【突尼西亞 8d7n】Day5 Part 2 瑪特瑪他 [Matmata] (洞穴房屋、StarWar取景地之一)

Day 5：2018年4月2日 星期一
地點：瑪特瑪他 [Matmata] 

之後既車程都係一d沙漠景，望住景外萬年如一既景，我居然訓左。
我居然訓左。我居然訓左。我居然訓左。我居然訓左。
我居然訓左呀！！！
我居然係沙漠景期間訓左呀！！！

一醒，就見到已經唔知點解係一片好得意、沙山中間又有矮小綠草既山上面。
點樣上到黎既呢？中間既景點變既呢？？

唔知呀！！好sad呀！！我訓左呀！！！

比呢度吸引左，其實應該要落車hea坐欣賞下。

勁正，一有平原就會有樹。

其實向呢個瑪特瑪它進發緊，應該唔叫進發，因為呢度已經係。

柏柏爾人就係住係沙漠入面既少數民族，
有人會話佢地係遊牧民族，但有一說係佢地其實係有定居。

佢地居住既地方就係沙漠既洞穴房屋，
係呢度望出去，見到有時會有凹入去既洞，有機會洞入面就有洞穴房屋架啦。

當然，通常民居唔會咁近公路，唔通想比你地入去偷野咩，
於是露得天既都係酒店，除非離開公路慢慢入去搵，
唔係，係車度都好少會見到真正民居。

有屋形既，係真係屋，唔係洞穴房屋。

同土耳其卡帕多奇亞(奇石林)唔同，
果邊係凸起既山中間既洞穴裡面有洞穴屋，
而呢度既洞穴屋，係一個個好似地洞既形狀咁。

繼續行。

兜下兜下。

真係好得意既植被分佈 XD

唔知點解好鐘意呢個地帶，係咁影相。

明明仲係好眼訓，但就唔捨得繼續訓。

不過原來坐坐下，好快就到了 Star War取景地既洞穴房屋。
依家已經變成一間酒店，係可以預約係度住的。

不過真係真fans先好住，因為d昆蟲都唔少，而且總覺得有d味道。
依家4月份，春天、溫度適中，唔知關唔關呢樣事。

入口reception處，

有starwar劇照、或者唔同既postcard相。

經過一條入口既通道，兩邊都有小房介紹starwar。

行到走廊盡頭。

我地一行人入面，有個o靚仔勁鐘意starwar，

之前已經著住starwar既tee，今次係呢度佢要最早到、最遲走，

仲要扮劇照影相，好搞笑。

我地係呢度參觀時，咁岩有外國團係洞穴上面望落黎，

搞到我地好似動物園既動物比人參觀咁 XD

雖然無睇starwar，但幾鐘意洞穴房屋個種設計。

另外就係，其實有個地方叫 泰塔溫 (Tataouine)，

係我買一本講美洲 + 非洲 + 兩極既書時，

佢封面唔用greenland唔用大峽谷唔用南極，居然用 泰塔溫 (Tataouine)。

唔同洞穴房屋，佢係用沙泥搭建，有d似公寓，
樓梯無欄杆咁上第2第3層，好得意！！亦都一樣係starwar既取景地。

不過個地範圍面積大d，亦再近南部一d，果度都好想去，
因為d屋仔真係好得意，哈哈。

呢度都一樣，有樓梯可以爬上去，可以入去。

都係一堆 starwar。

係啦，就係有d人係上面，

頭先外國團已經走左，呢d已經係我地團友黎。

於是我都上埋去。

因為呢度有幾個洞穴住，所以去左真係酒店住個邊先。

之後就去starwar取景果個洞穴頂望番落去。

行埋去另一邊睇。

好多大大小小既洞穴，因為好正，所以都玩得好開心。

睇完洞穴之後，又上番車，之後係第二個洞穴房屋食午餐 ~

呢個洞穴房屋好似幾大，有兩條路，每條都長長的。

黎到食堂。

有Bar。

不過我地係去Restaurant。

日日都會見到、日日都會飲既湯，有米粒既羅宋湯。

又係之前有提過既炸蛋。

仲有個將米同麵粉磨成粒，再加雞、菜，加茄汁煮成，

英文叫做 Push Push (讀音)，中文係 咕支咕支 (大概 .. )

味道就，正常既，就茄汁味。

呢個係甜品，以為係中式軟淋淋、有咬口，鹹鹹地入面有豆沙既糕點。

點知原來係極極極極極極極極極甜、同係硬既。

咬左極細粒，但都甜到勁飲水。

食完野出左黎影相，去左中間果個位玩爬石。

原來係佢地既糧倉黎。XD

見到呢個景，就知食完野，就上番車，離開瑪特瑪它 [matmata] 了。

落山。

跟住周圍既景，由沙變番草，同房屋類既民居開始出現番。

- Day 5 Part 2完 -