Day 8:2018年1月20日 星期六
地點:河內
住宿:Le Petit Hanoi Hotel
今日又係一大早要起身,因為要去胡志明陵,
而胡志明陵只係星期六日、星期二至四 既 朝早先會開。
之所以琴日會去左下龍灣先,係因為琴日係星期五,
星期五係全日不開放架 ~
如果有留意到天氣既話,應該會見到琴日既遊記,
由河內開始到下龍灣都係藍天、有太陽,
而今日河內就係灰濛濛一片,個日上一上網check下龍灣天氣,
見到係下雨既公仔,實際係點就唔清楚了。
感覺上有d好彩,如果胡志明陵星期五都開既話,
就可能會今日先去下龍灣,咁就唔會有琴日咁靚既藍天了 > <。
去旅行睇景,天氣真係好好好好緊要。。
今日出門口,先發現原來住宿附近有呢間廟,
主要原因係第一次向呢個方向行,
其次原因係每次出街都已經天黑,所以都唔會太睇到無乜燈光既位置。
本身胡志明陵行就唔算太遠,20分鐘左右已經見到個廣場。
只不過,朝早好多入口都會封左,因為想入胡志明陵,
無預約既就要排隊了。 (唔知點預約的呢 ~ 無留意 )
於是繼續係外圍行。
同樣,呢度都封左唔入得。
然後開始見到條隊...
條隊、只係計外圍,記憶中都有成 3 - 4 個街口既長度,未計裡面打蛇餅。
等候期間,落左陣微雨。
不過因為其實入胡志明陵內部只係幾十秒既事,所以條隊都去得好快。
到了入口。
除左相機、電話、錢等貴重物品,一律要係門口比佢KEEP起。
之後都唔可以影相,到有個位就要KEEP相機、電話。
對比起朝鮮既規模,呢度室內既道路唔長,室內地方唔大,一切從簡。
入左門口之後,行一條通道,就到了遺像既地方 (灰色是置放位置)。
無需任何繁複既程序,經過入口沿住條路行,就完了。
走既時候剛好遇上換班,見到4個軍人向室內進發,進行交接。
離開時,係呢度拎番相機、手機。
至於最初入門口時keep既,就要去到出口先拎。
後面一出,有兩條路,一條去去巴亭廣場、另一條是去胡志明故居。
當然是先去廣場。
發覺陵前一定係有個大廣陽,中國、越南、朝鮮都係。
呢個就係出口既位,見到有d人係度。
之後返返去胡志明故居既入口。
買左門票,佢門票連埋介紹本,幾好。
左下角個凸出黎既位,mit走 = 入左場。
第一站。
之後就沿住步道行。
呢個時候落微雨,避左陣雨。
繼續行,黎到故居真正位置。
勁寫意,專登建高一層,書枱對住個窗,窗口對住個湖。
地板d木又高質,勁舒服。
落番下層。
沿湖而行。
落雨中。
接近出口了。
之後出左去。
黎到一柱寺。
呢個時候勁眼訓,係度半恰左陣。
都留左好耐下,除左一柱寺,隔離仲有個廟。
離開之後,望到胡志明博物館,因為過左12點,佢關左門,下午先再開。
行埋個花園就到出口,拎番d袋就走了。
拎袋時,個office寫住opening hour朝早、下午2:30後,
幾驚一陣要過番黎,好彩係非opening hour都拎到個袋 ..
而且我地應該係最後幾個走,因為一望就見到個架,得番我地2個袋仔咁濟。
出到黎,向軍事歷史博物館方向行。
個天真係差到呢 XD 好彩今日係市遊 ~~
門口又有了。
一開始又係要keep袋,之後發覺好多人其實都無keep,所以就拎番出黎。
首先入個呢個館,發覺好多都係越南文,無乜英文,唔知講緊乜。
因為無買越南SIM卡,所以上唔到網SEARCH睇緊乜。
但主要又係講越南打美國個類。
地道模型。
諗起朝鮮果個戰事博物館,又係SHOW d美軍機既殘骸。
舊時既胡志明市。
之後仲睇左d影片,睇到除左一舊雲之外,就快訓著。
所以決定不看了,越南文太多,
睇平面地圖都係越南文,又ZOOM得勁近咁標示地點,所以唔知講緊邊度。
於是就出番室外,上旗台。
唔太高,好快上到黎。
望番落去。
上塔頂既門鎖了。
上完去,又hea左幾個字,落地面又行多陣,就走了。
呢個時候三點幾四點,諗住去火車站,跟住再去火爐監獄。
其實係~超~肚~餓,又超~眼~訓,但因為太想睇火爐監獄、火車站又係附近,
無理由唔行埋,就決定忍下 > < !!!!
呢一帶好少食野店,舊城區同環劍湖區就周圍都係,
而且就算有食店,但因為就黎4點幾,d博物館隨時唔賣飛 / 關門,
所以就不理了,GOGOGO左先!!!!
行左無幾耐,就見到火車軌了。
沿住路軌行。
發覺原來已經黎到火車站了!!
想行入去,跟住就有人話唔係呢度入。
於是就正正經經搵番個正門。
見到寵物檔。
搵到正門了。
周圍參觀下,望下d火車去邊、要坐幾耐。
不過睇唔明。
上上層,影落去。
本身因為火車站有WIFI想HEA下,但又唔知火爐監獄會幾時關門,
於是就走了,出發。
好好好好好好好好彩,買了飛。
火爐監獄餘下既部份。
有2/3雖然呢度d影片話變成左trade center,但望一望,發現變左酒店咁款。
想講既係,行完呢個博物館之後,如果免費比我住間酒店,都可能唔住。。
尤其最底個幾層............唔洗諗了...........
有d碑文。
以前既地圖。
張地圖睇落完全唔知係河內市黎。
磚頭。
依家就得番最底個1/3 part。
有模型,睇到唔係好敢影相,結果越行越無影相,只係影左呢一幅。。
呢度有單人監獄、多人監獄、斷頭台,仲講左話點樣油油令到d人心理會驚d之類。
講下以前d人點生活、點走,關過d咩人。
有個室外既類似花園既野,有燒香,播音樂。
有高高高牆,牆上有一堆玻璃碎,係舊時為左防止人偷走既一種方法。
望到好正既明信片,好個時朝鮮FEEL個d。
不過無郵票,所以買左幾張黎儲,今次無寄了。
呢個模型做埋wide鏡效果。
上上層,舊時既admin,依家變左好多獎、碑既地方。
無影到d睇完會寒既部份出黎,話說越睇越有d寒,
同時又勁眼訓,於是就搵個室外位恰下。
睇完火爐監獄,開始諗係河內餓死我會唔會係第一個呢。
所以睇完火爐監獄,係飢、渴、眼訓既陪伴下,
黎到之前成日經過,但都係夜晚既教堂,入去兜左一圈,就去食野了。
發覺都幾多人坐係度,口中唸唸有詞。
食!!!野!!!啦!!!
通常解決到飢餓問題,連帶眼訓既問題都會一齊解決到。(通常 嗯嗯)
十蚊湯河 T口T ~~~~~~~~~~~~~~~~~~~~~~~~~~ 好味好味好味好味
十蚊飯,呢間店我見有人食湯河,就入左黎。
一入到黎,因為店員唔識英文,個店員起勢咁不飯,指住d送叫我簡,
我個樣係「 / ___ \ !!!!!!」
心諗: 成日都無食過野,唔係走黎叫我吃飯掛 ...... T口T
跟住我指住枱面其中一碗湯河,店員明了,就比左碗湯河我 T口T。
先開心番 T口T 。。
大大碗,又平。
唔似寮國咁細細碗,但唔平 XD。
去第2間再食。
個湯無咁香,肉少d,但都好味 T v T ~~~~~~~~~~~~~~~~~~~~~~~~嗚!!
同行吃粥。
呢個粥又係幾得意。
佢係本身煲住白粥,如果有人order,佢就會用個細煲仔,
不大鍋d粥落細煲仔,跟住先加肉落去煮,
然後就用個攪拌樣攪一攪,再煮滾,完成。
就係呢個攪拌機了。幾好味的粥,食幾啖幾唔錯。
雖然我都係鐘意湯河多好多好多好多好多好多 *V*。
吃完了,去環劍湖區行下。
睇下有無水上木偶戲,發覺「SOLD OUT」,可惜啊,原來咁熱門 *_*。
不過其實除左今晚,之前都無時間黎到預訂,
前晚同琴晚黎到環劍湖區都係太夜,佢都收左店了。
小矮人。
就係呢個水上木偶戲 ~ 哈哈。
環劍湖區hea完之後,就去左舊城區。
買左杯甘蔗水。
試下越南版日式章魚燒。
外層唔夠脆,但章魚大大粒。
試左瘋薯。
經過一間食店,d人一齊睇波,咁岩越南對唔知乜乜,
一路行,一路係唔同店update賽果,到最後一齊睇埋12碼,
見到d人勁興奮,氣氛勁正 XD
最後越南嬴左喔。
黎到比較遠既東川市場,有表演睇。
人多,小心扒手。
河內有好多廟,有d廟有wifi。。
表演,中樂係正既。
之後仲睇左d人唱歌,有d又真係幾好聽。
廟既對面。
又係sinh,見到左同右係2間唔同gaaa。
門口有人派卡片,派個張係真sinh既卡片!!!?? 但呢2間好似都是假的....
買左串燒,好味好味好味。
買左春卷,有鵪鶉蛋。
食完再食,串燒。
之後就行行行行行行行行行行行,行到咁上下就回程了。
去左間超市睇下有無野想買。
好平 X口X!!
FROM NZ所以正常價。
呢度d啤酒。
最後買左d零食就閃退了。
嗚,聽日早機走呀 ......................
- - - - - - - - - - - - - - - - - - - - - 完 - - - - - - - - - - - - - - - - - - - - - -