地點：蘇斯 [Sousse]
機場：突尼斯迦太基國際機場、卡塔爾哈馬德國際機場、香港國際機場
留係突尼西亞既最後一日，回想起過去七日，
時間無特別話過得快定慢，但由本身以為唔會點識到人，
到最後好似成車都識晒咁濟，感覺幾得意。
本身想好好利用呢一日，但經過琴晚大風，
今朝一開露台窗，太可怕了，風仲大過琴日。
食個早餐。
整個三文治。
今日全日都自由活動，然後11點坐車去機場。
食完早餐，朝早7點幾，就打算出去行下，
諗住10點返返酒店，就訓下再準時出發。
沿住琴日車行既路，返返去市中心。
想講，d風吹到好凍呀。大風真係好可惜。
風比琴日大，好彩唔係今日出海咋。
琴日出海時，係微風。
慢慢。就已經行到一半。
有d雀係度。
盡頭就已經係市中心附近，不過全程都行左二十分鐘。
回望。
呢個位好正，如果唔係大風，會想行出去。
兜返入內街。
向住市中心進發。
見到琴日條街了，原來呢個位好靚，好多壁畫POSTER。
又見番城牆。
因為朝早，所以魚市場開放。
係蝸牛。
入到去，地下有d滑。
呢度有個男人拍我地，跟住話：take photo，
我地話no money，佢話：oh no need money。
跟住就用我部相機影左張合照，哈哈。
賣水果。
呢度都有國旗。
望入去。
出番出去，有喵喵。
仲有蟹。
繼續行，行去比琴日更加後、更加高既地方。
彩色樓梯。
行左上去睇。
呢度係球場。
繼續深入。
原來開始去到民居既地方。
係度探險。
盧城牆望落去。
仲有砲台。
呢四遇到班細路，同我地傾計，
係咁話「sushi？」本身以為講緊呢度Sousse，
原來係佢問緊我地係咪「Japanese」，
哈哈。
之後佢地話後面係佢地學校，
最後就影左合照，然後閃退。
呢度望落去好正，嗚。
行入去，周圍影。
周圍望。
上樓梯。
呢度全部都民居。
好靜既地方。
就係上左呢條梯。
後來遇到個居民，話呢度係民居，
想帶番我地去市集。
佢唔識講英文，同個鄰居傾左陣，
跟住用body language提我地收埋好d相機、電話，
然後再話呢度好多賊，會直接搶你掛係頸既相機。
本身覺得呢度幾安全，睇黎呢度既居民對呢個既地方有所保留。
後來同日，係medina，即係呢位居民所指既市集入面，
見到一個男人笑笑地又嬲嬲地咁追住另一個男人，
係佢手上拎番個銀包，之後就分開左。
唔知係朋友，定真係賊仔呢。
呢度慢慢行返市集。
好快又到左琴日既入口。
本身打算係內街行番酒店，
後來發現自己方向感太差，於是都係行番海邊。凍呀。。
然後返到去，趴到11點，就出發去機場了，
記憶中係坐個半至兩個鐘左右。
離別了，對呢度有無咩不捨呢？
最不捨係想深入沙漠吧，係沙漠既日子都比較少，
好似停留係海邊多，可能因為佢既定位係渡假吧。
仲有就係，可能因為團友都係一個個家庭，
而我地同另一對姐弟算係唯二兩班青年d既人，
所以好照顧我地，都好不捨。
旅行中期開左個wtsapp group，周不時會sd番大家既相，
直到返到香港，到近來(5月1日)有一個家庭去左廈門鼓浪嶼，
都有sd番d相過黎呢。
望住機場，有去意大利南部、去巴黎等等既機飛，
好想二話不說就飛過去。
不過不過，都終需要返香港。
SKIP左好多張去機場、轉機等等既圖，
回程都訓得幾多，應該加加埋埋14個鐘飛機上，都訓到5至6個鐘。
主要印象深刻係呢一幕日落，
相中，眼前望到既係希臘群島之中最大既一個島，
島上面都有零星既白屋。
航機係希臘群島上空飛過，飛機下面就係Santorini。
我係度諗，可唔可以當我有睇過希臘白屋島既日落呢？
後來發現，qatar有經多哈直接去Mykonos既航班，
希望有朝一日，可以向呢個中學開始已經好想去既地方進發。
一定會有呢一日吧。
窗口開左好耐，
係我掛住呢個日落，定知道呢個日落之後，
將會係漫長既黑暗呢。
夜深了，我係飛機上又訓唔訓得著呢。
天色慢慢咁暗落黎，然後我都將窗關上了。
三餐既飛機餐，
一餐係晚餐，一餐係早餐，一餐係午餐。
飛機餐很多，但每次派餐都還是好期待的，
或者算係一種kill time既活動吧。
份量好少，所以好快肚餓。
呢個早餐好正，尤其隻蛋個質感，好搞笑。
回程都睇多左兩套戲，航機好穩定，
今次旅程好輕鬆，會懷念呢。
要謝謝話我知有呢個地方既呢一位，要謝謝與我同行既個一位，
要謝謝復活節假，要謝謝超用心的領隊，要謝謝友善的導遊，
要謝謝各位團友，要謝謝的太多了。
要謝謝各位團友，要謝謝的太多了。
希望日後有更多完滿的旅程。
- Day 7 - 8 完 -
- 全文完 -
合照呢？
回覆刪除有樣，不了。
刪除之前ig有 >:)