住宿：加賀観光ホテル
去完Aeon Mall，之後就返返酒店食晚餐喇。
今次既旅程有兩晚溫泉酒店，係算係抵玩既團費下，
溫泉酒店既質素當然無得同單人過千個種比較喇，
但我個人覺得呢間已經好唔錯喇。
屋企人之前自由行去東京一帶時，
係富士山河口湖個一邊都試過住靚靚既溫泉旅館。
但我就係第一次入住溫泉旅館既，
對於今次入住既感覺都好唔錯啊 XD
晚餐、朝食、和式房間、窗外湖景都好正。
Check in 之前，首先就去左晚餐先。
入去當然要除鞋，然後望到滿滿既一枱食物，
好興奮 XDDD
仲有我呢排唔知點解好想食既蟹，更興奮 XDDD
好色彩繽紛，又想影相、
但又忍唔住想食個種矛盾瘋狂交錯。
因為呢五日都係分番每一組自己坐，
所以就係我地五個人一齊食喇。
順帶一提，今次應該係唯一一次跟團，
幾乎係完全無同其他團友交流既一次 ... = V =
蟹蟹蟹，雖然唔係好厚肉，但好好味，哈哈哈。
呢個魚頭有d驚喜，以為凍凍的唔好食，
但佢個醬汁超正，連一向唔食魚既細妹都食左好多。
呢個係 Wasabi 螺肉，好味。
呢個可能係糕點，食左一小啖就無再食 XD 但幾靚囉。
我諗係藻類 .. 食左兩條無食 XD
醃野，酸酸的，食左兩三小啖無食 XD
合照。
繼續合照。
魚生，鮮甜爽口彈牙 > <
蝦超甜！
橙味甜點。
陶板燒。
再合照。
蒸蛋。
湯。
總括黎講，
好好食既有 魚生、甜蝦、蟹、醬汁魚頭、章魚、
蒸蛋、陶板燒、Wasabi螺肉、白飯。
至於個湯都唔錯架。
之後就拎鎖匙入房喇。
係日式房間，好正 XD
仲有個小地台，後面仲有露台。
房入面既熱水壺有熱水、另一個壺有大量冰，
可以隨時沖茶或者飲冰水架。
呢張就係聽朝既朝食券。
鋪好左既塌塌米。
當然喇，今晚係溫泉旅館，
所以唔會只係係旅館訓完就過左一晚。
食完飯，hea左個零鐘，大約十點左右就出發喇。
男女湯係分開既，聽講早晚男女湯位置會互換，
可以比男女都可以浸到旅館入面22個溫泉。
去浸溫泉當然唔會拎手機相機喇，
所以只好係網上搵張地圖係度貼下。
 |
| (圖片來源：官方網站) |
但我最鐘意戶外既岩風呂，
好鐘意係石頭之間浸溫泉，哈哈。
浸完個身暖笠笠，
然後沖埋涼洗埋頭，就返房訓喇。
然後沖埋涼洗埋頭，就返房訓喇。
日本溫泉旅館好正，連洗面既都有，
仲要係藥妝店都算好出名既牌子 *口*
而且風筒、梳洗用品全部都有齊。
即使間房個浴室好細，但已經唔在意了，
因為可以算係用唔著 XD
- Day 1 Part 3 完 -
沒有留言:
發佈留言