地點:龍脊梯田 (平安壯寨)、桂林市 (日月雙塔、正陽步行街、象山公園附近)
住宿:維也納酒店桂林機場路店
今朝7點幾起身,同友人講可以去食早餐先,
然後我再梳洗完,即刻去食個快早餐,然後出發。
所以依家既評分係唔高既。
- Day 2 完 -然後我再梳洗完,即刻去食個快早餐,然後出發。
望一望個天,嗯,很滿意!!
之後坐車期間有過一陣厚雲,我幾嚇一嚇啊。 XD
坐左個半鐘就到了龍脊梯田景區入口。
因為龍脊梯田係分左好多個唔同既寨,
所以佢景區個坐車處,有2個出口,可以上唔同既寨。
金坑同大寨一邊,其他係另一邊。
首先望望平安壯寨既地圖。
再望望幾個唔同寨既景區,如果有得簡我會簡金坑大寨個邊既千層天梯!!!!
但今次我地係去平安大寨的,會不斷咁S形上山。
坐景區環保車上山。
繼續上。
好快由330m上到660m,然後行上去。
不過得一個半鐘行,然後就要係番呢度附近既餐館食午餐。
山上既景就算無梯田都係咁靚!!!!
但佢注水量比想像中少好多好多好多好多。
呢邊好少少。
繼續上去。
唔知係咪每次去旅行,個要求都好高 XD 或者係比d相 Fake左,
所以每次去到,都會咁樣: ="=
嗚!!為何與我想像的不一樣!!
上山上山。
繼續行上去。
呢個角度好dd。
呢個角度再好dd。
但點解再高d反而無注水啊!!
唔係由上注到下既咩 > < !!
唯有近鏡。
其實我都唔知叫唔叫注滿水,因為明明睇相好似好滿咁。
好啦,點解我會用相黎同現實比,我知我錯了。
ZOOM近d有水既部份。
影多d水,但搵唔到一個靚既角度。
可能係時間唔岩啦,日出日落會唔會好d呢?
再行高d會唔會好d呢?
開始見到有人耕田。
影呀影呀,水呢。
水呢水呢水呢。
(我真係好煩 XDDD )
慢慢注水中。
又係呢d。
經過寨仔,呢度整緊路。
望番落去。
再繼續上去。
雖然我唔會用核突黎形容,但我會用無乜水黎形容。 XD
對面靚d ~ d梯田好似密d、無咁多樹咁。
呢度好多樹同屋,梯田好少。
其實係咪應該行高d呢,但個半鐘來回……嗚。
呢度出名係七星伴月,但話修緊路,要兜一兜路,即係更遠,時間唔夠行唔到……
所以呢個時候,你地快d鬧我點解要跟團啦 XD
熱熱熱,但流汗流得好爽,
流既汗應該係過去3年加埋既份量。
望上面,好似係乾的,無水咁。
又或者因為山下望唔到山上。
雖然我對於梯田既排名係:
日出日落 既 注水梯田 > 黃昏 收成金稻梯田 >
平日 注水梯田 > 平日 收成金稻梯田 >>>>>>>>>>>>>>>>
綠色 >>>>>>>>>>>>>>>>>>>>>>>>> 乜都無乾禿禿
所以依家既評分係唔高既。
ZOOM近其實覺得好唔靚XD
好多水、遠遠的、暗暗地時,就最靚。
不過係呢個時候,真係覺得種野極辛苦!!
尤其呢度唔同平原,應該好難用機器……?
遠遠影一張,其實都幾靚呀。
所以我幾鐘意呢個位影既相。
好啦我知我行得唔夠高,無資格講野 > < !!
襯有多水既角度,就影多d啦。
一望第二度,就踢爆左唔夠多水既事實。
好啦,慢慢就落番山,黎到餐館附近。
order左個竹筒飯,竹入面塞左d糯米飯,再用粟米塞住個開口洞。
之後佢地會係度烤一烤,然後劈開支竹,入面就有飯LU。
一劈開就係咁既,味道一般啦。
食完再去觀景台影一影。
走既時候,回望山頂唔太捨得,好想上去最頂 XD
但算啦應該短期唔會再黎,除非二十年後LU,太多地方想去。
點幾就坐旅遊巴返桂林市,仲好早囉,比我上頂啊!!
兩個鐘後,鏡頭一轉,
又返返黎日月雙塔,唔係琴日既相黎架!!
呢個時候係三點幾四點了。
依呢度行去正陽步行街。
有一個鐘係度玩,其實好短,行左三、四個字就無野做了。
妃子翻牌咁既餐單。
買d水果消下暑,自己簡水果,
佢即刻幫你切埋,$6 / 250g,呢度12蚊。
一個鐘行完正陽街,之後d團友去睇表演,
我同友人唔睇,就自己有多一個鐘周圍再行。
早知睇表演既地方近步行街近成咁,一早同領隊講脫隊兩個鐘,
到時係番原地上車,咁就可以直接自己行去買門票入象山公園啦 > <
依家得一個鐘,仲要來回正陽街,唔夠時間入象山公園 (可以上埋山) 玩啊。
開始行,開maps.me跟住黎行,10分鐘到了象山公園景區門口。
佢mark左free view point of the elephant hill,
本來諗應該唔洗啦,江邊隨時都會見到。
點知原來每一個見到象鼻山山洞既位置,
唔係有樹就會有建築物擋住,好好好好好好肯定係專登既。
咳咳咳。
跟住黎到freeview point個位,係咁既樣。
證明唔入象山公園,係無可能影到個洞架!!
琴日遊一江四湖其實係影到個洞,但因為逆光,
所以今日想補shot一張順光既,結果…… :0) 咳咳。
幾好,值得一讚,諗下喎,佢係用大自然黎做遮擋,
唔係用樓、石屎,其實要讚架。。
下面已經係景區公園範圍,無得落架。
因為計埋來回步行街個邊,其實得番唔夠30分鐘左右,
如果比70rmb應該只係可以山腳邊玩,所以就無打算入了。
最後搵到一個比較好既位置,已經係最好影到了。
但個洞都係唔存在通LONE既 XD
好啦,盡力了,無啦。
好啦,大家記得買門票啦 ~
之後去埋遠少少河邊,終於有得落去,就再睇番象山公園個邊,
哎,都… 無通LONE。
返返去無野DO,仲有20分鐘,所以環杉湖一圈。
於是,今次旅程,黎左三次日月雙塔了 XD
呢個角度順光,堆樹遮埋後面個大瀑布酒店,幾好幾好。
所以話,當一個靚景地方,放左個城市係度,係扣左幾多分呢。 :P
好快地咁就一個鐘架啦。
返返去步行街隔離既停車場,團友們都已經睇完表演 (夢幻灕江),
岩岩好返緊上架車,於是我地都一齊上車啦。
上車都六點幾了,就去食晚餐,然後又返酒店了,
酒店太遠,又係個間,所以都係無夜街行。
於是又睇電視,又係個套,真係幾好睇 XD
今日夜左訓,12點左右先訓。
沒有留言:
發佈留言