地點：中國陝西 臨潼區 (華清宮、兵馬俑)
住宿：西安宜必思北客路站店
朝早起身，比原定時間遲左少少出門。
上次係機場book左大巴，所以今日要去集合點 (安遠門) 集合。
行左15分鐘先到地鐵站。
因為我地遲左，所以大巴兜左其他客先，
我地集合地點就改係鐘樓站等。
黎到鐘樓，搵上車點 開元廣場。
要落番地鐵再過對面...
上左架細車，接去轉大巴。
一上車，就變左有個 '導遊"係咁講野，
介紹下西安。
沿途繼續兜下人咁，到九點先係外圍真正出發。
聽d故仔係幾好聽，不過佢地好似安排埋行程咁，
食飯邊個位食、中途去邊度睇表演 etc。
雖然都係同自己去個價一樣，但d行程唔岩我地。
因為我地本意只係book左大巴，本身諗住叫做唔洗再搵車...。
其實可以自由活動，最後番西安先再上番呢個架車，
佢地預話時間大約係5:00pm回程。
但我地諗住跟自己想行既時間行，有機會早d返去，
所以車都唔想坐了，自己到時搵方法返去算 XD。
所以我地同左佢地講，就寫左"中途離隊確認"，
等一陣到左華清宮我地就自己行lu。
經過長安塔。
無塞車，大約個半鐘就到左臨潼區既華清宮。
首先要買門票，我地側門入，所以得一個counter，排超耐。
因為前面3個都係導遊黎，一買就幾十張買，
佢地會wechat比錢，但呢個位網絡唔太好，就等勁耐 XD
我地買兩張，比cash，好快就入得。
但係朋友張飛有事入唔到，要番番counter度問，
但counter又叫佢排隊，搞左勁耐，先直接開門比佢入 ...
明明係部機壞!!!！
因為等緊朋友既途中，有幾個都有同樣情況 = =...
入到去就開始行華清宮喇，華清宮又稱為華清池，
後面就係驪山。
對於驪山，我既印象都係 軒轅劍參 度黎。
安史之亂、安祿山等等，都係 軒轅劍參 教我 XD
所以中史堂都無咁記得 XD
驪山有得坐纜車上，$70rmb一個人，
見到附近既景其實好無聊，就唔上了。
呢個係 夜晚會有 長恨歌 表演既舞台，
但我地好少睇呢粞表演，所以唔打算留到夜晚。
清明節真係超級超級超級超級多人，只能用逼黎形容。
華清宮有四個主要既池，我地是但搵左個黎入去望望先。
一開始未知方向時， ZIP 左入最後一個池，
因為周圍都係導賞團，所以聽到d介紹 XD
呢個係大臣既池，隔離房(未見到) "上游" 係皇帝既遊樂御池，
所以皇帝如果係"上游"度玩同浸，d水就會流落黎大臣用既呢個池。
依家既人可能會覺得好唔乾淨，
但古時d人認為可以用皇帝浸過既水黎浸身，係無比神聖同光榮啊。
大臣用既池，唔算太大。
人真係好多呢。
睇完大臣既池，當然就到隔離既星辰湯，
見寫住帝王湯就知係當年皇帝享用架喇。
皇帝既湯連接一個天然出水口，果一個泉源連接住帝王湯。
係個邊出既泉水新鮮直接流入帝王湯。
近d。
再近d。
皇帝既遊樂池，當然都要大過晒大臣咁多人浸既池喇。
池邊有d木既標本，話係當年考古時四散係池邊既木，
推斷當時池上/池邊係有亭台樓閣既建築。
聽講凹凸不平既邊，係為左比d水流入既時候，
左右左右咁流，有種沖浪既感覺。即係古時既人造浪。
係咪咁勁呢 XD 就睇下你信唔信喇。
之後我同fd就去睇個泉源，不過都係超多人，
一團團既人塞係度 XD 所以好逼 XD
入到最入就見到個井，
每一團既導遊都係講同一樣野，大約意思係：
「呢d水就係以前皇帝係池度浸既水既源頭喇，
大家想唔想沾下呢？」
跟住就拎支旗，「對」落井水度，
然後欄杆後面既成班團友就會起勢咁摸支浸左水既旗 .......
依家感覺上d水都唔流動，唔知關唔關季節事，
所以其實可能唔多乾淨 ...
好喇，睇完就再經過星辰湯。
再繼續睇，呢度有個細既排水口，
聽到同樣係為左做成"造浪池"既池會大d既效果，
所以出水口係大、排水口係細。
無論幾時，人都係咁多。
之後就去另一個池。
呢個「池」望落好扁，無深度，
原因係其實佢唔係用黎浸，而係更衣室黎。
四邊既水坑，因為係湯泉既水流過，所以同樣會係熱水黎。
而四邊既水蒸氣會形成一個暖氣室。
冬天既時候，入面既達官貴人換衫時，
就唔會覺得凍喇~~
依然係好多人。
出到去，都係好多人。
係度買左碗涼皮食。
食完之後，就去下一個池。
呢個係楊貴妃既池，只係比佢一個人浸。
唔好見佢好細，因為當時無一個妃子可以有自己一個池，
而只有佢一個係有架，所以可見佢係非常尊貴的。
繼續行。
出番去。
跟住去下一個，就係皇帝唐玄宗既池喇，
呢次唔係玩樂池，係真係浸既池黎。
呢次有水 XDD 但睇得出好污糟 XD
睇完就係出面遊下花園。
太熱lu，係室外唔想行咁耐，就閃喇。
係正門截的士。
飛的，$30rmb/車，即係$15rmb/人，去兵馬俑博物館。
gogogo。
gogogo。
落車穿過一個小鎮，好快就就左博物館門口。
好快買左門票，就入場喇。
繁體字，而且幾有特色既字體。
唔知景區有幾遠，就比$5買左電瓶車票，
但建議大家唔好買，路程極短，行同坐車一樣快 (5分鐘)，
但排隊排左好耐 ..... = = (15分鐘)
落車仲要行段路 = = 。
再安檢、再入去。
兵馬俑博物館最主要有1、2、3號坑，
最大、最早、最有規模係1號坑。
一入去，就見到一號坑喇。
於是就走入去。
其實影呢張相係超難，後面有15個人既重量向前推 ...
所以影完一陣，就去隔離行下，唔留係正中心。
其實入去個下，有'哇'一聲，因為比想像中 / 睇相 大好多。
頭半段都係好密既，但後半parts (後面) 就開始係修復中。
聽講兵馬俑未來100年都唔會再挖，
因為佢地未搵到一個方法, 可以keep到佢地唔氧化。
點為之"唔氧化"? 就係其實呢d泥人一開始發挖出黎既時候，
係彩色既, 但一同空氣接觸, d色就走晒了。
所以依家考古學家決定唔再挖, 等到第日技術OK時再去挖。
慢慢行...
真係好大...
佢地既擺位都有d有趣。
呢度就係後面修復的既。
有晒編號，邊個負責之類。
有d就挖完，未再復修時，用泥覆蓋番，
減慢氧化速度。
另外，因為呢個係最早期既坑，
有太陽光，太大猛，結果發現呢種方向係錯左既。
所以佢後期挖既既2、3號坑，
依家既室內環境都係比較暗、無咩窗，
防止紫外光之類令佢加速氧化。
依家向3號坑進發。
睇得出好明顯係暗好多，
而且未復修，所以比較接近一開始出土既模樣。
呢個坑比較細，但可以睇到既野都好多。
包括最出名呢個，四隻馬。
繼續。
兜一個圈。
入完呢度，如果出番去，會打唔開眼 XD
出面超曬。
行行行。
行完3號坑，就去2號坑。
2號坑都係好大，同樣，環境好暗。
與其話係兵馬俑既展覽，我覺得叫做考古研究展覽比較貼切。
感覺上係呢度，可以睇到考古、出土、復修、保養既過程。
兜一個圈睇。
繼續。
繼續。
睇完之後，打算去一個展覽廳。
出面太曬，無影相 XD 一入到黎，見到樓梯其實好唔想行 ..
(因為琴日行完華山，今日條腿超級痛XDDD)
睇左陣就出番黎了，見咁曬，同埋都睇完3個坑，
就打算回程了。
有d人會睇埋秦始皇陵地宮，
但其實就係一個花園同一個假既地宮。
真正既秦皇陵仲依然埋係地底，諗緊點出土呢。
記得小學既時候都有學過，
因為入面既典藏估計會好豐富，但一旦接觸空氣就會氧化，
所以仲研究緊點樣可以確保到出土一刻唔會令入面既文物氧化，
先敢真正咁對 估計係秦皇陵既地宮 開始挖掘。
準備行去坐車，要經過一個鎮，
行左應該有半粒鐘 ... 好長。
之後跟據 maps.me 既標誌黎到停車場。
回程 $7 咋，呢個先係真正既車價 LOR !!!
所以去程真係貴到呢... = =
個時係機場比個counter煩左半粒鐘，明明拒絕左無限次，
結果都係被煩到買貴左張全程車票 = =!!!
仲要放棄埋唔搭 XDDD.. 大蝕。
3點幾左右就返去喇， (原本張車票話6點先走.. )
估計大約5點左右到 西安火車站 (不是西安北)。
西安火車站 係 地鐵站「五路口」附近，
但其實都要行10-15分鐘。
回程!！
- Day 3 Part 1 完 -
沒有留言:
發佈留言