地點：中國陝西 西嶽華山
住宿：西安宜必思北客路站店
朝早5點幾起身，落樓下截的士，
5-10分鐘都唔洗，好快就到西安北站。
5-10分鐘都唔洗，好快就到西安北站。
由於坐頭班車，所以太早到，
高鐵站仲未開。
之後5:30am開站，
可以過安檢然後入去了。
本身仲諗，點解無去華山北，
諗左陣，心諗，係喎華山北唔係終點站，未訓醒。
終點站係上海虹橋，唔好訓著唔記得落車XD ...
坐左好耐，所以其實唔洗預太早到。
早知訓多陣 XD
終於可以落月台。
超長16卡 ..... 仲要全滿。
出發喇。
車程半粒鐘。
已經見到遠處既高山。
太陽都出黎喇。
到了，快過坐係車站等既時間。
坐免費接駁巴士到遊客中心，
因為會兜埋附近d住客，所以兜左好多路。
比我再簡，會比$$ (1架的士$20左右) 坐的士，
10分鐘左右就到。
到左華山山腳。
行去買飛。
見到呢舊石，代表到左買飛既地方。
我地西上北落。
呢度只係買到 去 西峰索道下站 既接駁車同 華山門票。
(索道票要去到 索道下站 再買)
7點落高鐵，依家係7點半喇。
現金買飛排呢邊，wechat/支付寶/預訂左，
買排另一邊 (個條隊超長....)。
買完，可以坐接駁車喇。
門票。
坐接駁車既閘口。
已經好多人，不愧為清明。
d車流水式咁去，好密班次。
坐大約40分鐘。
就黎到西峰索道下站。
首先要買飛，跟住慢慢行上索道下站。
未坐索道但都開始要行喇。
春暖花開。
如果唔想行，可以比$30坐車仔上，
望下張相既右邊，有條路軌仔，就係比車仔 上/落 架喇。
繼續睇地圖。
好清楚。
行到上黎，終於見到索道下站。
由7am高鐵落車、到730am係遊客中心，
到8點坐接駁車、落車行行行，依家索道係下站已經係9點幾喇。
不過好快就入到去。
呢程索道坐20分鐘。
個景已經好正。
d山壁超近，好型。
索道上站係石壁入面，好型啊。
就左之後，一出到黎就係咁，
上到西峰索道上站，大約已經差不多10點喇。
首先向西峰頂進發。
見到呢塊劈石。
爬爬下。
好快到左，一覽眾山少。
有唔少人影危險相。
係上面玩左陣，就向最高峰既南峰頂進發。
望到西峰索道。
向南峰行，望番去西峰先先頭先行既路望落咁斜。
但行個陣唔覺的。
無幾耐，已經高過西峰頂了。
一個唔覺意，就到左南峰頂。
仲見到華山論劍既石碑，
當然就同佢合左張照。
好多人租刀劍，一定好好賺...。
經過d建築物。
望下d雀。
唔好睇我寫得咁短，其實都行左一段路架。
過左南峰頂，但南峰仲未行完，要向長空棧道進發。
經過南天門。
望向東峰。
係長空棧道啊。
d人話如果排到洞口要2個鐘，
清明應該人多，但見洞口仲可以入。
仲要見到埋 懸崖勒馬。
而且見到隊頭！！
仲去埋隊頭添。
點解咁簡單？因為 .........
維修，所以唔開 .....
唯有係度行行企企。
影下落山道。
望下對面。
上觀景台望望。
然後就走了 /_\。
望落去。
再望對面。
望下石壁。
之後就上東峰頂喇。
回望南峰頂。
一路上東峰頂，一路見到遠遠既下旗亭。
仲話要兜咁大條路，又咁遠，一定唔會行過去。
上到去，就見到東峰既門。
係東峰頂落望下旗亭。
剛剛好無咩人，睇睇下景，就不知不覺去左玩鷂子翻身。
交低30rmb，拎安全扣。
等15分鐘左右就起步喇。
因為來回同一條路，
而鷂子番身高低落差好難跨過另一個人落，
所以係一批批落。
結果每批人玩1.5-2hr，
咁下一批就要係原地等1.5-2hr先落得黎，
好彩可以係呢一批落... 唔係應該唔玩了。
其實都幾簡單，而且一d都唔險。
好快就到左地面。
落到地面就可以鬆扣。
鬆扣之後，原來玩鷂子翻身先可以去下棋亭。
咁當然要去喇。
呢d位其實都好斜 XD 更加應該要扣 XD
只要因為下面係可見既地面，所以跌得無咁傷咁解。
好快就到左下旗亭。
人少，係度玩下坐下。
下一批人係起點大叫「快點」，haha好喇好喇。
以前d人係度望出去，係咩感覺呢，好型。
不過呢個角度，遠景d色好灰 XDDD
其實係藍天黎。
回程要爬番上去，易過落，因為見到d踩腳位。
不過唔知點解上面郁得好慢，
可能因為補番d 比$$既影相位。
所以係度等左差唔多十幾二十鐘先上番去。
11點左右開始玩，上到黎都1點喇。
去左西、南、東峰，打算skip中峰，
直接經金鎖關落去北峰。
呢個時候係大約1點半，食住餅乾出發！XD
又係不吃午餐系列.........
金鎖關，周圍都好多鎖。
由呢度開始行，大約行2個幾鐘就到北峰。
金鎖關係行山者上東南西中峰既必經之路，
所以金鎖關係呢條路既"咽喉"位，
只要守得住呢個位，就無敵人可以上到去上面。
本身開頭隻腳唔攰，
但不斷咁落樓梯之後就開始攰。
北峰就係眼前。
無耐就落到一半。
過左金鎖關，行到近北峰就係蒼龍嶺。
上就行好漢坡，落就另一條。
北峰有粉紅色既花啊。
望向好漢坡。
同北峰同一高度了。
望落去，纜車下面應該係智取華山路。
花。
呢張好靚。
回望東南西中峰。
向前望北峰。
再回望。
經過遊玩用既雙梯。
越黎越近喇。
壁刻好正。
成牆「書法」。
北峰就係眼前，海拔低d，但d樹葉仲未生出黎。
望落北峰索道。
呢個時間已經唔想行了 XDDD
再係四兜左半個鐘多d。
之後就買北峰索道落山。
好少人排，因為有d QR code買票，
而且直接去排隊都得，
沿隊都有QR code比人掃黎比錢買飛。
落山喇。
好多人。
好似排左都有一粒鐘？
回望。
有d野買下黎食住排。
五點左右坐索道落山。
好快好近，大約8分鐘就到山腳喇。
話咁快就到左。
咁就已經5點幾喇。
望番上去。
華山再見喇。
智取華山路起點。
繼續行。
去坐接駁車。
當然都要買飛。
北峰好近遊客中心，所以坐20分鐘車就到。
出發。
上車了。
跟住落車。
已經唔想坐兜路巴士，決定拼車。
10分鐘到華山北站。
本身買左8點幾既車飛，不過依家先6點。
所以食d野先。不過好難食....
應該早d返去西安市區食....
食完野，日落。
我地改早左7點既動車返去西安北。
我地就係食呢間...伏了....
改車票時間，第1次改唔洗錢。
好快就入站喇。
7點上車，
7半左右就到西安北。
好攰呀。
最後西安北飛的返酒店，因為好近，
所以一架車只係10rmb。
係樓下買d野食就休息，
聽日要一早起身，去華清宮同埋睇兵馬俑。
- Day 2 完 -
沒有留言:
發佈留言