【緬甸 11d10n】Day7-9 蒲甘 [Bagan]

Day7，2016年10月20日 (星期四)

夜車Normal Bus，好抖動，但舒服的，所以都訓到覺。
無被逼落車，一程坐到尾。

望住佢上山落山，原來之前訓左唔多覺，d山路真係幾崎嶇下XD

日頭望應該會好震撼。

過左黑河機場附近之後，我就開始入睡了。
一醒已經係接近蒲甘既地方，然後唔知佢地要再去邊，
不過Bagan同樣都係接近尾站既中途站。

一落車成堆人衝過黎問你去邊，
因為有三個地方：良烏、新蒲甘、舊蒲甘。

巴士站有個紅色牌寫住TAXI公價：良烏5000ks、新蒲甘7000ks、舊蒲甘9000ks。

(圖)

我地去左食野先，d人就猴住我地，又問我地去邊。
其實我地都未搵到住邊，點知去邊度。

於是我地食食食，因為頭先聽個個都新蒲甘，咁於是決定都係新蒲甘喇。
點知個TAXI司機開價：
1X,000ks，個馬車好似話9,000ks，馬車仲話睇日出就20,000ks
我心諗，你當我盲架d牌明明唔係咁寫。

跟住我地就行到d牌下面，指住個價，佢即刻降價：
的士話8,000ks (啊你都仲夠膽架喎..) ，馬車話7,000ks。
是但唔再講價了，未坐過公路坐馬車就試下，不過知道會好慢XD

一開始坐後面，就跌咁，就比人的去前面坐，
咁咁咁… 雖然唔想郁，不過坐番前面，就真係好坐好多既XD
景觀都開揚d，沿途雖然黑但都見到好多佛塔。

是咁的，又到左收費站了，
夜巴黎呢度既壞處黎(???)哈哈，聽講如果日頭下晝夜晚都唔check，
Bagan入場券 (其實只係2個大塔會check)，盛惠 25,000 ks/人。

(圖)

另外，個天好多雲，雖然係薄薄散散咁，不過都係返去梳洗下了。
佢問我地邊間酒店，廢時諗之下就醒起友人sd過佢間酒店，
咁就直接比左個酒店名佢，載我地到個度了。

個位置幾好，酒店本身有ebike租，門口再有多2間平d但早收d的。
但明明同1架ebike，1人同2人坐既價唔同，唔知做乜。 = =

咁我地就住2晚，比$5us提早checkin左，
開酒店比起以前住既叫做貴了，
不過開房都幾靚幾舒服，景觀唔錯，而且有泳池、自助早餐咁。

(圖)

坐完夜車最緊要梳洗下，跟住就再恰多陣，其實4點幾到5點幾食完野，
6點到酒店，訓到唔記得幾點出去。今日唔算係1晚所以無早餐食 =3=

於是出去租ebike、唱錢好似已經 1us:127X ks，跟住就開始佛塔遊。
有個無名佛塔 - 編號1185，係幾唔錯的，但因為其他塔偏遠，景觀唔夠立體。

仲有個寺係好大好新淨，前面有market，所以就買左薯片食。
好油但好好味XD 本身話1,500ks，我行開左佢就話1,000ks XD

之後去左d有壁畫既塔，有洞穴既塔…etc。

遊到日落就去左最多人既白色(算係..)塔 - Shwesandaw Pagoda，
25,000ks既入場券係呢度「大派用場」。

上到去人真係多到爆，水洩不通，不過都誤打誤撞企到最前。
但唔識影相就影一陣走人。

跟住見人上左去無樓梯既地方，
我地就跟住爬左上去XD 不過留左幾分鐘就好似比人叫落番去。XD

就係上左去上面。

日落幾靚，但一多人就無咁靚 (好似係)。
而且有舊雲有舊雲有舊雲有舊雲有舊雲有舊雲有舊雲有舊雲有舊雲！

高處睇景係靚既，周圍都金金金係靚既，
黃昏d人係佛塔點香，有d煙令到好迷蒙又係幾靚既。真係唔錯。
不過可能睇相睇得太多，d人又講得太多好靚好靚。
結果眼望無相咁靚、又無想像咁靚，結果唔係話有好大feel咁。

睇完日落就遊多陣ebike，兜一兜去左良烏(nyaung oo/ nyaung u)，
其實係去昅下熱氣球間店，但好似唔係好見到，
之後再經bus station返new bagan，一大個圈。

夜晚超多星超多星超多星，成個天都係，好靚好靚好靚，
唔止係抬頭望個天先有星，連唔抬頭睇眼前既天都係星。
停一停ebike，熄埋燈睇。真係~~嗚~~呀~~~~~~！！

良烏幾得意，因為真係人住既地方，其實人氣係高d。
反而old bagan係叫做…景點入面既地方，方便d、同貴d？
new bagan就係靚dd既酒店，但是真係得酒店同好少食野既地方。

跟住返返酒店，沖洗完，問同時都係bagan既fd係邊，話去搵佢。
佢係下面個層，落到去就4人遊去食晚餐了。
友人見到同行，好冷靜地表示：「下，你點解係度既？」

出去食野，亂叫，明明叫set，有main course，但飯要另加的，
於是友人話聽日帶我地去食任添飯既餐廳，係酒店d人推介的。
呢餐明明有魚有羊有豬有雞，但望落碗碗都一樣，非常有趣。

(圖)

食完就返返去，唔知聽朝睇唔睇日出，友人book左ebike 4點9係酒店大堂，
我地話如果醒到就join埋一齊去睇。

之後就各自返去梳洗早d訓教等聽朝了。

Day8，2016年10月21日 (星期五)

居然我地係醒到的，落到大堂4點9就見到友人了。

我地呢個時候先租ebike，然後由同行帶路，
去到友人琴日包車既司機推介既一座塔度睇日出，叫唔知乜塔。

上到去，覺得景觀係麻麻地的，不過人唔多。
今日日出又是有舊雲，所以雖然見到太陽但唔是keep住出現，
同琴日日落個太陽出現時間差唔多。
呀~!?!?!?! 點解次次日出日落，太陽都要係最多雲既位既呢？

太陽出左無耐之後，熱氣球開始升空了，
好得意第一次見咁多熱氣球係天氣哇哈哈。
有d熱氣球係日出之後過多排先升，
勁慘，好蝕，係咪佢太遲起身？。

係度磨左應該2粒鐘，友人個fd肚唔舒服就返左去酒店休息先，
我、同行就同友人渣多粒幾鐘，欣賞友人沙地炒車(唔是)同佛塔。

沿途是有地陷(不過同行是痴線的所以帶2架ebike穿過地陷)，
然後是遇到有角的牛車、兩架。好搞笑，應該係去耕田，呢度附近有田的。





再兜下風，去左個幾開揚既大佛塔繼續睇景。
唔記得左叫咩名了。

見到d去水系統設計，正。樓梯有LED燈，原來係夜晚指路用。
本身覺得呢度睇日出日落應該係幾靚的，結果聽日誤打誤撞又黎番。

因為日出租四粒鐘，所以係時候返去。

食早餐先。食既時候遇到個外國人，話學緊普通話XD 

話呢度聽講好多華人但一傾計就發覺唔同。
我話我講cantonese，佢問有乜唔同，我唔識解釋，就話發音唔同 XDD
算唔算講左廢話 XDDD

本身諗住返到去，食完早餐，
就出去第二間ebike店度租ebike，點知太眼訓結果又訓左。

一醒就點幾？其實蒲甘中午係超熱超熱超曬超熱超曬，腳會蒸熟。
除非用水淋腳降溫，或者去陰涼地方企，如果唔是既話肚餓時可以直接食紅燒腳了。
所以11am-2pm其食下野或者避下暑都唔錯。

途中有個位有小雨雲(其他地方超藍天的)，經過個一帶時落雨，
唔洗一兩分鐘穿過左又晴天好曬，好爽好舒服 ~ XDD

今日主要舊蒲甘，蒲甘王國一帶。
經過個博物館入一入去，唔記得左好似係5,000ks/人。

入館唔比拎相機，連袋都唔比LO，於是比左key我地放locker。
但其實入到去個個拎住電話狂影相。

呢度睇到蒲甘王國d人既髮型，男既5種，女既55種，但望落都差唔多樣。
講起唔知點解我電話蒲甘開始的相唔見左咁。。。
我影左博物館張海報的。。。

之後無限他塔遊遊遊遊遊遊遊遊，到差唔多日落時，其實無話諗住去邊度，
但無啦啦亂遊時見到有幾個人兜左入去某個塔， 我地就跟機。




有個人開左某佛塔個鎖，可能係負責人，跟住就某左幾個人入去燒香。
我地跟機入去兜左個圈出番去，見到有幾隻牛係度lam門口d拖鞋...XD。

佢隔離有個外面爬既他塔，唔大但好斜。爬爬爬爬上去，就決定係呢度睇日落。
呢個位好得意，因為係第2 d塔睇，會以為唔知點樣去左塔頂XD
勁似落唔番黎咁XD

琴日睇日落個塔，最出名果個，勁多人。琴日就爬左上最多人個排既上面個圓形位XD

呢度日已落，右邊有個人坐果個塔應該係頭先睇日落果個位。
依家已經去左另一個塔睇人，XD。

日落會有人燒香，蒙蒙地，有feel過日出 (個人覺得)。

睇完日落之後，就落番去。
問一問友人係邊 ，原來去左個D字頭既唔知乜塔度。
我同同行就向住個度進發了。

唔洗好耐我地就到左，但唔見佢地，

於是就周圍兜下，兜返轉頭想圍一個圈搵下。

因為個塔可能有其他出口。

兜入一條路，有個人企係度問我地要去邊，我地話搵friends。

果個人：「2 ladies?」我地：「YesYesYes」

果個人做埋動作話：「Fat Fat?」 我地：「YesYesYes」

果個人指住我地黎既路：「There~~」 我地：「ThanksThanksThanks！」

即係我地無去錯啊。 

於是打比友人問佢係邊，佢話係D字頭 既唔知乜塔度，
我話我地都係WO。佢話佢個邊門口有market。
同行話應該知了，就上ebike去meet佢地，跟住就見到了。

今晚依然好多星，雖然無琴日咁多。
友人話不如夜d打星，我地話好好好好好，去個近近地又有光既佛塔。

呢個時候，到左公路一路向前前前前前，會有個迴旋處，
一定一定一定要轉左，如果唔係一路向前前前前前幾廿公里就會去左第二個城市。
而係轉左之後，我地向後望一望，係無人既。即係話應該有人已經直衝了。

首先打比友人，但友人個fd聽，佢話2部電話都係佢度，
我地叫友人個fd返轉頭先，返到見到迴旋處轉右就會見到我地。
等左10分鐘左右就見到佢了，我地心諗，大獲咁友人咪去左好遠？

我地等多幾分鐘唔見佢，就決定返酒店等，因為ebike有酒店名，
問路應該會行另一條路返到酒店，都唔會去迴旋處個邊見到。
於是就唔知點咁返酒店。

點知一返到酒店……就見到友人坐左係度用電腦，我地被嚇死XD。
佢話係度等左我地十幾分鐘，唔知我地去左邊。
好彩佢認到路返黎 XD。

係酒店泊好車，諗緊去打星定食野，而結論當然是食野啦。
要睇大胃王們無限添飯既情境嗯嗯嗯。
由於我地租8個鐘租到9半，佢地租8個鐘租到11點，所以仲有唔少時間。
咁就去食野，今次成台都係送，唔錯唔錯，味道都唔錯啊。
我鐘意個蕃茄salad。清清地，酸酸地甜甜地。仲有叫左d果汁。
雖然聽講果汁唔好亂飲，會肚痛，不過因為口渴得黎呢幾日無乜事，
間店望落又正正常常，就試試佢，當然最後都係安全既XD。
呢間店幾好，驚你熱，個風扇會噴水珠。唔好噴到d食物就得XD
每限添飯下，友人添左三四次，同行添左七次有多。
見到隔離台有六七個人，有一桶飯。同行表示：「哎也？我地無個桶既？收埋d飯？」
間店表示：「拉閘！！！！」咁當然無，不過今晚之後佢仲有無得無限添飯就唔知了。

(圖)

食完飯大家就繼續ebike出去打星，因為無返酒店所以有人無相機 XDDD (包括我)
夜晚仲有光既佛塔果然唔同d，有滑滑地磚、有花園feel，係靚既！
不過佢地好早收，9半左右就收。
不過我地9半都要還車了，所以兜一兜，睇友人影一影，就走了。

騎ebike返酒店，想買夜巴車飛，19,000ks既JJ Express已Full，
話有另一架做緊Promotion既 ~14,500ks(???)既VIP BUS，話same!same!，
於是拍板，OK！

另外就係，聽日唔睇日出了，訓到自然醒。

Day9，2016年10月22日 (星期六)

一醒，一打開窗，d雲多到呢，好彩日出時間無起身，但核突了個天。
不過陰陰涼涼，又幾舒服哈哈哈哈哈哈哈哈哈。

當然已經9點，要食早餐了，唔係就無得食。
跟住繼續食早餐，最鐘意呢度既蛋。 今次坐泳池附近食。
食完之後，出去租ebike，周圍兜風。

有羊群，咩咩咩，好Q。




跟住又meet番友人，去邊好呢。

首先去左bagan既火車站，其實係唔近既，但會想去下囉XDD
去到大門口長長路已經見到有個火車公仔牌XDD 太cute了。

個火車站幾靚，我地係度hea左好耐XD
睇呢度既火車站時刻表，見到個時間超長，
再諗起窄軌火車既搖動力都覺得坐咁耐應該好辛苦。。。

去到火車站，當然去睇火車、火車車卡XDDDD

無啦啦有架車好似想開，但出完站又返黎又出站又返黎，
原來係將唔同軌既車卡駁番落同一條列車度XDD

睇佢泊好停左係度之後，就想上車玩。
一上去，勁似大埔個鐵路博物館d車XDDDDD 完全係超似。

中國的鐵路局標誌。

唔知邊個的背囊。

有個人坐係司機位度hea緊。而落車位有個木橋。

佢見到我地落車了，就望一望。我同同行過左木橋返返去月台。
友人想過但見到木橋好似都幾豆腐渣，就停一停望 XDD。

同行問司機位個人："do you think she can cross this bridge?"
司機位果個人："umm.... nonono" 跟住就做個兜路既手勢。
友人唯有兜路過番黎月台 XD，好有趣。

另外，我地走個陣有幾個人洗緊火車。我心諗：「原來呢度都會洗車架？！」

我地既ebike係強國字的 XD

之後離開火車站，就開始良烏。中午太陽又出來了，又正中咁曬落黎。
我地去士多再買薯片，依然係1000ks一包，買左2包拆開1包食食食。

我地去左良烏附近一個pagoda，又係超長緬甸式鳥居既盡頭。
同行同友們買左超甜雪糕食，我試左一啖，都唔好食ge XD

去 wet market，見到d唔要既腐肉放係地下勁多烏英 OMG。

繼續行，分頭左行事。之後想meet番友人，佢地已經lunch緊。
同時我又未想食野，就只係叫左可樂飲 XD

食完野之後，因為hea得太耐所以今日都係要繼續佛塔。

一個兩個三個，最後就係追日落。前日落前既沙路都係超靚超靚超靚超靚，
黃昏d光打落去草地度，d草係鮮青綠黃色，嗚呀！一大片！！！

我地諗住去bagan比較中間既1個佛塔睇日落，
點知第1個，唔上得，因為前排地震倒塌左一個大大大坑。
跟住去佢附近果個，都唔上得，因為地震都係d梯倒塌左……

跟住有個人電單車問：sunset? let's go to sunset pagoda！
我地問：which pagoda？佢照講：sunset pagoda！
我地望住個太陽就黎落山，就唔問了，跟住佢行。



跟住一路行一路行一路行一路行，嗚呀，
佢指住左我地第2日睇日出之後去果個LED燈佛塔啊。

雖然去過，不過個佛塔的確係幾開揚，於是就去了。
不過呢個時候太陽已經落山了，我地望住一堆人落個條好窄既樓梯，
跟住地下既LED燈發揮左指路既作用。

等大部份人都落左之後，我地就上去了。
係上面舞左一輪，見到又有一對影婚紗相XD

日已落。

天開始黑了，我地8:00 vip夜巴，
話7:00有籠車接我地去bus station上車的，
於是都係時候要回程了。

四個係好黑既沙路度行行行行行行，呢度超易冼。
夜晚亦要避開地陷既位，而友人ebike就黎無電了，唔可以兜太多路。
首先經過沙路、村路、最後上公路。

返到酒店，洗一洗個頭、沖身、洗臉、洗面，準備去夜巴。
話7:00pm有籠車黎接，7:05pm都未有車，但最後酒店話唔洗擔心，
其實架車會去左良烏先、跟住old bagan，最後先到呢度new bagan，
再去bus station，架夜巴會等埋我地先開車，大約7:45pm會到。
早知呢45mins 我玩耐d或者全身沖涼喇XDD

到左7:45pm架籠車黎左，我d行李就拋左上去籠車上層，即係露天XD
跟住就搖籠車去巴士站了。
今次架籠車，d凳係木，之前入茵萊湖既係有軟墊，所以今次un d。XD

到左bus station，上今次架VIP bus，哇，係正啊。
同第1次既VIP bus差唔多，不過今次有埋頸枕XDDDDD，同埋牙刷(？)XDDDD。
而且唔會散件feel，唔錯唔錯，呵呵。

講一句：「BYE~蒲~甘~」

 - 蒲甘 完 -