地點：蘇斯 [Sousse]
住宿：Riadh Palms Hotel [Sousse]
差唔多都最後一個朝早，
於是約左幾班團友一齊落海灘睇日出同埋影相。
因為已經第六日，都無晒時差，朝早要五點幾起身開始有難度。
所以五點幾鬧鐘一響，我叫友人落去先。
到出門個下，google 番日出係 6:01am，而我既出門時間係5:59am。
跑跑跑跑跑，係6:00am成功落到去海灘。
到達時太陽未出，之後慢慢開始出黎。
望住太陽出現，其實係幾開心的。
好少可一個TRIP會幾乎日日睇日出，
因為每次旅行，通常都好夜先訓啊。
睇完日出，影完相，就食早餐了。
食完早餐，返房hea，大約8點半就坐車出發去蘇斯了。
呢度距離蘇斯極近，大約半粒鐘就到。
沿途。
無耐就黎到蘇斯碼頭。
係市中心落車，之後有大約個半至兩個鐘時間周圍走。
同友人就上左去Soula Center兌多少少Dinar，
然後買郵票同手信，之後就上左天台。
望向蘇斯古城區。
係天台周圍行下。
景色真係唔錯。
呢d就是dinars了。
仲有手信區。
無幾耐就落番地面，向古城區進發。
咁岩洗緊地。
沿住城牆行入蘇斯古城區市集。
睇睇d菜。
仲有麵包。
仲有瓜果。
呢度d巷幾有特色，淺啡、白、藍，
係好靚既配色，仲有喵喵 ~
好靚 ~~~~~~~~~ 好似幅畫 ~~~~~~
好鐘意巷仔~好鐘意小街~好鐘意石板地~~~
好鐘意壁畫~ 好鐘意小攤~~~
有時d人會r你入佢店睇野，不過通常都唔理。
有d店未開。
有賣香料既攤~~~
有得意壁畫~~
有民居小巷~~
口渴，本身想入黎買罐汽水，
跟住見到d人買咖啡，就改買咖啡了~~
1 dinar一杯，唔加糖會有d苦，加左就好好味了~~
加左2粒 XDD
快步行 ~
快步行 ~
快步行 ~
呢個位好靚 ~ 忍唔住留底玩多陣先 !!!~~~
因為入面怕迷路，之後出城牆外面，向海方向跑 ~~~~~~~~
一路跑一路影 ~~~
右邊係突國國旗，左邊係世遺既旗 ~
之後大家都向緊海邊進發，我地即刻加入。
見領隊以為我地未到，我地去同佢示意~
呢個其實係自費項目黎，如果唔上船可以係城入面繼續行，
不過因為蘇斯會停留一日半，所以有野當然去玩啦~
假路軌。
見到即係海邊了。
我地架船，上左去就自己周圍走了。
船既內部。
好快咁，船就由碼頭開出了，回望個碼頭。
收番d繩。
出海了 ~
地中海遊船 ~~
遠望陸上既蘇斯古城~~
船上望出去~~
繼續回望~~
好正呀~~
好多人都上左去上面。
古城~
海鷗飛過。
於是決定上上層睇!！
嗚~~~呀~~~
出海之後，船停左陣，船上活動開始~~
可以游水~可以釣魚~~
不過落水既人唔多，有個團友，算係細路黎，
落水之後話d水好凍，所以游左陣就上番水 XD
而我就係度曬下hea下。
同埋嘆番個早餐定唔知午餐。 ~ XD
食完野之後，上層有神功戲睇，
又係個d個人訓係釘上面，再踩個人上去、
又或者塊面放係釘上面，再踩個人上去個d。
唔係好想睇，就同友人落左樓下。
出海大約2個鐘就返返上陸地。
因為團友去超市，我地又無乜野想買，
於是繼續行古城區~~~~~
因為買左郵票，又貼左了，當然就寄埋POSTCARD啦~~~~~~
出海之前行過，所以都只係附近兜下。
唔知其他地中海國家既海邊城市，係咪都會藍藍白白呢。
但除左希臘，其他應該都唔係吧？
影下地下。
影下道牆。
影下天空。
無野好做，好彩有上船 XD
好吧，上車了。
呢個時候都只係2點幾3點，就坐車返酒店。
聽日要再黎呀！！
車子沿住海邊返酒店！！！
嗚呀~~~~ 我係「哇哇哇」咁坐住返去~~~~
到了酒店。
大堂都好大，跟住領隊話，全團都係海景房呀！！！
一開門，望到個景，即刻「哇！！！！！！！！！」
真係狂影影影影影影，靚到喊。。。。
急不及待，hea左唔夠一陣，就決定落沙灘。
大約3點半落到黎，本身打算hea到日落。
經過泳池區，超大超靚。
好正，唔係只係一個池，而係成條河道咁 ~~~~ 嗚。
經過泳池，就黎到沙灘。
好正呀 ~~~~~~~~
不過唔好睇個天好似都算藍，其實係勁大舊薄雲遮左大部份太陽，
加上極極極極極極極大風，係凍的。 > <
繼續行。
嗚嗚，好大風，如果唔係就可以勁寫意............
睇下d浪。
大風到影唔到相，d風吹到頭髮勁亂 T^T
見浪就知幾大風。。
嗚嗚，我個寫意下午。
原來每間酒店都劃自己位，你一過左就會有人走過黎提提你。
因為友人無帶外套，所以友人hea了一個鐘就返上去了。
有d之前d人玩沙既痕跡。
而我就坐左兩個半鐘，結果都係太凍，五點幾就返返上去，
之後幾驚因為咁而冷親XDDD
上到去，等食晚餐，然後就打算訓覺，
又係傾好聽日睇日出，不過睇風勢都未必會落去啊。
半夜比風聲嘈醒，d風聲勁似香港打八號風個時既聲，
呼呼聲呼呼聲呼呼聲呼呼聲。
最緊要係，可能因為露台個門同窗，就算關左都有d隙，
搞到有埋笛聲。
不過因為眼訓，所以都好易訓番。
個時諗，哎，原來海景房未必係完美架。
呵呵。
第二日先知原來大部份人都醒左。
- Day6 完 -
沒有留言:
發佈留言