【日本 中部北陸 5d4n】Day 5 Part 2 中部國際機場 往 香港

Day5：2018年10月2日 星期二
地點：名古屋中部國際機場、香港國際機場

一個鐘左右，就到左名古屋機場。

唔捨得咁靚既天。

到左機場，搭 Lift 上去。

好大。

去Checkin喇，入左Gate之後再去買野食。

選擇唔多，簡左900yen拉麵，唔太好食。

出面900yen可以食到好高質拉麵啦！！

食完野，兜多陣就Boarding了。

再見喇。

上機喇。

一上機，見到張凳，覺得好似坐船。

原來係傳說中，

拉低張凳唔會影響後座、但自己d位會窄左果隻！！

不過想講，佢張凳係會拉低，

但個枕頭位唔會一齊落，而係無郁過，

所以如果你想訓低，個頸位好似摺住咁，會好唔舒服。

今次係777-300。

坐位係 3-3-3。

坐好。

等大家慢慢上晒機。

起飛喇！

越黎越多雲。

係兩層雲中間。

棉花咁。

好快有飛機餐。

都唔錯。

幾得意，有冷麵，但味道一般般。

四個鐘機，好快就係香港上空。

我返黎喇 ... 

經過港珠澳大橋，下意識望望個防波堤。

太夜影唔到。

好喇，放棄。

落機、跟住上巴士，然後就返到屋企喇！

五日好快就完左喇。

- Day5 Part 2 完 -
- 旅程完 -

【日本 中部北陸 5d4n】Day 5 Part 1 名古屋市 (名古屋電視塔、名古屋城、榮町地下街)

Day5：2018年10月2日 星期二
地點：名古屋市

今朝係酒店食早餐，早餐都幾豐富。

食完早餐之後，問屋企人：
「一陣有三個鐘，話行街喎，你地想行商場/地下街，定係去下景點？」

屋企人唔係特別鐘意購物既人 (或者應該話去日本買野既機會太多了)，
所以講講下，大家就決定，一場黎名古屋，無理由去行商場喇。

於是旅遊巴係到左「榮町商圈」之後解散，
我地就出發去名古屋城喇。

不過係酒店時拎左張名古屋單張，
知道今年五六月開始，名古屋城天守閣要做地震加固工程，
所以天守閣唔開放。

個下係度諗佢會唔會成個城都封住左XDD

大約由10點係名古屋電視塔下解散，大約1點係番呢度集合。

本身睇行程單張，

以為會係「榮」站落旅遊巴，所以打算坐地鐵。

點知原來係久屋大通落車，咁就打算行喇。

唔知點解跟住直覺行，
所以就行錯方向喇，行去左「榮」站 XDDD

既然係咁，坐番兩個站，

經頭先落車既久屋大通，去市役所站落車喇。

我地五個人，呢個價其實可以坐的士 XD

但唔緊要喇，唔想截的士 XD

落到月台。

等地鐵。

兩個站之後，落車喇。

然後，我地決定回程行路。

因為太近喇！！

一出站就見到呢個「名古屋」，

又難得無人，即刻影張相打卡。

名古屋城天守閣外都要買門票！！

明明人地大阪城都唔洗！！>  <

經過護城河。

入到黎，西南隅櫓復修中，木色超靚。

圍住佢外圍行左個圈。

然後見到有導賞團，

呢個時候係10:45，簡左11:10既中文 TOUR。

當然唔會係度等到11:10喇，所以上樓梯，去左另一邊睇。

入去要除鞋架，換成拖鞋。

呢度可以行上第三層，遠望名古屋城。

上第三層要換第二隻拖鞋，

拖鞋數量有限，代表上樓既人數有限，

有人落黎除左鞋，你先可以著番對鞋上去。

不過今日人唔多，所以唔洗等。

上到三樓，係窗口望出去。

好彩無封住 XD

呢個角度影好靚呀。

咁岩有雀飛過。

望落去入口處。

望下屋頂。

亂影。

行完之後都11:05喇，所以落番黎，去番就快出發既 TOUR 。

復修中。

TOUR開始喇，可以入去。

當然都係要除鞋喇。

見到好白雪雪，係因為復修中，未畫好。

佢地話大約仲要復修多幾年。

古時既鎖。

桑拿室。

呢度其實係將軍遠征會停留既一處住所。

呢度既畫比頭先金色畫既牆身較樸素。

但都好靚、好舒服。

唔知畫好之後會係咩樣呢。

平花板都仲未做好。

大約20分鐘既TOUR就完左喇，

無時間去本丸個殿添，入面會有條金龍架。

黎到名古屋城既面前。

哎，原來係石個PART加固工程進行中。

因為都幾熱，所以買左個綠茶刨冰食。

刨得好鬆軟，超鐘意個質感呀啊啊呀啊啊。

係另一邊出，上次去大阪城、今次去名古屋城，

兩次條護城河都係乾既XD

明明見到d人去到護城河時，係可以遊船XD

可惜起晒架，所以無乜係呢個角度影。

但都影一影喇。

今日係離開既日子，

睇黎再晏d，會越來越多雲呢，

明明頭先仲係好藍好藍架。

大約十二點零鐘，我地就打算回程喇。

好靚既蓋。

沿住久屋大通公園附近既大道返返去。

基本上就係望住電視塔方向黎行。

過馬路，行左二十分鐘左右，就到喇。

因為仲有15分鐘先到集合時間，

所以就係地下街同個商圈兜下。

商場果然唔是我杯茶。

地下街既衫褲鞋襪都唔是太有興趣去睇。

行下行下，就到左集合時間喇。

而呢個時候，就開始肚餓喇。

其實呢3個鐘自由活動，本身係包埋自己去食飯。
果然，我成日為左睇景，而無得食飯.......

集合既時候，大家都話係度食左飯，
可能得我地家人未食飯 XDDDD

上車喇，開車喇，向 名古屋中部國際機場 進發喇，
代表住我地既旅程即將結束，要返香港了。

嗚呀，五日過得真係好快呀。

- Day5 Part 1 完 -