地點： 金沢、兼六園
第二朝起身，見到窗外個湖景，
但望望個天，就知大獲喇。
唔理了，去食個自助早餐先。 其實款式都唔少 XD
但我每天都食玉子、仲有溫泉蛋、飲煎茶。
仲有呢度d水果一d都唔酸，
波蘿係超甜，可以放心狂食！！！
食完早餐就坐車出發去金沢，
望住個天，其實今日都無乜心機玩，諗住當 hea 下咁 XD
車程唔長，跟團既話當然會有導遊係車上面介紹下喇。
導遊講解時分享左一 d 日本基本但有趣既野，
可能係遊記中間我都會係度穿插式咁紀錄下。
雖然我可能會轉述錯XD 歡迎大家提點番。
記憶中係有提及 日本旅館類別、垃圾分類、
買樓租樓問題、通漲通縮、飲食文化、
日本漢字 / 卡拉OK名字由來、歷史 (主要講3位將軍)、
去白川鄉時有講日本神話 (主要講 海幸山幸)、
日本高速公路 既 路費 油費、日本相撲、
大福、喜慶 VS 喪事、名古屋市朝早時講上班族衣著 等等。
本住希望行多陣就會天晴既心態到達左落緊雨既金沢。
雖然只係去兼六園時會抵達金沢，
但都覺得金沢真係一個好靚既城市，有種老舊既味道。
好可惜唔可以留一兩粒鐘係市內行下，
如果有機會，可能都會係唔知幾多年後既未來重遊一下呢。
話咁快就到左兼六園，
過馬路既時候聽到一則趣聞：
「亂過馬路唔罰錢，但罰你係警察面前過一個鐘馬路」？
唔知係咪真既呢。
前往兼六園既馬路隔離，有一個 Police Station，
係大塊透明窗架，所以都唔敢亂過 XD
潮濕唔係一種令人想郊遊既天氣呢，
但呢度好舒服又係真既。
兼六園，係日本三大名園之一。
但最靚都係春櫻同秋紅既時候黎，
平時黎就係公園一個、有流水、有小山咁，都 OK。
今次9月尾黎到，只有好少好少好少好少既紅葉，
真正轉紅既日子仲有排呢。
拎左張簡介。
背後有地圖。
依然係有個零鐘時間自己玩，
公園話大唔大，話細唔細，不過落雨黎講都唔會留到好耐。
兼六園隔離係金沢城，
聽講每一個城隔離都會有屬於佢既後花園，
金沢城既後花園就係兼六園喇。
由停車場黎到買票入場既地方係一路上斜，
之後入園後繼續上斜，所以算係金沢入面比較高少少既地方。
佢有好多個出入口，
我地係桂板口度出入，因為最近我地上落車既停車場。
雖然係九月尾，不過有三幾棵樹都開始變緊色，
而且d色係柔和既橙色，一d都唔覺得枯左，
如果下個月，全個兼六園既樹都係咁一定好靚！！
普通庭園式小瀑布。
呢個噴泉比較特別。
同屋企人經過呢個位，
阿爸話個噴泉係因為 同隔離小山上既池 (霞之池) 既水面高低差，
而產生自然水壓，形成天然既噴泉。
開頭以為係吹水，點知一望個牌係真 XDD
原來真係有做 research ，
於是就認真聽下佢一路行時一路繼續講其他特色。XD
呢個係老樹幹，—而且feel到好難切斷，唔係一刀過既切痕。
呢個位幾靚，之後上網見到秋天仲靚，好有 FEEL。
同埋幾鐘意佢水面透到d水底既石紋，
有 RPG feel XD
呢個位，
諗起 軒轅劍外傳 —— 天之痕 既仙界，哈哈。
 |
| (網上圖片) |
行上山，向霞之池進發。
霞之池附近多幾棵開始變色既樹，
加上有唔少既楓葉，細細水咁聚埋一齊，望落好舒服好靚。
沿住個池行左半個圈，黎到一個叫瞭望台既地方附近。
可以望到成個金沢。
不過我覺得呢度，係地面睇有feel d ！
之後兜埋雕像個一帶，基本上可以睇既都睇了，
不過可能因為未轉色，每 Part 感覺上都無咩明顯大分別。
之後桂板口離開，本來想離開時沿住落山路隔離既店買下野，
但無乜時間。
金沢出名金箔，所以有勁多金箔既製品，
有食得既金箔，用黎做雪糕。
成塊金箔貼係雪糕面上面，
即刻由 380yen 升到變 1000yen。
如果比我行應該可以行到一粒鐘，
但依家要走喇喇喇 ....
因為行得慢，發現全車都等緊我啊啊啊。
之後有一段比較長既車程。
由依家身處既 石川縣 既 金沢 ，
經過 岐阜縣 既 高山飛驒 食 Lunch，
再去到 長野縣，向上高地進發。
呢個就係今次既lunch，食物份量比較少。
有碗蒸蛋，幾好食。
但無乜時間。
金沢出名金箔，所以有勁多金箔既製品，
有食得既金箔，用黎做雪糕。
成塊金箔貼係雪糕面上面，
即刻由 380yen 升到變 1000yen。
如果比我行應該可以行到一粒鐘，
但依家要走喇喇喇 ....
因為行得慢，發現全車都等緊我啊啊啊。
之後有一段比較長既車程。
由依家身處既 石川縣 既 金沢 ，
經過 岐阜縣 既 高山飛驒 食 Lunch，
再去到 長野縣，向上高地進發。
呢個就係今次既lunch，食物份量比較少。
有碗蒸蛋，幾好食。
另外就有桃板燒，有幾塊豚肉。
第1行第1格，白色，應該係魷魚，但醃左好酸 Q口Q
第1行，第2格，細茄子，幾得意幾好食！
第1行，第3格，拆開包裝個紋有d似肥牛，
其實應該係呢度既名物，話係柿黎。
第2行，第1格，雲耳絲，幾爽口。
第2行，第2格，一pat泥既口感……唔知咩黎。
第2行第3格，醃蘿蔔。
呢隻係飛驒既吉祥物Sarubobo，
雖然有頭巾，但唔係忍者。
其實係馬騮黎，邊度似？唔知啊。
記得有朋友買過Sarubobo手信比我，
依家仲掛係屋企窗邊架。
再坐多段車，就黎到高山既巴士站，唔再坐旅遊巴，
而轉坐包左既 Highland Express 去上高地。
講真，望住呢個天氣真係唔想去上高地啊 Q口Q
想講既係，呢日之前既上高地，個天仲係好藍啊！！！
- Day 2 Part 1 完 -
沒有留言:
發佈留言