地點：香港國際機場、昆明長水機場、中國雲南昆明市
住宿：夜鋪火車上
今日一大早，就坐巴士去機場。
坐坐下車醒起等行李唔知要等幾耐，同 fd 講一陣唔好寄行李，
因為驚一陣等行李太耐，趕唔到高鐵 .... 。
坐坐下車醒起等行李唔知要等幾耐，同 fd 講一陣唔好寄行李，
因為驚一陣等行李太耐，趕唔到高鐵 .... 。
我地坐既KA760去昆明。
入左gate，因為裝修緊，所以好多餐廳都無開。
最後去左太興買早餐，個價錢算係咁多間入面比較正常。
食食下諗起，咦？
我地 14:05 先到昆明，
但我之前買左 16:02 既高鐵飛。。。出事喇。。
點解？因為14:05就算land，比你咁好彩14:20落到機，
都要入境、由機場去地鐵站，
安檢、轉線、由地鐵站去火車站、再安檢、提前5分鐘到閘口、再上車，
都幾肯定係趕唔切。
p.s. 上網有人提過，由機場上地鐵一刻，
到 昆明火車站 既地鐵站要 45分鐘。。。
計一計都知無乜可能了吧。。
-
點解我會買個咁既時間？？！！
因為上星期去高鐵站想買高鐵飛，
上網見到d飛已經差唔多無晒，
尤其回程全部都無，得番無座票。
當時放工就即刻去高鐵站，個日高鐵站好多人，
由18:30排到19:30先到我。
( 重點係，其實上網可以買到，隔離 上網買完 拎飛 條隊無乜人!!!
但我無登記要 實名認證既account啊啊啊啊啊啊啊 )
當時排隊，
個腦只係諗緊回程得番 無座票，
會唔會排排下，連 回程無座票 都買唔到。
搞到個時完全無諗 去程班次 既時間。
一到我買，買去程個下，佢個mon show左一堆list出黎，
我個腦只係諗提前1hr到高鐵站就OK，
當時諗：咁2點落機，坐1個鐘地鐵，去到高鐵站3點，
咁都仲有1個鐘，可以食個米線先上高鐵。
個時完全無諗過 落機去地鐵站 過程既所需時間，
又無諗過飛機delay.......... 就好急咁up左去程班次，
諗住快d到買回程個張車票。
係到左機場，諗起呢個間題既時候，
其實打開個網，見15:30仲有無座票。
但都係個句，我無12306既account，呢度又唔係高鐵站，無得改票，
結果 ... 就 .... 唯有博佢會 .... 早到 .. 唉 .. .
同時因為想check以往 KA760 有無d咩delay紀錄，
就係google search KA760 flight status，
比個網fake左，寫住：
睇完呆左，心諗：下？唔係飛長水(KMG)咩？呢個咩機場黎？
跟住就search地圖，無呢樣野，
再search見到個「巫家壩機場中心」，哇，係正火車站隔離？
咁正？10分鐘去？！但 巫家壩機場 係 KUM 唔係 KMG喎 ........
跟住個fd search呢個 巫家壩機場，wiki寫已拆。
我呆左，再望下張機票，寫住 KMG，
再search KMG 係咩... 係 昆明長水機場 囉！！
即係呢個網係fake人既 .....
好，仲以為自己記錯機場，開心左幾分鐘 ...............
結果都係要1個鐘由機場去火車站 ...XDDDD
上機喇，準時。
結果係地面等左勁耐，起飛由原定 11:30，個時新就黎起飛，
結果到12:00都未起飛。
於是我都覺得完全無可能可以到 ... =.=
預計到達到時由 「14:05」變成「14:30」，
得 一個半鐘，點去！！
無咩心情，所以簡單食左少少飛機餐 XDDD
不過 有雪糕，所以開心番dd，仲要係曲奇味 XDDD
嗚呀，我係去旅行啊，點解要咁慘 Q口Q
仲要係HKG兜圈 XDD 可能因為天氣問題？
我同個fd講，會唔會變昆明4日遊 ........ XDDD
落機，影完呢2張相，就開始失足狂奔。
黎到呢度，由14:30 land，到可以落機，
到入埋境，係15:00pm ..............
其實比想像中係快左好多了 .........
跟住跑跑跑跑跑跑跑跑，跑到地鐵站，過安檢、買地鐵飛，
一落電梯，見即將到達!!! 哇!!! 15分鐘1班既車，即將到達!!!!!!!
跟住轉線，OMG........要等5分鐘...........
btw 一陣仲有1條線要轉 ............
好我等 .......... 跟住全程都無再影相，
總之簡單黎講，就係下一條線既下一班車，要等3分鐘。
跟住，15:45落 「昆明火車站」既地鐵站。
A出口係去火車站既出口，我地一出地鐵站，
係15:54，一望就見到昆明站！！
但！SORRY！！個入口係另一邊！！！
望住個路牌寫住：
你還有800m到火車站門口 (其實即係安檢大門)
OMG!!!!!!!!!!!!! 得番3分鐘!!!!!!!!!
( 因為15:57分前要到檢票口!!!!!!!!!!1 )
仲要：
1. 頭先出地鐵、到上地鐵站地面，跑完都未回氣、
2. 地鐵站跑上黎，有大半上樓梯位係無電梯、已經無氣
3. 昆明海拔 1800m - 2000m 呀！！跑到無氣喇、亦都回唔切氣啊啊啊！！
於是我都半放棄地跑 .........跑 .........跑 .........
仲要搵路 .........................
因為佢係民居中間，唔係一片大空地 .............
經過驗票、安檢、etc、etc、etc、
因為驗票個時，時間未到4:02，仲可以入，
終於黎到閘口 ........
SORRY!!! 閘已關!!!!
架高鐵係你面前、仲要未開車！！
但！！你已經唔上得！！
呢個時候 ....... 係 4:01.......................
呀！！！！！！！！！！！！！！！
跟住企係度，望住架車、
問前面個人可唔可以比我地過，
當然係理都唔理你 .............
呀！！！！！！！！！！！！！！！
呀！！！！！！！！！！！！！！！
呀！！！！！！！！！！！！！！！
係度呆左10分鐘之後，諗諗諗諗諗諗諗諗，
算，決定………去改票。
佢話，今日動車(高鐵動車組)票無晒了。
我地問，咁可以點去？
佢話：得火車。
我地諗左陣諗左陣諗左陣諗左陣，
ok、都無辦法 ... deal........今晚21:00開車，聽朝6:00到。
係硬臥。
OKOK!!! 其實有得去到已經好好 ........ Q口Q
佢話：*("&(!$.... 160rmb... "(*&$!$。 (前後講太快又細聲聽唔到)
本身以為我地要比，
結果係因為 D車 (高鐵動車組) 係 $220rmb，
而硬臥係 156.1rmb ，
所以，佢係退番162rmb比我地 ......
Q口Q !! 有錢退!!! 咁一陣要食餐好!!!!!!!!!
不過只有1次改簽機會，如果今晚都上唔到車，
就要重新買過票架喇。
依家係16:30，一陣21:00上車，
我地打算最遲 20:00 返黎呢度。
-
所以，我地係呢度兜左陣，
17:00就出發，坐地鐵去「東風廣場」站。
然後打算20:00 前返到呢度坐。
期間，我sd左email比麗江住宿 (德拉姆客棧)，
話我地miss左高鐵，唔能夠如期今晚到。
改今晚火車，所以會聽朝先到，希望唔好比左間房比人 XDDD
佢地都好快覆左 OK，
仲提我地聽朝可以坐 公車18路，白龍廣場 落車。
出發。
地鐵5分鐘車程，就到左東風廣場，
因為之前search呢度係市中心，見呢度有條南屏街，
就打算過去行下。
不過行街之前，我地打算去搵下我地最後一晚返黎既酒店位置先，
因為到時係夜晚，應該比較難搵。
於是就黎到 青年路既 ibis！
位置好方便，不過好彩今日有搵，因為佢既入口係側邊唔係正面。
同埋酒店大堂係6 樓XDD
下面幾層係餐廳。所以去大堂既新，要首先搭lift上去。
所以早左黎，係日頭確認左位置先都係件好事。
本身今晚會到麗江，但既然今晚坐臥鋪，
變相就多左半日係昆明hea。
於是係南屏街，入左一間橋香園既雲南米線店，
原來係雲南連鎖米線店黎 o_o ...
呢個好似係雞湯，幾好味，
但太熱了，本身想加落米線度，湯底會香d。
叫左個過橋米線，d料都幾多，
但感覺湯唔夠熱，雖然都係熱既 XDD
同埋個湯唔太夠味 ，望落有d油、但味道又太清。
首先放肉入湯、再放菜、最後放麵，
就可以食喇。
仲叫左杯野飲，係水果茶，
水果超多、真係幾正，但甜左d。
食完只係5點幾，係附近行下。
呢個係雲南18怪 (關於雲南既事 e.g. 天氣、路、etc) 既石碑，
幾得意。
行行行行行行，其實食完野之後都無咩野行，
所以未到7點就打算去火車站了 XDDDDDDDD
去到火車站，係度坐坐坐坐坐坐坐坐坐坐，
坐到 20:50，準備上車。
超級極度多人排隊。
可以想像到麗江有幾逼了。
唔敢再係大陸既假期去大陸旅行了XDDD
(雖然上次清明都係咁講 XDDD)
嗚呀，居然係雙層既臥鋪火車，
睇黎真係會超級極度多人。
gogogo。
gogogo。
gogogo。
一入去，首先見到洗面、洗手既地方，
車箱兩邊係廁所 (跟據fd講，到朝早都仲係叫幾乾淨，但我無去)。
廁所同臥鋪之間有空間，所以應該無邊個臥鋪位係正廁所隔離。
有得斟熱水。
上層樓梯。
我係下層。
呢間係我個間。
居然得2層床！以為硬臥一定係三層！
呢個係腳踏位。
因為硬臥，所以只有隔板、但無門。
有d硬臥係隔板都無，所以呢架臥鋪火車算係比較好既。
硬臥，仲要最高個格，
真係超級慘 ... 坐唔直，想整理好d衫先訓都難。
因為我d皮膚好易敏感，所以基本上都鋪左好多衫同布先訓 Q口Q
2層真好。
比我下次簡，有軟臥既話，我諗我會簡軟臥。
今次第1次坐，買個時佢直接就改左我地係硬臥，
我又對佢地有咩分別無咩認識 ，
(之前就算睇過都唔記候，因為未試過既野通常唔太記到)，
所以係買完有時間先開始search同記到 XDD
今次好彩係2層既硬臥，
但如果3層，我應該唔太訓得著 Q口Q
放好d野，去附近既隔區睇下fd，因為佢同我唔同床位隔位。
結果佢個邊係三層既床 ...
火車一開，由於中途不停站直到麗江，
所以呢個時候下格無人，就可以確定下格一直都會無人，
於是就叫佢黎左我下格訓。
火車準時 21:00開出，期間因為司機休息，
係某幾個位會停好耐 (通常一停我就唔知點解會醒左 XD)
所以我感覺長期架車都係無郁，
次次打開gps先發覺越黎越近 XDDD
就咁樣，應該斷斷續續訓左3-4個鐘之下，
係翌日06:00，準時到達 麗江火車站。
- Day 1 完 -
沒有留言:
發佈留言