地點：傑里德大鹽湖 [Chott El Jerid]、杜茲
今朝四點幾鬧鐘醒了，當然好眼訓，
開一開窗簾，見到雲好厚，知道日出無咩希望。
琴晚見厚雲，有希望過佢落一場雨，
第二朝就天晴，咁鹽湖有水之餘，天空放晴。
當然呢個希望係落空了。
開一開窗簾，見到雲好厚，知道日出無咩希望。
琴晚見厚雲，有希望過佢落一場雨，
第二朝就天晴，咁鹽湖有水之餘，天空放晴。
當然呢個希望係落空了。
5點有早餐，食完就出發了。
因為吐澤同鹽湖係超近，根本就係隔離，
所以好快就到左兩邊都係鹽湖既地帶。
鹽湖一邊向東，一邊向西，中間係條公路，
所以日出、日落都可以睇。
一路行，一路經過，兩邊都係咁。
鹽湖上建公路係困難既事，當然唔會直接係鹽上面起公路，因為會移動。
於是就會係上面鋪一層玻璃、再填入一層土之類既填充物、再一層玻璃、
慢慢幾層之後，上面再層上柏油路，
雖然係咁，每年當然都會修一修，唔係既話都係會移位。
本來黎個時已經知，所以無乜期望。原來已經2星期無落雨了。
不過見咁厚雲又唔落雨，就算無期望都有失望啦 XD。
跟住係呢度落車。
超厚雲，唯一一個窿窿，我可唔可以當我睇到日出…
不過都無用，無水，當然就無倒影。
點解會簡呢度停呢，當然有佢既特別之處，
就係唔知點解呢一邊特別有幾舊道具比人玩。
例如如果有鏡面既鹽湖水，應該會好正既船。
仲有好有潛艇feel既。
有少少粉紅色既鹽。
呢個湖d鹽，千祈唔會走去試，
因為佢唔係FOR食用既鹽，係出產工業用既鹽架。
個鹽湖可能同時吹左d沙黎，有d似濕地？？有d沙、有鹽，唔知點形容。
太陽越升越高了。
左邊果個凸起既可以上去影相，好正的 XD
見太陽都出得7788高，雲依然都好厚，
不過算係散得好過今朝一大早時既狀態，
臨走時，搵到個小吳哥式水池，影張理想與現實先。
呢張行到近一近，有少少似小吳哥，
後面小鹽堆會有幻覺以為係山，幾好笑。
但低炒得唔夠低，仲有後面d鹽原係度，
個時無望到自己影成點，無再低d！
 |
| 無低炒，咁ps下整張 予想圖 先 :0) ......... |
太陽都上左黎，於是過番對面。
其實對面反而又多水d，雖然都係少，當然了，因為旱季嘛。
不過同我想像唔同，以為係一片平原，原來係無數水tum，
開始係咪諗，如果呢度係雨季，係咪真係一片都係鏡？
定其實係個水tum大d？
因為有睇過其他鹽湖例如南美，真係有人影到好遠既一大片鹽湖，
不過google突尼西亞杰理德大鹽湖，又好似唔多覺？
也有可能有人珍藏相片，無share出黎吧。
個時無影，如果由另一邊影番上到高一高既太陽，
應該靚過係頭先個邊影，因為呢邊有條鹽河 XD
btw，右邊天空開始現藍啊！！！如果睇日落，
d水氣唔積聚，其實係咪好過日出時份，會易d見到藍天呢？
好，天空唔靚，閃退，繼續橫越大鹽「原」，
向杜茲、即係sahara desert既門戶進發。
雖然話就話杜茲係一個停留點，
但佢未到無盡既sahara沙漠區，
所以我真係唔覺得其實我入左沙漠囉 > <
如果可以stay一個下晝就好，平時半個下晝無野做，
但杜茲又唔留耐d ><。
係杜茲落左車，杜茲本身係個城市，
通常入沙漠兩日一夜既local tour會係呢度出發。
呢度周圍都係沙丘，但植被都較多，要深入沙漠先會萬里黃沙。
但呢度d沙，真係超 ~~~ 滑 ~~~~~~~~
滑到我唔知應該用咩黎形容，我諗我可以用爽身粉黎形容，
將幾億兆支爽身粉倒落黎咁，唔知點解可以咁細滑。
去過唔同既沙灘 (當然唔多)，話水清沙幼，就算真係幾幼都無呢種feel。
講埋鳴沙山，雖然我個時都話d沙好幼，但我會用沙黎形容。
呢d根本就係爽身粉feel！！！ 係滑到痴線。
有幾張影個範圍得大d，但睇番原來張張都畫晒圖、寫晒名咁，
完全無影到無人名既相 = = 廢時貼了。
- Day 5 Part 1 完 -
沒有留言:
發佈留言