地點：中國陝西 西安市
住宿：西安宜必思北客路站店
是次「陝西 西安華山兵馬俑」快閃黎到呢一刻，
其實都去左 99% 想去既地方。
所以返到西安，就heahae咁遊下。
呢度係西安火車站，我地行去坐地鐵，
打算下一站去 大慈恩寺 同埋 大雁塔。
gogogo。
行左15分鐘左右到地鐵站。
跟住係 大雁塔 站落車。
買左杯野飲。
一路飲一路上地面。
好消暑呀。
見到 大慈恩寺，當年 唐玄奘 (唐三藏) 行完絲路取西經之後，
帶番黎既經書佛像，就係放係呢度。
我地行左一個圈先發現佢既入口 XD
因為入面係一座廟，所以都無打算入去lu。
加上未飲完野XDDD
黎到一個公園，樹上既花瓣飄落池上，
好粉、好正。 (天氣都好靚XDDD 但背光XDDD)
地下。
之後去左附近商場兜左個圈，
記憶中，當時條腿痛到 連行2級矮樓梯 入商場都唔想上 XDDD
雖然影好少相，但都玩左一段時間，
之後，就坐地鐵到安遠門落車。
安遠門一落，上地面，就見到西安城牆喇。
買門票。
上去。
因為腿酸，好慢先上到黎XDDDD
係度慢遊，成個城牆圍住西安城都可以步行前往。
行一圈大約2個鐘，可以租單車踩。
「請君入甕」 既 「甕」 就係指 主城門 同 內城門 之間既一個位置，
係一種防守既城牆設計。
目的係，當敵軍破左第1道城門，
以為可以入城既時候，結果原來前面仲有一道城門先真正入城。
咁當時佢地就會係一個正方形，四面都係高牆既位置入面，
四面城牆既頂都會有士兵，向住「甕」射箭，
因為前面城門未攻破，退路又有自軍人塞住，
基本上就走唔甩，被箭亂射了。
日落時間。
日已落。
大約係度玩左一粒鐘。
之後落番去面，行去鐘樓。
城門。
行去鐘樓之前，去左西安既連鎖餐廳食野。
店名係：魏家涼皮，幾唔錯的XD
呢度有齊西安既野食，又有快餐，又有粥 XDDDD
所以想食乜都得XD。
返返黎熟悉既鐘樓，
逛埋今晚，旅程就完架喇，所以今晚會買埋手信。
首先又再買左水果。
正呀，不過食完真係好飽。
行去鼓樓，又黎到回民一條街。
今次會行到尾，同埋去埋西羊市、路過清真寺。
買左袋手信，之後坐番去西安北附近既 ibis酒店 (北苑站落車) 。
好好訓番覺！！
聽朝10:15am機，要7點幾起身喇喇喇。
- Day 3 Part 2 完 -
沒有留言:
發佈留言