我仲話，呀~又會日日都咁好天既 ~
曬傷左既我唔介意涼涼地呀 ~ (好啦，個天聽日比你如願啦 .. )
經過琉士周圍都會有既天然山水水池，
呢隻雀好識飲 ~~~ 。
見到COOP，入去，又再買雞脾 XDDDDD
我幾時會食到厭 XDD 應該差唔多架啦 XDDDD
靚天下，乜都靚的。
也有人直接飲水。
其實呢度都唔係好大，但就寫意地亂行咁。
黎到河邊。
又係等火車過橋既時間。
再靜靜望望河景。
然後見到有出名雪糕店，好多人排隊哦。
(人群後面個度)
2.5 CHF 一球，呢度黎講真係唔貴啊，
但咁多人就唔排了，應該都係去意大利先食雪糕 ^_^。
於是乎，黎到城鎮當然人望高處。
於是上山上山。
可惜已CLOSE，無得上塔，
不過管理員比我地入去塔內部行下，穿過座塔過對面。
好似開左冷氣咁涼爽 T口T！
出左塔之後，就係「護城河」feel既地方睇鹿。
管理員同我地講，有個玫瑰園，睇落去都係GOOD VIEW，
於是我地就向玫瑰園進發。
的確係唔錯啊，可惜對住太陽，影唔到個靚天空顏色。
回望頭先既城堡塔，
係呢度既地標啊。
再影埋個玫瑰園。
然後行樓梯落山。
黎番舊城區。
呢個時候大約8點半，然後我地去下一個城鎮，
也是我覺得雖然細細地，但最有藝術氣息既 Stein am Rhein。
坐電車進發，30分鐘車程就到了。
黎到大約9點，日已落。
最後一班回程火車係9點半 T口T，而回程巴士係去到再夜d都有。
日未落，但剛好被雲阻住了。
呆望河邊。
靚靚。
河水仲好清。
因為對於佢地黎講，已是夜深，所以街上無乜人了。
呢度d屋好artistic 。 T口T
木骨屋、油畫、字、花草 ~ T口T
因為已經無陽光，影唔到同時天同屋都係光既狀況，
但現場睇雖然已無陽光，但都仲係好有 feel。
你睇邊有一個城鎮間間屋都畫畫架！！T口T
每個轉角都係一個驚喜。
你望下你望下你望下你望下，好靚好靚好靚。
我以為睇緊卡通片 T口T！ 點解咁靚？？
木骨屋不突止，仲要係畫。
畫都不突止，仲要係中世紀個種油畫？？？！！
T口T 救命啊好想係度慢慢睇每一幅畫，
根本就係一個室外畫展好唔好？？ T口T
好！！靚！！呀！！！！
勁似將我勁鐘意個d MT放大貼左上屋做外牆咁！！
靚到痴線呀！！
可惜無陽光同入夜無乜人氣！！
雖然我地步伐一d都唔急，都係正常步速，
最多唔會停勁耐仔細研究，但都15分鐘就行左主要既路。
好快就向出口進發，
而我係極度唔捨得呢度 T口T，點解火車要整路，
點解唔可以多一班，比多半個鐘我啊嘛 T口T。
好啦，係我唔敢等巴士，係我問題，唔緊要，
有逛過我已經好滿足了 >3<
呢個位置就係出口，要離開室外藝術館了 (誤)。
回頭望，好靚 T口T 。
忍唔住再影多幾幅 T口T ...
原來都只係9點3，行左唔係好耐。
出到去，都要望一望番城內。
藝術小鎮 T口T，於是又停左係度影左陣。
慢慢，我地又行返去河邊。
然後過番條頭先過黎既呢條橋。
然後發覺跑跑跑跑跑跑跑跑跑跑跑跑跑跑跑跑跑跑，
終於趕到上尾班車。
話說，今日係瘋狂咁追車，追左5次，
多得同行既速度同力氣，每1次都追到，但我就攰死左 XD
返到 Schaffhausen ，21:56到。
下一班Schaffhausen 經酒店 既火車 21:57 開，
係另一邊月台。
嗯！！！跑啊！！！！！！！！！！！！
又一次追車。
黑夜搖住車，到站了，今次同去程唔同，係唔洗轉車的，
所以就唔係Opfikon落車，而係隔離另一個火車站Glattbrugg落車，
都係酒店附近。
一出火車站，同以往咁多日既感覺非常唔同。
以往夜晚一定係涼浸浸的，而呢度係暖笠笠架。
然後，行幾分鐘，
經過油站買左支水，最後返到酒店休息。
聽日係最後一日，全日Zurich遊 ~
- Day 7 完 -
沒有留言:
發佈留言