地點：白川鄉合掌村 (白川郷合掌造り集落)
今朝係酒店食完早餐，好快就出發了。
今日既行程係坐約1.5粒鐘左右去到白川鄉，
然後食lunch。
之後再坐半粒鐘左右，去 高山三町既飛驒懷舊街，
最後就會坐 2.5hr 落名古屋。
話說琴日坐車時，
天氣預報話今日12點前多雲，3點開始先會天晴。
結果今朝天氣比預期早左由陰轉晴，
所以食早餐既時候仲係厚厚烏雲，
到左白川鄉時已經開始撥開雲霧見青天喇！！
好快就接近白川鄉一帶，
而呢個時候導遊講緊海幸山幸既故事。
欣賞下慢慢變藍既天空，
旅遊巴開始上緊白川鄉觀景台。
過一陣又再藍d。
好快就到左觀景台。
一開始未有太陽照落去，但之後個天越黎越藍！
太陽出晒黎。
行遠少少影埋個觀景台，
其實好闊，仲有左邊架，不過無影晒。
係度留左大約半粒鐘，
其實都係得呢個角度，所以都影到夠晒喇。
於是我地開始入白川鄉入面喇。
由停車場入合掌村，會經過一條石屎橋，
雖然係石屎橋，但一路行佢會一路搖架。
望下左，望下右。
一日雨天、一日陰天之後，見到藍天係超級興奮架。
遠處都有合掌村。
每間屋前面都有條明渠。
雖然拎住張地圖，但到左對面之後，我地都係亂咁行。
不過合掌村比我想像中疏落，唔夠密 XD
另外就係，冬天黎應該幾浪漫，尤其夜晚。
不過夏天都好靚好舒服。
d茅草好厚。
聽講依家識造呢d合掌屋頂既人已經得番好少。
咁岩見到佢地換茅草。
然後再周圍行。
呢個時候白鄉村唯一唔太靚係d田，因為秋收呀，
所以田入面光禿禿。
秋收前係一片片金黃色架。
有d人私人住宅，會寫住「立入禁止」，
唔好行入去個d範圍呀。
有幾間合掌屋都換緊茅草，迎接幾個月後既寒冬。
真係好厚呢。
有d有綠色，幾靚 XD
不過大部份都係乾草。
有山有水有小屋。
哎呀，塊田。
個天越黎越藍 XD
又係塊田唔夠靚。
一屋一田咁，好小村莊feel，而且可能颱風前後，所以好少人。
跟住見到有間合掌屋二樓有遊客。
繞左一大圈。
狂影。
跟住向二樓有遊客既合掌屋進發。
原來係「和田家」，入場 300yen ，
可以入去參觀合掌屋內部。
我同家姐細妹就入左去。
合掌屋入面會有既爐，冬天保暖用。
而相入面呢個，佢又真係暖緊架！！
上左二樓，影出去。
影另一邊。
二樓入面係咁架。
好鐘意係木屋入面行既聲，個時係瑞士又係，
我覺得好好聽 XDDD
不過如果住係度耐左，又可能會覺得嘈 XDDD
一d展品介紹。
不過睇唔明。
所以都係望望下。
合掌屋又係無用釘黎起架。
織出黎，日本已經好少人做呢d了。
繼續係唔同窗口影出去。
我好鐘意陽光呀。
係二樓望既白川鄉，同觀景台 / 地面睇，又係唔同感覺呢。
行就落番地面。
係白川鄉村入面大約行左一個半鐘，
然後再經過條橋離開喇。
離開之前，係d店仔度買左個合掌屋匙扣。
又係呢條橋。
個天又比頭先更靚。
好快就黎到停車場，去匯合喇。
停車場有間 coffee shop，可以hea下。
大約中午左右，
我地就上車去附近一個食 Lunch 既地方喇。
而行完白川鄉之後，
感覺上我係覺得所有重點行程已經行晒 XD
不過黎緊其實仲有 高山三町 既飛驒老街，
同埋 今晚會去名古屋市架。
我地就上車去附近一個食 Lunch 既地方喇。
而行完白川鄉之後，
感覺上我係覺得所有重點行程已經行晒 XD
不過黎緊其實仲有 高山三町 既飛驒老街，
同埋 今晚會去名古屋市架。
- Day 4 Part 1 完 -
沒有留言:
發佈留言