地點： 上高地
黎到高山，轉坐 上高地既Highland Express。
大約係一點半左右上車。
大約係一點半左右上車。
椅背有張介紹既過膠單張。
仲有上高地附近範圍既地圖。
同樣有45個座位，車上面有廣播同下一站名，
可以按鐘，要求係中途站落車。
當然今次包左Highland Express，唔會有人中途落車喇。
一直上山，沿途都見到樹林同河流。
經過大正池會有介紹，同埋會慢駛一小段路。
一路上山一路諗：唔通呢幾日都係睇霧之旅？……
有d無奈，難得一家人一齊去旅行，
又咁難得今次主打係去靚景既地方...........
 |
| (網上圖片) |
上高地既範圍大約係咁。
20分鐘車程左右，到左上高地既巴士站。
沿住河流一直行，10-15分鐘左右，就會見到河童橋，係呢度解散。
落車之後，因為天雨關係都有d凍，
大約係12度左右。
有個幾鐘係度逗留，之後自行去番巴士站個邊集合。
因為天雨關係，河童橋後面既穗高連峰都唔見左了。Q口Q
暗淡既河童橋、又無左連峰，
又點樣叫做上高地啊啊啊啊！！？
日後有機會去東京，又咁岩好天，
可能會由東京去松本，再上一次上高地，
比較下靚天同雨天既分別 ^口^ 因為好天既上高地一定更加靚！
不過呢度既河流係冰川水，所以都係超清超冰凍。
所以都仲係幾靚。
其實d霧氣搞到個地方好有仙氣XDD
雖然係就係 .... d 仙氣真係勁左d。
河童橋兩邊都係手信街，比較商業化，
但真係幾多野行 ，不過我地無比店鋪引誘到 XD
雖然落住雨，不過我地都係以風景為先，
所以係河童橋玩左陣之後，繼續向深處行，向營地一帶進發。
首先會經過 上高地遊客中心，
有天氣預報、同上高地有關既各種展覽等等。
再繼續向前行，好快就到營地喇。
不過可能天雨或者颱風將至、
又可能因為中午時份大多數人都收起左營既關係，
所以呢個時候既營地係無乜營。
一路上好有登山客回程，相信係徒步到好遠既地方。
因為上高地好大，
好多人會係度行山、徒步、露營，留兩三日甚至更長。
順帶一提，呢度係 上高地小梨平營地 露營 ，
入場露營 係要申請露營許可證架，按人頭收費。
另外，呢度有公眾浴場，
除左毛巾要自備之外，呢度係有齊梳洗用品，
所以完全唔洗怕無得沖涼。
最緊要係，呢度露營係有 wifi 架！！
營地範圍唔大，回程路兜去河邊，沿河返河童橋。
地下有d水TUM，一路行成對鞋都濕晒。
雖然天氣唔好，但係個環境都仲係幾靚。
周圍係流水聲同落雨聲，已經分唔清邊樣打邊樣了。
因為落住雨，擔住遮，所以都唔係影得好多相。
係仙氣啊。
山係霧之中係一層層。
水好清啊。
隱隱約約見到個岳底。
回程沿河邊行。
好舒服既地方啊啊啊。
已經見番河童橋喇。
越黎越近。
回望。
附近。
兩條路都係返去同一個地方的，
呢個位幾靚。
返到河童橋喇，係呢度行左陣手信店。
一個鐘其實唔算好夠行，如果多兩三個鐘，
就可以行埋大正池、或者遠少少既田代池啊，
所以上高地其實可以留成個下晝架。
一個鐘其實唔算好夠行，如果多兩三個鐘，
就可以行埋大正池、或者遠少少既田代池啊，
所以上高地其實可以留成個下晝架。
之後離開河童橋，向上高地既巴士站進發。
到左巴士站，仲有十分鐘先夠鐘上車，
於是就係巴士站附近既店仔行下。
買左一盒上高地既手信，
同埋一個幾好食既吉士味河童燒。
之後就上 Highland Express 既巴士，坐番20分鐘落山，
轉番我地一直坐既旅遊巴，向住今晚住既另一間溫泉旅館進發。
沿途d景都係峽谷，所以都好正，
真係可惜好大霧，又太厚雲。
不過本來以為Highland Express o係高山上落，
所以聽日係會立山上、黑部落。
但一路坐住旅遊巴，望住GPS行既路線，
發現佢唔係高山向北行，而係一路向東。
之後經過勁多好靚既超古代小村落，超級休閒動畫feel。
再係松本市邊皮劃過，上到立山黑部既黑部個一邊。
本身抱住懷疑既態度，然後先驚覺，
聽日居然真係黑部上、立山落！！！
無幾耐就入黑。
期間導遊有講聽日個颱風潭美會6pm到、下一日既6am走，
正路黎講唔會太影響到聽日既行程，但實際係點仲要睇聽日既實際情況。
今晚既溫泉旅館，係立山黑部既山腳附近，
位置大約係 扇澤 同 信濃大町 之間，
咁聽日上車坐15分鐘就到扇澤，可以開始立山黑部之旅喇。
- Day 2 Part 2 完 -
沒有留言:
發佈留言