地點：香港國際機場HKG、小松飛行場
朝早大約五點半就要起身，大約七點幾到機場，
然後集合、 Checkin、食早餐，最後黎到65號閘口。
今次係第一次真係坐CX，而且都係第一次坐包機。
唔計包機既話，香港暫時係無直航飛小松的，
所以如果自由行想去中部北陸，通常會係名古屋中部國際機場出入，
又或者轉機去小松。
呢架包機係由3間旅行社一齊的，包括 永安旅遊、東瀛遊、縱橫遊。
經過長長既橋。
黎到 2-4-2既A330-300。
依家係香港。
開始起飛。
每次飛到香港上空，都覺得香港幾靚。
然後，好快就有飛機餐喇。
呢餐係早餐。
終於係用廣東話 order 飛機餐 XD
好耐無試過喇， 有d唔慣 ... 哈哈
飛機經過沖繩，醒起颱風係呢度附近，
果然呢一帶既雲好密，當然颱風仲係好遠既地方，
但都影張相先。
無幾耐就見到目的地「小松」兩隻字。
然後開始降落。
有長長海岸線，仲有水上樂園 XD
降落喇。
臨落機前影低條航線。
見到指示牌，開始對呢次旅行有番d真實感。
好似對上一次去日本，都已經係三年之前了。
雖然呢一刻，應該半個機場都係岩岩係架包機落機既人。
現在係日本時間3點10分。
小松飛行場航廈唔大，基本上就係一間屋仔睇晒。
而且一入境，基本上就已經見到出面車站了。
落機之後，見到藍天，
覺得可能係呢次旅行唯一一日難得既藍天，
所以就算只係出機場既景，都係咁影。
落機之後，唔需要擔心有咩交通，
因為係跟團，只要去集合就可以上旅遊巴了。
呢架就係我地呢5日會坐既旅遊巴喇。
等齊人就開車了。
一開始車上面都係簡單介紹下領隊、導遊，
一陣會去既地方。
係呢一刻，都無提過任何颱風既事，
甚至我同細妹傾計時有諗過，
領隊講到呢三日既景都會好靚。
正路唔會，
但個時有一刻真係懷疑過究竟係咪唔知有颱風到架？XD
望住個藍天，一般黎講係好興奮，
但對於呢一刻既我黎講，有種「夕陽無限好」既感覺。
沿途既屋都好古老好靚，但係車上面影唔到啊！！
呢種鄉村感既屋又同關西一帶好唔同，
旅遊巴係村落中間穿插，又同有唔同既感覺。
小松飛行場出發，第一站係福井縣既「東尋坊」，
係一個海邊既六角柱石地質地區。
- Day 1 Part 1 完 -
沒有留言:
發佈留言