地點：河內
住宿：Le Petit Hanoi Hotel
今朝起身，當然我是起唔切的，結果遲了15分鐘出門。。
因為寮國成日d車都遲 ._. 無諗過呢度咁準時 /_\
呢個時間車已上，今日有太陽。
又係sinh cafe travel了，真係要小心，
聽講冒充的sinh XXX會將好多人塞落同一架車、同一架船，
或者吃飯時幾架船連埋一齊食，搞到人太多唔舒服。
等人上車。
經過好多竹既街，諗起之前有個fd去河內時sd過類似既相比我。
又係sinh啦。
呢度d人好得意，經常都會係街邊一大堆人(不論男女老少)坐係度，
係張矮枱度飲咖啡、MOK瓜子，早上就會食下早餐咁。
呢度連續兩間，LOGO差唔多樣，但個名係唔同的。
又有多間了，呢間直情係酒店前台。
logo黎睇，裡面果個係sinh舊時個logo、外國係sinh新既logo，
呢間將新舊2個logo融合，勁！
開始出市區，向下龍灣進發。
過橋。
d屋好正呀，同埋好得意，係長身的。
正面睇好似好細好窄，側面睇就超長。
火車 + 車 行既橋，如果咁岩有架火車經過就好啦。
中途休息站，落車行下，去下廁所。
見到成班坐係度刺繡，諗起個時朝鮮個少年宮。
又再繼續行。
之後開始經過長長既「海中道路」。
過左條路就黎到下龍灣附近。
無幾耐就到左大門了。
每人一張。
因為係聯票 (包行cave同埋kayaking)，所以唔好唔見喔。
tour幾好，佢會入場後幫我地收番，每次要時先再比我地，
到回程唔需要張票時，先再比我地自己keep番張票。
咁就唔怕會唔見之類。
過左售票處就見到呢個，係咁係度唱歌，水上面有幾隻野係度跳下跳下咁。
可能係水上木偶劇d fd。
行到碼頭，就開始見到遠遠既得意山了。
繼續向碼頭進發。
呢架係我地既船，係時候登船啦。
附近仲有好多船。
船入面係餐廳，上層就係睇景的。
同幾個韓國人、一個外國一齊坐，計埋六個人。
船坐左一半，估計大約20個人？
(其實感覺上好少人，因為成日都覺得好似上層又無乜人、下層又無乜人)
所以好多位、一d都唔逼。
幾好食，食食下一路上菜，食到後期已經無影了。
食食下架船就開，向住好多得意山進發。
今早8點幾出發，9點幾出市區，大約12點幾1點到，
然後遊船、kayaking、cave，大約4點半閃退，話8點至9點左右返到河內。
雖然相入面好大霧，不過原因係太陽位置問題，
向另一邊睇就超藍啦！！！
大好天啊！！
上左上層。
雖然有d風，但因為有太陽既關係，暖暖的。
越來越近了。
大家都食完野，而且入左下龍龍，都走晒上 上層。
往下層既樓梯。
呢個叫做 鬥雞石，其實又叫做 Kissing Chicken 喎。
另一個角度睇。
繼續向入面進發。
落下層望望，有d人係下層睇。
基本上就係欣賞下周圍既風景，
所以好天真係好好好好好好好好好好好好好緊要。
聽講可以攀岩。
也可以登高。
呢度比較多船泊，點解呢？因為呢度係玩kayaking既地方~~~~
落船了。
可以簡坐bamboo boat或者kayaking。
我地簡左kayaking，我係第1次玩呢。
路線圖。
碼頭。
周圍望。
準備出發。
有魚呢。
休息室。
落水了~~~ 完全唔識，同行話，划右邊，於是就划右邊。
唔係好識划郁架船，但要向呢個洞進發。
水好淺、好易擱淺…
船又多、瘋狂撞船 > < ！
再加上我完全0概念 ..........
慢慢去。
撞撞撞。
試左好耐終於過到個洞，但是不太興奮 > < 。
不過抬頭望天，晴空加埋咁既山真是好靚呢。
入面都好淺水，又擱淺了 x_x。
後來先發現原來呢個時間咁岩大退潮 > <！
襯人不多，出番出去，行第二條路！！
望望呢隻艇就知d水幾淺。
出去啦出去啦。
之後又去第二個洞，不過都係差唔多。
然後就向呢舊斜石進發，又去玩下命過條隙先。
順利。
之後就回岸上了。
全程用左應該差唔多40分鐘，只能說，
平時手極少做運動，都幾攰呢，想練下手部肌肉了... (之後個2日都酸左 XD)
然後就係，感謝同行主力划艇!!!
雖然我其實都盡左力只係唔識划 T口T ........ 加上手無力 > <
上岸了，呼，鬆下口氣。
雖然kayaking幾好玩，而且環境咁靚真是唔錯，
不過呢次玩個體驗不太回味 XD
應該是因為常常擱淺？同埋唔識划 -_-
上船後，襯大家未四散，tour個導遊就同我地講：望望張200,000vnd，
上面個石就係出面個舊啦~~
跟住再望出去，噢~~~~~~~
繼續遊船。
好天真係好靚呀。
呢d景如果唔好天一定無呢種感覺 > <
所以好感謝個天氣 > <
呢間船個樓梯無咁靚。
寫意！！
兜出去時，又見番市區既樓..........
因為要去另一邊，所以就兜左出黎 ~。
之後又到左另一個方位。
去到一個好多船既地方，就知到左目的地了。
拎番張飛，之後就開始自己KEEP了 ~
今早既藍天，開始多了一層雲。
日落應該會幾靚。
呢個洞既入口唔高，而且路況超好。
人無大陸咁多，唔會逼，但都叫做人流較高。
但因為大家都係跟TOUR (除非有錢/自己fd多人到可以包船 .. )，所以都係一批批咁，
一浸浸咁，過左一批就無人。
因為基本上得一條路，所以唔一定跟guide行，周圍行下影下，
得閒又偷聽下d人講乜就得。
好搞笑，同張家界之類一樣，因為呢d石會有好多形態，
咁就會話「啦，呢個就係男人，向上望，望咩呢，原來上面有個女人 ~」
真係唔講都唔會覺既想象，但講左又想像到既...
有d位有流水，有d位好似噴泉咁，但好似見到條水喉..。
本身入到黎，見到個規模 (雖然唔叫好大，但睇落去就明點解) 已經覺得：
「點算呀 ... 寮國輸左啦... > < 」
不過之後見到塊牌，就諗起，嗯，寮國sell自由、天然既 ... 唔 ....
因為寮國既cave係純天然不加工，所以可以自己搵路自己爬，
雖然有一定既危險，但就感覺上cave味重d (好啦我都唔知''cave味''係咩形容詞黎)。
寮國樣樣都係少少地咁，比人感覺係寫意、舒服、自由，
雖然乜都好似唔夠人TOP，但舒服、寫意、自由都係一個旅行/生活重要既因素!!!
所以，打和super 啦。
好快就上樓梯，由另一個出口出去了。
望番落去，條路已經無晒人。
條路真係一個人都無晒，因為未有下一架船、下一批tour嘛。
行上樓梯之後就結束左個行Cave活動，路程好短 ~
開始有雲。
越黎越多雲呀 ~
望番落去。
回望。
頭先就係呢度啦，一出一入，不走回頭路。
然後慢慢落番碼頭。
景點牌。
搵番架船。
返到去就係tea time，食生果同埋飲香茶。
杯茶勁好飲，唔知係咩菜呢。
杯靚，茶香、少甜，唔酸唔苦。
呢個時候都4點幾，過多陣就準備日落了。
當然要上上層睇 ~
d雲咁正，日落一定好靚。
大家既船都回程了。
見到沙灘，就知好快埋岸。
依家望番今日中午既方向，唔會反光蒙 ~
準備落船。
又返返黎碼頭。
上車，最後係車上睇日落。
無得圈住個太陽添。
BYE BYE 下龍灣。
經過應該係綜合體育館既地方，幾型。
繼續日落。
越南間唔中會見到既牌。
個天開始變色。
又係燒野。
又係中途站有候落車休息，之後9點先返到河內。
食個湯河先，太餓了。
叫左個 熟牛河、仲有個半生熟牛河。
之後返去放低d野，再出去環劍湖區、舊城區個帶行。
環劍湖區。
舊城區。
唔好見咁逼呀 ~ 其實大家係坐低係度食緊野，
好得意呢度d凳好矮，搞到就算多人，個視野都幾廣闊。
(有dd明白高既人行年宵時個感覺，嗯嗯)
之後環湖行左一圈。
關了門既郵局。
唔知掘緊d乜。
又係Sinh時間。
大約23:30，d檔開始收，d人就開始執垃圾，都幾自覺喔。
然後就回去休息了。
- - - - - - - - - - - - - - - - - - - - - 完 - - - - - - - - - - - - - - - - - - - - - -
沒有留言:
發佈留言