地點：中國雲南麗江、虎跳峽 (中虎跳、香格里拉上虎跳)
住宿：德拉姆客棧 (麗江古城)
朝早6:00一出火車站，就見到 18路 公車。
中途會有幾個站，最後我地係白龍廣場落車。
落車行入古城，好快就到左 德拉姆客棧。
好快就有得入住喇 ^口^
梳洗完，休息左陣，大約8點幾我地就出去。
食個早餐先。
之後就行去麗江既客運站。
只要係白龍廣場向南行兩個街口，再轉左就到。
我地9:10am左右由白龍廣場出發。
9:28am去售票處，要用證件買票，
票價$40rmb/人。
買左9:30am由麗江往香格里拉方向既班車，
會係中途站「虎跳峽鎮」落車，大約坐 個半鐘 至 兩個鐘。
其實有 麗江 直達 上虎跳峽 既班車，
不過 1日得1班，而個1班係8:30am 就開出了。
上車之後，等左陣就出發喇。
係架車到訓訓下，就到左虎跳峽鎮。
係呢度拼車，3個人，每人120rmb (無講價)，坐7人車去中虎跳。
去之前，係虎跳峽鎮買左門票先。
$45rmb/人。
沿途好靚，有d位尤其有陽光個陣，好有 動畫d風景 既感覺。
好靚呀。
經過上虎跳個時，見到OK多人，
於是我地打算去左中虎跳先，返黎先去上虎跳。
同司機&拼車既朋友交換左wechat之後，
就由張老師客棧度落。
因為呢度(中虎跳)唔係政府既景區，
所以d路係當地人自己修出黎，
於是我地要比 $15rmb/人既過路費。
一路落去既路，都唔係好望到條河。
不過一見到既時候，個景就會好正。
呢度有分叉路，我地向住中虎跳進發。
途中見到玻璃橋，可能因為有危險所以已經封左。
WOW，好正。
用相完全影唔到個種感覺 ...........
今次沿途一路有拍片，但因為d路好凹凸不平，
所以行得都好震下 XD
同埋第1次夾住背囊咁影，個鏡頭方向對得唔太好。
越黎越近喇，呢個就係中虎跳既其中一個point。
一路向下行，就諗，一陣要行番上黎，好甘XDDD
有d位會有少少花蓮太魯閣既feel，
不過個邊既路係馬路，會闊d，同埋d水既顏色都唔同。
好熱 好曬 XD
繼續行落去。
見到條橋，就等於行到最落喇。
嗚呀，到左喇。
呢條橋寫住每次最多2-3人過橋。
到左網上search中虎跳時，
最經典最會見到既相既位置了XDDD
呢度原來有瀑布睇。
呢度既石同河流超近！
係度玩左好耐 XDXDXD
d水流真係超級勁，最緊要係上星期開始已經成日落雨，
而琴晚仲要落左場大雨，所以水流超大。
係相唔知點解影唔出 Q口Q
但d水同山洪瀑發個種感覺好似 ........
d水聲又超大。
再邊望。
有瀑布。
行高少少睇。
行遠少少望去瀑布。
再望向河流兩邊。
遠遠望去。
WOWWWW。
臨走前再影一影 中虎跳石。
繼續向前行。
之後開始會有個分界線，如果回頭就比$10由張老師客棧上番去。
又或者比$15去第二條村 (經 天梯) 上去。
我地當然繼續向前行喇。
呢邊望到頭先條橋。
繼續行。
條橋越黎越遠喇。
行行行。
好曬。
經過路牌既石。
有個廁所、休息站。
望返頭先既路。
繼續向前行。
行行行行行。
有個婆婆係度賣過路票。
跟住就見到下一個望河流既觀景台。
有第2條石路出去睇河流。
呢個位更多raw，更加正。
嗚呀。
呢個位睇河流係超正，超勁。
超級正！！！
想像下d水咁樣湧出黎。
哇。
哇。
係度玩左一段時間，又上番去喇。
開始向番山上面行。
好攰啊救命 XDDDDDDDDDDDDDDDD
每行一段樓級，就要休息一輪，不過休息站超密。
有條天梯，fd行隔離小路，我決定爬一爬梯。
其實一路爬 ，本身唔驚， XDD
但就黎上到頂，開揚左，d河流聲好好，
反而想快快趣上到去XDDD
不過天梯慳力超多，唔攰又好快上到黎，
於是有時間休息，再等fd上黎，再一齊行。
因為爬左天梯，
一下子個高度 就同頭先個位置 有明顯差別喇。
再有另一條，不過個斜度正常好多了。
然後黎到呢度，已經好接近終點 (其實行到死死下XDDD)。
呢度有個馬站，寫住話你只係行左 1/3， (唔知講緊去程定回程)，
個下見到勁崩潰，明明覺得已經上到好高 XDDD
跟住馬隊d人又係咁叫你騎馬， 300+rmb 一個人，
fd有 d 想坐，但係新疆騎過2日既人一諗起，
1. 上山路，騎馬上去仲慘過行上去
2. 騎馬一d都唔輕鬆
3. 騎過所以無咩新鮮感
4. 300+rmb?? 新疆騎1日都唔洗呢個價 =.=
跟住問馬隊我地係邊，
馬隊唔答，我就知道我地離終點不遠了。
就係我地準備開始起身繼續行，
馬隊跟住我地一路講價，講到最後新 60rmb 一個人 XDDD
但算 .. 唔想騎 ......
後面有人騎緊，我地就一路行，
一路望下佢地終點係邊度落，
原來好近，仲有兩條彎路就到。
行下休息下，呢個位比起我地頭先一開頭落山既位置更高。
黎到天梯客棧，再買支冰凍既水 $5。
我地有拼車，所以唔洗怕無車返。
呢個時候15:35，而原來15:30有一班返麗江既車XDDD
唔算走車!! 因為本身無打算搭!!
雖然話係拼車，其實係我、我fd再加一個男仔XD
因為頭先落車，個男仔同司機交換左電話，
我地同司機交換左wechat。
打電話方便d，所以個男仔就打比司機，
司機好快就黎接我地去上虎跳。
經過瀑布。
好快就黎到上虎跳，
其實隻腳已斷XDD 已經唔想行 XDDD
有諗過好無 SKIP。
跟住無咩點影相，不過我地4pm左右黎到上虎跳景區，
原來黎緊會整 lift 同電 梯 -.-
而依家有木棧道可以落去。
水流黎講，其實差唔多，
人就多好多好多好多好多好多好多好多好多好多好多好多好多。
跟住我地係上虎跳玩左1個鐘左右就走，
5:00pm左右，拼車個邊幫我地搵左去麗江既另一架拼車，
係中途某個位轉果架車，
咁就$40rmb/人就可以直接返麗江喇。
呢次拼車有7個人，間中我訓左覺 xDD
但後來發覺接近拉市海一帶時，會經山路上山再去麗江，
個景係好正的!!!
期間拼車既人講起 wechat、支付寶之類既好處壞處，
好多人真係唔會帶cash，但呢次司機用開wechat，
但有個乘客得支付寶，
結果乘客要打比fd叫佢入錢落自己wechat先比到車錢XD
最後，
我地直接白龍廣場落車，然後返去客棧。
個host整緊餃子! 比左2碗我地食 ^^
本身勁肚餓，所以好開心!!!!!!!!
因為超天然手工做既餃子，個湯好清淡，
味道都係來自肉餡本身，所以唔會濃味。
不過真係超正超窩心 ^^
食個陣，有隻狗狗好乖咁望住，
係我地面前坐低，好似好想食咁XDD
但因為我唔太知狗狗有咩食得，有咩唔食得，
所以就無比佢食喇。
食完就比個碗比host，講聲感謝。
host問我地要唔要多碗。
不過我地打算出去行下，所以就微笑拒絕了。
哎 > <
5點幾返到麗江其實都7點幾，開始入黑。
係古城度周圍行下hea下。
搵晚餐食。
行得越近四方街個一邊，就超級極度多人。
年宵咁 ....... 暑假就係咁的了 XDDD
d店都係gimmick野，無咩特別。
買d鮮花餅試下，雲南 (esp.昆明) 被稱為花都，
所以呢度周圍都係鮮花餅賣，而且真係好香花香味，好好食。
之後去左間店食米線，麗江d米線係幼身，
又夠熱辣辣，超好味。
但我真係超級極度眼訓.......
(記得琴晚係訓火車，加上只係訓左好少時間 XDD)
所以半訓住咁食, 都唔係話好大胃口 XDD
一心只想返去沖涼訓覺XDDD
食完，經過四方街同巷弄，就返返去德拉姆客棧，
沖涼梳洗訓教喇。
聽日打算去玉龍雪山風景區，打算8點左右出門口，
跟住一係坐公車、一係就包車飛的喇，聽日先算 xDDD。
Zzzzzzzzzzzzzzzz...........
- Day 2 完 -
沒有留言:
發佈留言