【緬甸 11d10n】Day1-3 曼德勒 [Mandalay] 及 谷特橋 [Gokteik Viaduct]

Day1，2016年10月14日 (星期五)

凌晨四半就落樓下坐去機場。

7點05分香港起飛，當地8點半左右到，當地時差慢1.5小時。
如常地Checkin、入Gate、上機、填入境卡、落機，然後入境。

mandalay班機無乜人的，唔知有無一半，
可能因為咁，所以過埋2016年10月UO 就CUT左呢條線了，
好好彩食到尾水 XDD。

飛機上面今次見到Halos，
除左圓形彩虹，今次仲要係彩虹中間有飛機既影子啊！！

佢好近雲既時候影子最大，到影個下已經細左了 ~ 

較左d對比，因為本身影得太光唔明顯。

飛機降落個下，已經見到周圍都係佛塔了。
落機時，同行遇到fd就吹下水咁。

唱錢：
當地check美金好嚴，驗c咁驗。要2006年打後，無摺無花無印。
MDL機場有大約兩間currency exchange，
有間聽講無咁嚴但匯率低d，所以匯率高d個間排長龍，而匯率低d個間係無乜人。
當日匯率，100美金黎講，1 usd = 1265 ks。
50、20、10匯率低d。
另外可以用坡紙 / 歐羅 唱，洗唔洗直版就真係唔知。

買電話卡：
當地常用有3間，但機場得ooredoo，即係評價較差個間，
入左市區其實唔洗怕無其餘2間既，但保障d就買左先，
用落其實都無想像中咁差，好似係。

搞掂完呢2樣，就去左tour info center度想book車。
當時已經9點幾，因為時間比較急，唔理三七廿一就包左車直奔去千僧飯堂。

而同個司機講 "monk! eating!" 就9成9知你想去邊。
好可惜到左既時候，已經10:45am，僧人已經食緊飯。

其實呢度係大約10:00am開始，而10:40am已經係散場咁濟，
於是我地就周圍行下睇下環境同埋d僧人洗碗碟。

當然唔甘心於是已經諗定聽日/後日要再戰。
呢度好近 烏本橋 [u bein bridge]但我地無過去行，因為晏d會再返返黎。

行到咁上下就上車去實皆山[Saging Hill]，經過鐵橋落左去影相，好似話係二戰(?)時炸過再重建。對面好多佛塔啊啊啊啊啊啊啊！！

(圖)

實皆山係可以人行上山或者車行上山，咁架車就直接上左山了。
鐘意山既原因係鐘意企係高處望落去，有山、有水、有平原。
天氣好時，山會涼涼地，好舒服 。
 
入去時，要除鞋。

終於開始有種「依家真係去緊旅行!!!」既感覺。

係度heaheahea又飲下d甜到爆既奇怪飲品，吹脹個枕頭恰下雖然無訓著。

呢條河好似就係伊洛瓦底河 (即係 雲南個金沙江一路落就到)，
可以坐船去蒲甘，好似9粒鐘20usd左右。

行多陣就落去因瓦古城[Inwa City]。沿途有好多佛塔。
黎呢度係架車去到某個位，再坐船過對岸，先正式開始個旅程。

船好密的，因為航程好短，佢又會不斷來回咁。
1,200Ks/人 就可以坐了。

如常唔會急住去坐船，而且船未到，於是周圍行下，
有d屋仔、通風窗口，凳仔咁。

行行下，船到了，就買飛上船過對面。
唔知點解，坐船個下有dd南生圍既感覺！？
因為兩岸個距離太短！？XDD 不過當然又無南生圍咁誇張。

落船個下，對岸既人雙眼就已經mark實左一堆移動美金&緬幣了，
湯啊湯啊湯啊開天殺價地my friend my friend咁，
又叫人買野又話 I remember you 返黎記得幫襯我之類既說話，
又有細路問買唔買father mother and baby既雕刻做手信。

不過黎到主要就係遊城，於是就上左馬車。
想像中馬車係好舒服地行行行，然後悠悠閒閒睇下景，
不過理想與現實係唔同的，由於地下係爛爛地，而馬車係唔會有避震，
於是，嘿嘿嘿嘿嘿嘿。

馬車經過一堆爛地，有時上下石屎路咁。
我地上左金毛mk架馬車，有時都覺得其實隻馬都幾慘。

隻馬好似好累咁行行行，行慢少少就比mk fit一fit，
隻馬再跑快少少，mk間唔中又鬧隻馬。

經過一個又一個遺址，停下落馬車行下又上馬車，
的確係一個幾有趣既地方，每個遺址雖然都無wawawa既感覺，
但遊完古城成個感覺真係： 呢度都幾得意啊 咁樣。

有個寺係要入場券的，好似係幾千Ks咁，
可以去幾個地方，mandalay市內有d寺都要買的，所以一買就可以通用晒。
係通票來，keep好佢可以用1星期。去左既寺唔可以再去。

一開始問可唔可以試下拉繩玩馬車，mk笑住話唔係咁好，
係回程既時候，佢終於主動話比我試下了呵呵呵，
雖然我都唔敢有咩大動作，一陣急停就唔好。
隻馬就黎比我搞到唔識行，於是比番條繩個mk。
我地係度都賴左幾耐下，於是走個陣已經無乜人係度了。

返到原點，果個" I remember you"應該收左工，呵呵。
我地走返去坐船個邊，回程唔洗買飛(好似係)，就咁樣返返對岸。
個司機睇黎未悶瓜，問我地之後想去邊。
呢個時候都接近日落，我地就話，嗯，u bein bridge sunset[烏本橋日落]喇。

回程就經另一條橋，無再經個條鐵橋。
呢條橋中間有火車軌，好可惜見唔到火車經過嗚。

黎到u bein bridge，已經係日落時間，
見到個橙色太陽好大大粒咁樣落緊山。

嗚呀 ~ 我地就去問下如果坐船要幾錢啦，
點知話一個人12,000ks，即刻走喇。
咁點好呢，有咩方法。

望到個灘其實好淺，而橋隔離有個島仔，
有兩個鬼仔行緊過去，於是我地決定GOGOGO。

由於著住都算窄腳既長褲，會濕腳，同行就直接孭我過去島仔。
其實條路都啜腳，所以就算水流唔急比較難行。
我對拖鞋亦都係濕泥既地方整爛的，嗚。

係水流中間一路行，橋上面既人好似睇表演咁係咁叫，
到左終點仲要拍手歡呼，笑死。XDD

到左島仔，呢度睇同影日落完全係正 ~ XD
除此之外，月亮都升上天了，一邊太陽、一邊月亮，好靚呀！

日落時間5:30，玩到6:30左右(？)就走了，返到mandalay都7點幾。
跟住先開始checkin、放好野，大約8點幾9點就出去搵野食。

酒店，無熱水。。嗚。。

係出去之前，問左酒店知唔知Gokteik Viaduct係乜野，
佢地完全唔知啊… 跟住我地話想包車，佢地又話無…咁唯有出去搵。

唔知是咪接近fullmoon day，每家無戶都有點過燈 (門口有蠟燭印)，
但街上乜人都無，鋪頭又無乜開。

我地首先去左食nylon icecream先，即刻榴槤雪糕HAHA！！
不過都係香港有隻有果肉好似係 榴槤肉打成榴槤雪糕 果隻既味濃d。

食完之後想去睇下有無BOOK車既地方，
經過個TOUR門口見到有Gokteik Viaduct既圖，但已經關左，
但聽朝就想去了……算，再睇下有咩方法，然後，唯有聽日再問。

另外同時都問左之前去過既友人，不過由於出發地方唔同，
所以除非我地有時間坐巴士留係Hsipaw一日，
再坐火車去 Pyin Oo Lwin 經 Gokteik Viaduct ，
如果唔係都要搵下有無其他辦法。

跟住就諗之前知道呢度有間叫Dreamland Guesthouse既Hostel，
入面應該會有人知，所以諗過好無去問。

仲有就係，睇遊記見過有人包車去過，留左司機Facebook，
於是就add左佢問下，但呢一日未有回應。

最後最後，就係諗，如果我地04:00係mandalay火車站出發，咁又點呢？
其實一個全日係OK架，而且我地住既地方距離火車站係 20分鐘路程。

只係當時怕如果火車delay或者有乜野問題返唔到mandalay，
又或者搖24個鐘火車(仲要係窄軌慢車)會唔會痴線之類。
(雖然同行話唔緊要有咩事咪第二日先返去，不過我唔想啊啊啊啊啊啊)

呢個時候唔理三七廿一，由住個邊10:30開始計時，到火車站要幾耐。
大約20分鐘左右到，沿途勁荒蕪，想搵野食都無。

今日除左機場個陣食左個麥記早餐，係車度食左個包，同埋岩岩食左杯雪糕之外，
乜都無食過，勁傷心。對於無野食會嚴重傷心的我黎講已經頻臨極限。

懷住去到火車站會有野食既信心黎到火車站，依然係乜都無，
不過火車令我精神左少少。

有Mandalay去Yangon。
然後再搵下由Mandalay去Laiso個售票處係邊，就見到呢個牌。

左行係Lashio去Mandalay，由頂睇落底。
右行係Mandalay去Lashio，由底睇上頂。

另外順便影左右邊牌係Mandalay去Bagan。

我望住個牌，其實心諗：「唔...係...真..係...要....咁....早..起..身...掛.....」
另外就係諗：「下…如果真係04:00搭到過去，12:22有對頭車，
唔delay返到Mandaly 22:00，而頭先9點幾都無食店，
係咪即係我聽日都會無野食........... Orz Orz Orz Orz Orz Orz」

諗諗下，都係睇下聽日TOUR個邊點講先喇，就打消左全程坐火車去既念頭。

周圍再影下之後，就求其睇下有無仲開緊既店鋪搵野食。
行到半路見到有個路邊攤，求其指左兩碟送。
佢地話好tasty的，我地就話好。

送到過黎，我望左可能有一分鐘，都未敢食，停左係度，
相都唔係好敢影，雖然最後都係影左。

「食得架？」我個陣心諗。
同行首先就試味，咁佢食左我都試下啦。
賣相的確係0分，但味道係酸辣咁，都OK既。

睇落應該係洋蔥絲加調味醬，所以橙橙地色。
我後來比相比阿媽睇，佢話：「哎也做乜香港有野唔食要去食呢d啊」
哈哈，好得意。

另外仲有一碟豆，唔知係咪真係有煮，脆BOKBOK的，無乜點食。
賣相好少少的，但因為唔太好豆，所以唔係咁想食。

好喇，雖然今日無乜點放野落肚，但我都係食唔晒佢地，
今日到此為止，都係返去訓了。

Day2，2016年10月15日 (星期六)

今日都算早起身，去左食早餐。
但係早餐唔得啊好失望，食左少少飯定麵，飲左半杯果汁，就無食了。

一出門首先去左TOUR CENTER。
比左相佢地睇、同埋地名，講左一大輪佢地好似都唔係好知乜事咁，
勁想指住出面佢地貼既個張圖…

我地既目標：
「Mandalay -(車)-> Gok Teik 火車站 -(1小時火車)-> Nawngpeng 火車站 -(車)-> Mandalay」

佢地跟住應該係打比個TAXI司機，覆我地話，太遠，係去唔到。
話只可以：
「Mandalay -(車)-> Pyin Oo Lwin 火車站 -(4.5小時火車)-> Nawngpeng 火車站 -(車)-> Mandalay」

仲要收130,000Ks。
心諗：你Nawngpeng都載到我地返黎，咁做乜唔可以去埋Nawnghkio/Gok Teik。
唔通唔同車架？ 好，放棄。
差唔多9:30am，我地就決定去左睇琴日miss左既 千僧飯堂。

又係去到見到motorbike既人，我地話"monk！eating！" 佢地就知了。
一人一架motorbike後座，單程2,500Ks/人 (其實可以再平d但無時間講價了)。
上車上車，衝啊 ~ 去到10:00am，岩岩好開始了。

今日終於睇到前戲，同琴日見到既係完全唔同… XDDDD
10:40am成個過程完晒，琴日就10:45am到，唔怪之得乜都無，就係爭個5分鐘。

由於琴日都行過晒，今日就唔留太耐，不過就去埋睇日頭既U bein Bridge。
其實呢個時間都唔知咩心情，因為真係驚去唔到Gok Teik。
於是一路行橋時都係度講緊同諗緊呢個問題，嗯嗯我係好麻煩的。

去到U bein，由頭行到落尾，去左對岸一個Pagoda參觀，
又周圍行下睇下另一邊係點。

回程時放低左d，就慢慢行埋多次u bein橋。
沿住河邊一路行，有架唔知乜籠車入mandalay，
話收我地6,000ks，我地費時了，繼續行。
跟住有架motorbike，話4,000ks載2個返去，就上左了。

返到mandalay，租motorbike，今日就mandalay一日遊啦！
首先上左車就去食野，好野XD好野XD好野XD

去到間好似係店既地方，問有無noodles，佢唔識聽，
就做埋動作，跟住佢入左屋拎左兩包麵出來，我地點頭，佢就煮了。

好食喔 ~ 人間美食喔 ~ (的確，太耐無食野XDD)
好似係好平，1,000ks一碗，有埋一碟仔菜。

食完，就決定去Dreamland Guesthouse，我地一講Gokteik佢就知係乜了。

佢提供既路線係：
「Mandalay -(車)-> Nawnghkio 火車站 -(1小時15分鐘火車)-> Nawngpeng火車站 -(車)-> Mandalay」

價錢係 90,000Ks，錢到個日完左就直接比司機。
如果唔停其他地方/留既時間唔長，Sunset前/左右返到Mandalay。

雖然我地想係Gok Teik 出發，不過其實相差好短，諗住同司機直接講，
因為太多人都係Nawnghkio上，如果點都話一定要Gok Teik，
人地覺得impossible、去唔到Gok Teik可能就會連包車都被拒絕。

其實想Gok Teik站既原因，係個度可以直接見到條橋啊，
即係火車未到都已經可以見到火車橋，嗚嗚。
我地仲同Guesthouse Book左巴士飛，因為full moon day，有機會無位，
佢話要聽日先知係8:30pm個班定10:00pm個班。
我地話OK，只要包車返到mandalay呢度，夠時間拎飛再轉到bus，就乜都OK。

Dreamland Guesthouse比左資料我地，比左司機電話、facebook我地。
我地THANK THANKS THANKS跟住就SAY BYE，繼續電單車遊mandalay。

同時我facebook收到msg，因為琴晚有個方案係，
有個遊記留左佢地當時既司機fb，而琴晚我fb msg左個司機，
佢覆：「16號前我都有booking啊，sorry」
由於佢個架係7人車，佢話「包7人車大約120,000-150,000Ks，可以參考下。」

而因為經Dreamland Guesthouse book既係4-5人車，
所以90,000Ks呢個價相信都係相當公道價了~

其實佢地真係好好，我地又唔係住客，
佢地都肯幫到咁多，d錢直接交比司機，所以應該係唔收錢咁幫。
搞掂左呢樣野之後，我鬆左口氣，可以放心遊Mandalay了。

離開Dreamland Guesthouse時已經係下晝三點幾四點。

所以就去左Shwenandaw Kyaung，一個全木製既寺，
之前係InwaCity某寺買既通票又可以用黎入呢個地方了。

呢度有貓咬松鼠，衝入寺裡面。
寺入面有學堂既物體，有d錯 grammar既英文XD
其實係He後面個.drive無左-s個d咁。XD
聽講 以前/間唔中 呢度真係學堂黎。
呢度又有人影婚紗相，著住傳統既服裝。

行完一圈之後，就繼續電單車，去左mandalay皇宮。

呢度真係有d天壇+故宮feel，真係XD
但最緊要其實係上塔，上塔可以睇晒成個皇宮，係幾靚呀 ~

係皇宮睇mandalay hill，有北京故宮睇景山公園既feel。

不過最緊要其實係下一站，mandalay hill！Yeah，睇日落。
騎電單車上山，去到半路，有得行上去、又或者比200Ks過路費騎車上山。
係度比左過路費，再買左支水，. v . 。

望住日落就黎落山，就起勢地衝上山。

到左，要除鞋，赤腳行樓梯同搭電梯上上上上上。
一出電梯，嗚呀！！ 今日個日落係靚靚靚靚既！！

景觀好開揚！！山啊 ~ ~ 山既景觀真係一流。
高空睇景係我既最愛 ~ ~ ~ XDDDD

係度留到入黑，然後落山，落山就跟住d大車或者電單車落，因為真係好黑。
落山同上山既路唔同，應該係單線行車既feel。

落山既途中，有個亭，入面有佛像，有人係度點蠟燭。
地下既路、欄杆、樓梯、佛像週邊、台面，都有燭光。
嗯，因為連續3日既點燈節喔  ~  所以每個有佛像既地方都會點燈。

係度留左陣就繼續落山了，落山去到另一個寺院。
哇哇哇哇哇哇哇哇，山腳好熱鬧，原來有嘉年華！！

人手馬戲摩天輪、應該係電動既海盜船、簡單過山車、夜市、
好多既賭檔(轉轉盒估圖案、龍定鳳、捲包帶落支筆再估支筆近邊一邊、etc)
因為呢度無乜遊客，外國人都無，
於是我地好似比好多人望住。不過無惡意的。

有隻手係度，其實下面有個人fing黎fing去同摩天輪一齊轉，
由幾個人既重量去令到摩天輪快轉同停，一d都唔慢架。

坐低食左碗麵 ~ 開心 ~ 好味。食完就返去還電單車了 ~ 。
唔記得係咪呢個時候再去食nylon，叫左第2隻味。

同行叫milk shake，勁。





呢日早d返去訓，因為聽朝包左車，要好早起身喔。

如果無book車要3點幾am就走去火車站，
包左車可以6:30am先checkout上車。
用車既時間追番火車慢行既時間，
包車快火車3 - 4粒鐘架，返黎亦可以早6個鐘到 ~

Day3，2016年10月16日 (星期日)

由於book左車，所以一早就起左身，5:50am賴床賴到6:10am。
早餐，難食，SKIP。今日全日行程都係為左 !!谷特火車橋!!！

會經谷特橋既火車一日得兩班，一來一回，
所以除左兩車相遇既站(即係 Nawngpeng 火車站)有2條路軌之外，
其他站同路都係得一條路軌，
而火車一定要係呢個站相遇，相遇時間預定係12:22-12:25nn，
一邊早左/遲左到站，點都要等到另一邊都到先可以再行。

其實本身都擔心話架車會唔會黎 (杞人憂天？XD)，
因為約左 6:30 am ，我地 6:30 am checkout仲未見到架車係門口。
跟住就打比司機，同時見到有人行緊入黎了 —— 司機到了。

我地拎晒行裝上車之後，講低我地既目標：
「Mandalay -(車)-> Gok Teik 火車站 -(1小時火車)-> Nawngpeng 火車站 -(車)-> Mandalay」
司機話，谷特站係半山，坐車係去唔到的。

我地話，雖然無確實路線圖，但睇遊記係有車去到的。
司機話想坐火車經谷特橋，只能夠早Gok teik一個站：
「Mandalay -(車)-> Nawnghkio 火車站 -(1小時15分鐘火車)-> Nawngpeng火車站 -(車)-> Mandalay」

(火車時刻表圖、預計路線概念圖)

由於我地無確實路線圖，唯有跟司機既講法去早一個站。

一路行一路上山落山，經過好多好靚既風景，司機停車比我地行下。

沿途好多車，司機話因為今日係full moon day，即係當地既public holiday，
好多人都會由Mandalay去Pyin Oo Lwin既Waterfall玩，
司機話，我地回程如果有時間可以去逛下。

另外，Pyin Oo Lwin係好多馬車，英式大細輪個隻。

行行下就見到一架去緊Nawnghkio火車站，即係我地將會坐既火車慢慢向前行緊。

車繼續行行行，係就黎到時，條路開始塞塞地。
司機就同我地講，因為Nawnghkio去Nawngpeng既山路太塞，
可能要我地坐來回火車。
「Mandalay -(車)-> Nawnghkio 火車站  -(1小時15分鐘火車)-> Nawngpeng火車站  -(1小時15分鐘火車)-> Nawnghkio 火車站 -(車)-> Mandalay」

終於到左Nawnghkio火車站了，火車仲有10-15分鐘左右就到，
我地落車去買飛，結果…因為full moon day，
太多人要係Nawnghkio火車站 去 Gok Teik火車站了，FULL晒無位，唔比買飛。

司機就 r 左個站務員好耐都係唔比，然後佢就開始同班local傾計了。
傾左一段時間，有個local同司機講，車係可以去到Gok Teik火車站的，
佢都係去Gok Teik，雖然買左火車飛，但如果司機可以載佢去，佢可以指路。

同時好多人想跟，但架車位置有限，所以只係載左指路既姑娘。
沿途佢地一路傾計，架車一路上山路，超級唔似正常路，
仲唔正常過架車行 上水華山 100萬倍，周圍d草勁高。

如果唔係有local，行呢條路真係會超級疑惑，因為完全係山路黎！
全程用左GPS MARK低左，於是依家有確實路線圖了哈哈。

而幾經轉折，終於實現左最初講直接去到Gok Teik火車站！！！

「Mandalay -(車)-> Gok Teik 火車站 -(1小時火車)-> Nawngpeng 火車站 -(1小時火車)-> Gok Teik 火車站 -(火車) -(車)-> Mandalay」

山路途經可能係舊既火車軌，只係得一段仔，
所以其實呢段仔 可能只係舊既路軌亂咁掉左係山頭。

其實一路行一路有d驚會MISS左班火車，因為火車11:08am係GOK TEIK開，
最後我地架車10:58am左右先到停車位，到左停車位仲要落一段樓梯先到站。

司機話為左唔好有咩突發情況，所以會陪我地過對面一齊買火車飛返黎。

而我地想去影橋、睇橋，於是到左個站時，
姑娘帶我地沿路軌行到橋邊。到左之後，佢就去同番佢既屋企人(?)嘆茶。

橋既入口封左，我地勁驚以為今日火車唔過橋XD，
其實只係依家唔可以比人行路過橋，所以先會咁。

呢度好有RPG既小村落FEEL呀！！！！！
11:07am 司機我地要沿路軌返去，
跑跑跑跑跑跑跑跑，司機已經買好飛，我地直接就上、火、車、lu！

火車一開，我地當然係極之興奮地已經準備好影相既器材XD

火車過橋只係短短既可能分幾鐘，跟住就入隧道、經田園，
全程一個鐘左右先到下個站，1108am開，12: 12nn左右到。

我地就係Gokteik Viaduct站上車，黎到呢度係Nawngpeng。

然後係Nawngpeng等左15分鐘左右，對頭車就來了。
今次好好彩，0誤點，兩車都準時。

12:22對頭車到左，我地又影影影影，
跟住買飛、上車。12:25定唔記得12:40就開車啦。

車沿路返去，最後再經火車橋返到Gok Teik站。

賣食物的，放左係我地座位附近。

司機都好興奮，係咁影相，
因為佢都係第一次渣車黎到Gok Teik站，平時都係Nawnghkio度上落，哈哈。

回程火車返到Go Teik了，就咁樣我地已經過左兩次火車橋。
司機話佢去陰涼地方坐下先，而我地就繼續係度影相。





影影下，無啦啦有人上工程車，仲要TARK著左工程車。
「唔通可以坐工程車？！」
我地即刻跑去橋邊，影多陣相，就見到有人打開橋入口個閘(其實係三排樹枝)。

有個人，係工程車落左黎問：「3000Ks cross the bridge by this？」
我地問，會唔會返返黎架？佢話：「Yes, will back to here」
我地再問來回幾耐，佢話：「About 20mins」
於是，唔再問，即比、即上！！XDDDDDDDDDD

嗚呀，超開揚啊開心！！！！！

上工程車既人越黎越多，我地簡左個邊邊位。
等多等，架車準備開了 —————— ！

嗚呀、行行行行行，超興奮，好似玩過山車咁歡呼。
有下急停，好好笑全車係度叫，好彩無人跌出街XD。

跟住再行到就黎到對面，落雨啊啊啊 XDD。
全車d人又係度叫XDDDD

到左對面，過一過隧道之後，工程車就開始停了。
大家落車係對面玩、影相，有d微微雨但不失興致。

玩左大約5-10分鐘，工程車既人叫大家上車，睇黎係要回程了。
頭先狂影相，依家回程要睇下景。

不過除此之外呢，我地今次坐最後最出個位，因為係最開揚。
嗚呀~~架工程車頭先係前面開，依家係倒後開咁返返去。
於是我地係好似坐過山車最前排咁望住路軌一路向前衝。

超爽 ~ XD

再次返到Go Teik，呢一邊又天晴了。
好快就落左工程車，好正既一次體驗。





係站度影影下相行行下，有個外國人突然 r 我地影相 ，
唔知係咪玩遊戲輸左既懲罰呢哈哈。

跟住開始落雨了，睇黎舊雨雲過左黎了。
我地上番今朝落黎既樓梯，返返去泊車既山頭，
然後見到司機已經係避雨木亭等緊我地。

佢話，你地上左架little car？我見到你地啊呵呵。
一路傾一路就返返去架車度。

車沿住崎嶇山路返返去，好勁司機認得路，不愧係司機哈哈。
好彩只係陣雨，好快就停。
唔係既話，係呢d山路度行車，落大雨真係救命。

呢個時候都已經3點幾。
一路係山度行，一路望番條橋，哈哈。

再行行下，不、得、了，彩！虹！啊！！
今日也係太神奇了，乜都睇到、乜都玩到咁，哈哈。

慢慢咁完左山路，落番小路，去番主路。
向住Pyin Oo Lwin既Waterfall進發！！！

Pyin Oo Lwin係海拔比較高既城市，好涼爽。
甚至係d鋪頭有!!!冷帽!!!賣，同mandalay完全唔同。

其實一路諗Pyin Oo Lwin既Waterfall係Cliff度落既瀑布，
但原來係好似香港大澳個萬丈布咁XDDDD
不過佢闊d，同埋有d似水上樂園。

其實緬甸真係好環保，琴日就見到 馬戲手動摩天輪，
今日係呢度見到 水力推動既旋轉木馬，咁都諗到，佩服。

超正。

「水力推動」，超正。

挖深d就是泳池。

過埋條吊橋，同埋買左兩支薯米食(是 ~ 日 ~ 第 ~ 一 ~ 餐 ~ )，
嗚好感動有野落肚了。

然後上車返mandalay！亦期望有個靚靚日落。

經過army的地方。

繼續行車，呢日既日落顏色超靚，好可惜好多樹擋住哈哈。
日落時段去唔到最開揚既位，無得影。
架車再行行下，已經入黑了。

呢日係full moon day，小鎮路邊有一行行小朋友，
拎住燈籠係度行，另外，呢度既佛堂、寺院周圍都點左蠟燭。
真係好似中秋節咁。我真係好鐘意呢種感覺呀！

落山到半路，司機就指住話：Mandalay！
原來不經不覺已經返到去了。

呢日都幾塞車 (其中某幾段路ONLY，因為d路都算闊，但keep住有得郁)，
哈哈。因為full moon day放假，玩完就要返mandalay嘛。

7點幾左右返到Dreamland Guesthouse拎8:30pm既Night Bus飛，
同埋兌多 100usd，匯率係1usd:1267ks了。

然後再同司機去Bus Station，搭人生第1次Night Bus！
早左半個鐘時間，所以上車之前係車站食左個粉麵先！

嗚~嗚~嗚~ 是日第二餐！

SNT Express，架車座位係 2-1 ，好闊既位，冷氣好夠甚至有d凍。
有包食、有蛋糕食、有咖啡飲、有水飲，都係免費。
有毛毯可以保暖。而且呢架巴士係有廁所架！
不過我無用到，唔知係點。

嗯！就咁樣，上車個刻，同Mandalay講聲：「BYE — — ！」


 - 曼德勒 及 周邊 - 完 -