地點：南溪山公園、靖江王陵博物館
呢日可以九半後先出發，不過我都係太遲起身，
好似只係食左15秒早餐，食左乜都唔記得了 OMG …
好似只係食左15秒早餐，食左乜都唔記得了 OMG …
一上車，就要返去桂林了。
沿途都好靚啊，一層層層。
今日行程都係桂林既市郊，
無食早餐既我好彩可以一到桂林就食午餐。
其實只係個半鐘車程左右，到步入埋餐廳都只係十一點半XD
好啦，係一間叫牛太郎既燒肉。
我鐘意一人一碗小店既米粉咁既野XD
唔鐘意一張枱一班人share食 > <
每次咁樣都唔會真係去夾野食 > <
半個鐘之後，黎到南溪山公園。
佢話地標係呢兩舊山好似單峰駱駝。
但係其實呢d石周圍都係，
佢整個公園框住兩舊石再收門票又有咩意思呢？
好唔鐘意大陸d景點成日將d唔起眼既野都整成景點，
當專登坐車黎到呢度，就係得2舊石，真係有意思咩 > <
周圍就無其他石了，真係代表到桂林山水嗎？
其實沿途都已經好靚，如果坐車經過呢兩舊應該都唔覺佢過左。
所以，唔好咩都框起晒好無啊！！
公園既其他角度、其他部分。
其實就無乜特別了。
當地人(桂林市居民)應該有免費入場既權利，
有d公公婆婆係度坐住hea。
本身呢度係比個零鐘我地行，但因為無乜野睇，
團友話好熱唔想曬要上番車XD 所以15分鐘左右就走lu。
XD....
好難得係15分鐘都覺得長，平時悶既野我都會搵d方法欣賞下，
但呢度，umm... 我都覺得無野好睇。
之後就係去靖江王陵博物館，因為係王陵，
所以我無乜點影相，只係影左個門口既牌就無帶任何野落車了。
但係呢度聽到好多有關風水既野，唔知應該點紀錄好。
因為無影相，所以以下既部份都係網上圖片。
|||||----------------------|||||----------------------|||||
我都係聽個導賞員講，唔知有無記錯同聽錯。
靖江王陵位置係座北向南。
位於堯山 (又稱土山) 前面，風水學上來講係後有靠山，
亦都係代表呢個王爺既「龍椅 (?)」，
整個王陵就放係椅子既中間。
 |
| (網上圖片) |
前院兩旁有11對石像，有動物、有男女。
前院有三條橋，我地都係行中間個條，
地下有石仔，放置位置呈蛇仔形，每粒石都用小篆寫住兩隻字，
但我記唔到，因為行過幾秒，只係記得其中一粒有「磯」字。
 |
| (網上圖片) |
會見到個門口係偏向一邊，原因係呢度面向既景：
 |
| (網上圖片，來源：按此) |
會望到由門口向出邊望，如果企側d，
前面4座山，每邊2座，中間會有個出口位，
而中間係一條通往外面既路。
如果門口建得太正中，咁就會比左邊既個座山擋住出路，
於風水學上來講，都係唔好的。
///
另外講d唔關風水事既野，睇大門。
古時成日講「門當」「戶對」，
邊度係門、邊度係戶呢？
呢個唔止係王陵，就算係北京四合院都係咁的。
 |
| (網上圖片， 不是靖江王陵 的圖) |
「門」是門口下面左右兩座石，
「戶」是指門上個4支突出來的樑。
兩者都代表著當時府內人物的地位。
如果想迎娶入面既人，來迎娶既人，
自己既府既「門」同「戶」數量都要一樣。
///
然後講埋門口閉上時，點樣分辨入面位緊既咩人呢。
 |
| (網上圖片) |
如果黃色既一dotdot， 9x9 = 皇帝。
因為9係古代最大既數字，例子係：
e.g. 最高既位置係九重天，最低既位置係九泉之下，
皇上係九五至尊 (p.s. 陽數[單數]9為大，5為正中)，等等
(當時我諗起咁18層地獄係咪即係上至下都係地獄 ... -3-)
而靖江王陵係9x7，代表王爺。
///
期間導賞員講完風水，就會講下面相，
指住一個人話佢「錢賺得快，但洗得快」。
雖然呢樣野指住邊個都中，
但佢指既咁岩就係呢個無購物 既 純玩團入面，
買野買到個GIP唔夠裝既人 XD
連領隊導遊都叫佢唔好咁早買，
陽朔西街個日有晒咁多日步行街可以買到既野，
每次d景點會有人賣野佢就會提一提佢邊d最好唔好買XD
雖然結果佢都係會買XD
到上車時，佢會直情話：
「錢賺番黎就係要洗架啦，唔洗理係咪呃，我洗得開心咪得！」
所以當導賞員咁樣一講，全部人都笑到收唔到聲 XDDDDD
////
最後臨走前，就講一講點樣分屋企既財位。
首先準頭 (4 * n )個水仙頭，n可以係任何數，n = 1都得，
自己界開，稱為「破壁」。
然後平均放係4個一樣大細、一樣水份既盆上面，
然後將4個盆係屋企大廳既四角。
等到佢地慢慢生長、開花，當見到邊個位置既水仙花開得最燦爛，
果個位置就係屋企既財位。
知道之後，就係財位位置，放：
向住大廳門口 OR 窗口外既 貔貅 (好啦其實佢講左咁耐重點係呢樣)
或
如果無貔貅，就放魚缸(要有流動既水 e.g. 養魚)
p.s. 貔貅係吸財既，聽講賭場寫明唔準帶入去，
而賭場成個風水佈局就係封晒錢財流出。
之後就比我地係王陵度逛逛。
大約就係咁，就完左呢次王陵參觀，
門口隔離有個貔貅店，可以自己諗去唔去，不過其實唔去就得...
|||||----------------------|||||----------------------|||||
就咁樣，我地就睇完，上番車。
因為今日兩個景點，
都好快行完(可能因為太曬，大家都唔想逛太耐)，
比預期落地時間少左，所以好早就到左桂林北高鐵站。
而早，就真係早左好多，導遊都話本身預早九個字，
但結果我地係早左兩個鐘到……
好彩電話有data，慢慢係度hea，買d野食野飲，
等係高鐵上面食。
而我個8樽玻璃樽XDDDD 真係好重，
所以個心都係好想快d返香港XDDDDD
過橋。
到月台了。
連結。
(不是進行中 ... 一早連好... )
5:55pm，在高鐵上了。
車開了。
謝謝友人幫手沖熱水 ~
團友都話友人好乖XD
因為佢幫埋一個婆婆團友買同沖麵 XD
( 極度被動 + 太冷漠的我被比下去了.... =3= xd )
日落時分。
列車經過，個時睇緊高鐵d廣告。
友人：「哇... 出面好靚... 」
跟住我望向窗，
哇！！！！！！！！！！！！！！！！！！！！！
靚到喊喊。
跟住係咁搵相機，一路搵，一路口upup：
「唔好入隧道!! 唔好入隧道!! 唔好入隧道!! 唔好入隧道啊!!!!!」
結果好彩影完之後1秒先入隧道，
但影唔到最正既景，而且又未對好焦同爆了光 XD
但!!!！ 影到下已經好好!!!！！
過了呢個景，入左隧道，再出隧道，
就已經少左好多呢種山既景了。
慢慢地，到了深圳北，解散，
拎住本身領隊預備左既地鐵車coin坐20mins地鐵，
由深圳北坐到福田口岸，過關、返港。
黎到落馬洲站，見到有火車，
諗住佢就關門就慢慢行，等下一架。
落到月台，見無人，先諗：「但頭先架車好多人喎」
再望望顯示板，下一班車，10分鐘之後。
OK，Thanks。
自願走車。
可以啊！！
大約十點幾十一點返到屋企，
放低8樽玻璃樽個一下很HAPPY！！
之後執野、放晒d野落洗衣機，
梳洗，食晚餐最後訓個靚覺 ~~~~~~
完滿結束。
放低8樽玻璃樽個一下很HAPPY！！
之後執野、放晒d野落洗衣機，
梳洗，食晚餐最後訓個靚覺 ~~~~~~
完滿結束。
- Day4 完 -
- 全篇 完 -
沒有留言:
發佈留言