地點：中國雲南麗江、玉龍雪山 (藍月谷、白水河)
住宿：宜必思 (ibis) 南屏街店 (昆明市)
朝早8點左右起身，梳洗好，打算checkout出門，
然後放行李係前台。
host同我地講，d袋留番係房就OK。 ^^
然後放行李係前台。
host同我地講，d袋留番係房就OK。 ^^
琴日早餐間米線太好味，而且順路，
所以今日再去食完先出發。
嗚呀。
跟住出到古城門口，
截左一架的士，諗住包車，大約150rmb。(?)
我地打算2點返到黎，司機大哥話有d趕，
有d怕到時塞車會幫唔到我地趕高鐵，
所以就叫我地回程自己搵車好了。
我地問，回程易唔易有車？
司機大哥話，停車場會有好多車接，
但人多既時候可能會難d搵到。
於是就$80rmb單程，好似一般taxi咁計。
呢張就係景區門票，要$100rmb。(不計索道費)
今日大索道無開 + 天氣唔好，
所以人好少，司機大哥有d驚訝，
因為今次係隊都唔洗排，直接就過左景區售票處，
仲要繼續向前行，先會到景區大門。
售票之前有提我地是日大索道封閉，
我地話OK，跟住今次門票會有個停開既印。
架車一路行行行，經過既景都超靚，
可惜沿途雪山係匿埋左 ...
坐多大約15分鐘，就到左景區大門喇。
係呢度落車，然後$20買專車票，
出發去白水河。
景區環保車，第1站係"雲杉坪"，
因為雪山都遮住左，所以唔打算上雲杉坪了。
專車第2站係"水月閣"，即係"白水河景區"，
於是我地就係第2站落車喇。
一落車，見到好多雲既山。
諗起當年去日本北陸既上高地 ...
不過d水真係超藍好靚，九寨溝feel。
但呢度好多假石、假瀑布 ...
望一望地圖，決定兜個大圈。
好正既水同樹枝。
回望「雪山」，見到有光。
假假地既瀑布。
環湖一圈。
對面係木棧道，而呢度係比較raw，
景觀都無咁好，所以少人。
望番對面，越黎越多人。
d水好清。
好似假石既瀑布。
呢個位有wa一聲，因為真係超級藍。
好厚雲。
沿住木棧道行上藍月谷既白水台。
呢段路有幾pair影緊婚紗相。
玉龍雪山探頭。
繼續行。
繼續探頭。
WOW，雖然唔係完全無雲，
但係咁既天氣，望到山頂既輪廓已經好開心。
山頂得番超薄既霜，就咁望唔覺得呢個角度有雪山睇。
可能因為7月中，溶得7788了 > <
嗚呀，雖然無雪但都靚。
黎到人造既白水台。
比想像中大，但人造既感覺就無天然既咁覺得神奇喇~
到此一遊XD
望望個天，一時有太陽、一時陰陰沉沉。
繼續周圍行。
之後大約12點幾，就決定閃喇。
唯有第日有機會，大索道有開，先上去雪山喇。
高處睇都好唔錯呢。
本身打算係呢度等拼車，等左超耐都未有人，
就決定包另1架細d既taxi走了。
1架車同樣 $80rmb，
本身打算返麗江，不過司機大哥推介我地去束河古鎮。
見有d時間，就去行下喇。
呢度比起麗江平靜點，都幾好行。
主街都係有河流穿過，同樣有花有草，都唔錯。
呢度同樣有四方街，亦係束河古鎮既正中心。
係度搵左間餐廳食野。
等左半個鐘有多先有得食，一直驚唔夠時間，XD
幾好味既魚湯過橋米線，可惜時間唔夠，
食唔晒就去搵停車場了飛的返麗江了 T^T
呢個時候大約3點，我地打算3點半至4點左右返到麗江。
慢慢行去搵南門出口。
係大門就見到有taxi，
飛的到麗江北門既大水車原來好快，10分鐘就到。
不過落大雨，我地係大水車廣場對面既地下商場，
hea左15-20分鐘先上番地面。
但依然係好大雨呀。
本身仲想行下麗江古城，結果都係淋住雨行返住宿個度算XDDD
返到去，執好野之後就同host講再見，
之後4點幾就閃喇。
我地早左個幾鐘到 XD 不過好過遲laaaa
今次遲就真係諗唔到點走了 =_= ...
入到火車站，今次坐高鐵。
入到黎，見到上一班車仲檢緊票，未開出 ...
不過我早1星期買，都得番無座票，
所以唔肯定今次4個鐘車程有無得坐。
好彩結果係有ga。
全程都有得坐，是不是有誰miss左班高鐵了。。。
大約4個鐘車程，麗江出發，經過大理洱海，最後到昆明火車站。
好攰，落完雨成地濕晒，
我又著左拖鞋所以好sin腳。
於是到左東風廣場站，就去成ibis checkin先，
跟住換鞋落去南屏街，又食番呢間橋香園。
今次杯野飲同上次又唔同左XD
個fd叫左鮮花餅過橋米線，幾好食。
我就叫左個雲三鮮過橋米線。
最後返ibis拉拉筋然後訓覺，
聽日打算昆明錢王老街hea，可以晏少少先起身！
聽日打算昆明錢王老街hea，可以晏少少先起身！
- Day 3 完 -
沒有留言:
發佈留言