地點：高山三町 飛驒老街
食完 lunch，坐半粒鐘車黎到高山三町。
而個天已經靚到傻左了。
經過陣屋。
修緊樹。
今日日期。
黎到停車場停車之後，就有個零鐘可以周圍走。
都會望一望個地方係咪自己心水、有無咩行程係浪費時間之類。
所以呢個地方係有 Search 過，
然後發現有間網上幾熱門既 飛驒牛。
雖然高山三町 飛驒老街 賣既係古街既情懷，
但當然呢度既飛驒牛，都係黎到必食既野喇。
有好多間唔同既飛驒牛壽司店，
但呢間唔係我地打算搵個間，所以繼續行。
呢個時候個天已經藍到想像唔到琴日係陰天、
前日係雨天。XD
呢個位幾靚。
繼續搵，行行下，行遠左 XD
於是兜番轉頭。
又過番橋 XD，今次行另一條橋。
然後發現原來古街既範圍，原來都分成幾條街。
行左無耐，終於見到有人龍。
然後就即刻肯定左係呢間！！
又可能因為颱風前後，我地黎個陣都算係好少人，
所以等左10-15分鐘左右就有得食喇。
不過我地只係係度留個零鐘左右，
所以排隊等食都叫做用左我地唔少時間 XD
我地係試 1000yen既 三種飛驒牛壽司，叫左5個，
另外再叫左 1個 1000yen 既高級飛驒牛 。
網上話呢3款之中：
「竹炭鹽 既 牛味最重，最好食。」
不過我同細妹試晒3隻之後 就覺得，
鵪鶉蛋飛驒牛軍艦係最好食 XD
可能因為d蛋汁爆出黎個下好香？
又或者係，因為今次飛驒牛居然有筋 ... > < 所以扣左分。
最底個塊蝦餅都可以食晒架。
合照，其實唔止呢度架。
高級版飛驒牛果然唔同d，
無筋之餘，牛味重好多呀。
之後去左網上講既另一間，係同一條街既附近。
試一串500，一串800。
網上話，300yen 個隻麻麻地，500就好好味。
而可能我食頭一粒，覺得500yen個隻好淋好好食，
但妹覺得500yen個隻好乾唔好咬，屋企人試完都認同。
之後食800yen，哇，真係超淋、入口即溶，牛味超重。
屋企人都狂讚好好食 .....
800yen 個隻每日有限售，如果有就簡 800yen 個隻吧，
好味啊好味啊！果然都係一分錢、一分貨啊。
最後臨走之前，見到80yen一串五平餅既串串版，
打算試下就買左。
結果唔岩我食 XDXDDDD
同想像好大出入，唔煙靱，又鹹XD
我終於知道細妹點解成日見我話要買個隻彩色丸子咁驚XD
因為佢以為係呢隻，呢隻真係唔鐘意食XD
大約個零鐘，就離開高山三町飛驒老街，
行番去坐車喇。
而我覺得，呢度舒舒服服慢行既話，
可以行兩粒幾鐘架。
上車後，代表即將離開北陸，
離開周圍都係小屋、田園、峽谷、鄉村，
正式進入城市喇。
下一站係：名古屋。
- Day 4 Part 2 完 -
沒有留言:
發佈留言