地點：永珍 / 萬象 / Vientiane
住宿：Malinamphu Hotel
朝早起身，趕尾車食早餐，是十點半。
食完就行條扮野梯上二樓。
有個游池架！
可以由泳池去番二樓走廊，影落去。
之後行正常樓梯落番地面，然後開始今日既路程。
係靚天架！！
呢度d易拉架都好有style，真係好好唔東南亞feel !!！
周圍都係寮國國旗，聽講係共產主義國家既特徵之一。
行左陣就見到黑塔啦，佢位於路口中心，一望就見到，所以都係到此一遊既位置。
黑塔幾得意，同平時唔同係佢成座塔都生晒雜草，唔係金金的。
佢既草每年都好似係度增新咁，因為睇網上其他圖片，佢d草未有咁密的。
去完黑塔，經過 美國大使館，想影支美國國旗，
即刻有兩個軍人話 NO PHOTOS ~~！
之後黎到總統府，幾靚。
行下行下，就黎到壁畫寺。
周圍幾靚，綠草樹林中有金塔。
買飛。
睇手信。
比水浸過既簡介板。
其實寫住「唔好係出面影入去」……
但呢，壁畫有新有舊。
舊個d幼線，佛教傳統FEEL。新個d粗線，好似小學生亂畫…
周圍，其實都細細地，主要都係睇壁畫。
好多尖尖既植物。
影下d第日可能會維修既位置先。
呢個好似話係求水既像黎。
呢度d地磚有唔同圖案，不過唔知點解拆左出黎。
入面... 殊...
門口。
出到去，有人畫畫。
好多寺院門口都有呢d畫賣，諗起緬甸蒲甘個 lucky elephant、 powder!!！
有喵喵。
第二個寺院，玉佛寺。
差唔多樣既門票。
同法國有關既。
同緬甸一樣，間唔中會有喇嘛出入。
入面主要係寮國既考古物。
另外就係上一次修復時，KEEP住正門無修復既，所以依家會用玻璃包住，
比人睇下修復之前既樣貌。
影上頂。
正面。
出番去。
呢個城市幾有心機去做，乾淨之餘，仲有好多花草樹木。
經過永珍最大型既商場，之後入左一個MARKET睇下賣乜。
永珍巴士網好正，GOOGLE MAP上有實時架車開到邊既路線圖。
連結： https://lao.busnavi.asia/
網入面係咁既，可以放大縮細：
呢個真係嬴左，好先進…… 可以放大縮細。
btw 永珍真係幾多人鐘意digital marketing，
d檔仔間唔中都會有label話你知佢fb同ig係乜，等你like下...
所以真係唔係google search咁少資料，係fb同ig search應該好多info。
點解會講呢個網呢，因為黎緊要坐巴士去佛像公園。
即係坐紅線，佛像公園就係紅線最尾果個站。
坐巴士之前，去左附近既MARKET，因為未有車，有時間就行下。
想講，開左綠色個本數學黎睇，係 3D geometry……
有dd似喀什個大巴紮，係dd。
跟住兜番出黎。
向巴士站進發。
大約係講乜巴士，幾錢個d。
14號係我地要坐既車，即係 Destination : Friendship Brisge - Buddha Park 個架，
係CBS-2 Departures，向箭咀方向行140m就到。
上巴士了，見無人，以為好少人坐，點知原來係少年你太年輕了。
實際原因應該係呢個係新一班次，我地係頭幾個上車的。大約20分鐘左右一班。
個網無錯的，只係行market行行下行耐左，搵巴士、影下相又用左陣時間。
呆等。
有qr code比你scan，個網係頭先講果個網。
之後開車了，開車之後比錢。$6,000kip/人，坐40-50分鐘。
回程同去程時間唔同，因為佢會再係一個小村鎮停20分鐘……
所以其實坐巴士會變左坐好耐ga。
接近湄公河。
周圍都掛住國旗同共產主義旗。
到左，就係門口落車，比15,000kip入場。
開放時間。
一入去，有左同右邊，現時主要係右邊遊覽，
左邊有d工程，估計係過多年幾兩年，個佛像公園就會大左。
近入口最吸引人望就係呢個，不過我地決定最後先去。
行左公園先。
右邊呢個應該係佛像公園既最強特徵。
有d寮國文字。
好快就行到盡頭，後面就係湄公河啦。
之後就爬上去盡頭一個塔上面。
最遠處好似樹枝頂既就係頭先入口，開大大個口比人爬入去果個位置。
佛像雕塑公園係咪好細呢。
依家企緊個高塔係咁爬既。
塔入面有間小屋子，入面有好多字。
全部都睇唔明的。
之後落番黎了，又望望湄公河。
下午既太陽方向。
返返轉頭，入去個洞口了！
估唔到入面要係咁樣爬上去，本身以為係有正常既大樓梯。
上到出口，好難出，要wu低身，不過由好黑，到出到黎個景咁晴，
有種「wuuu~~」既感覺。
呢座野d欄杆勁矮，隨時可以跳落街。
之後行另一個位落。
今次行外圈走。
係d窗口望出去。
繼續落。
最底個層比較光。
望番上去。
出口了。
佛像公園簡介。
狗狗。
出番黎，影張門口照先。
等車，好大沙塵。
跟住上車了。
又係無人呢，因為總站。
呢間屋有d南疆喀什feel。
回程係一個中途站停左20分鐘，結果用個個幾鐘先返到永珍市區，
個時已經3點半了，而塔鑾係4點關門，所以只係去凱旋門了。
凱旋門有得上去，都係4點關，高空望去塔鑾，細細粒呢。
落車個位行一陣就到凱旋門。
正面。
係我第二個去既凱旋門呢，第一個係北韓果個。
幾時會去到巴黎果個呢？XD 雖然未有呢個念頭。
呢個凱旋門都係法國建架。
節錄自U TRAVEL： (連結)
「位於寮國首都永珍市區的凱旋門，是法國政府在撤離寮國後，為紀念其獨立而興建的一座紀念建築物。這座由法國及寮國設計師共同完成的凱旋門，內部以寮國的神話故事作為浮雕的主軸，塔頂的寶塔也具備濃濃的寮國建築風格。象征著寮國人的自由和民族精神。」
門下望上頂。
講到好似個凱旋門係佢建，其實係講緊凱旋門呢個池。
同行：「咦呢個應該要朝早黎，呢個時間背光了。」
真係好靚既雕塑呢。
因為口渴，買左兩罐野飲。 每罐 ~ $6HKD呀！！
行上頂。
繼續上頂。
呢隻就叫有concept了，印埋貼紙黎「到此一遊」。
高頂層有四個窗口，其中兩個窗口比較鐘意，就係前後兩個。
一邊有個影子。
之後落番平台再望。
遠遠遠遠遠遠遠遠方的塔鑾。
有書賣，學外語。
落多層，再去平台望。
呢度每張凳都有廣告，唔止係景區附近，市場又好街邊都好，
有凳既地方就係有廣告既地方。
離開時再望多一眼，其實真係幾靚。
呢個係貼係郵筒既宣傳單張，話你知佢間noodles shop既位置。
行下行下，就黎到湄公河畔、泰寮邊境睇日落了。
排排坐係度睇日落，好彩海岸線夠長，所以唔會好密。
我地都搵到位置坐低了。
慢慢睇住佢落，又望下周圍d人咁。
太陽下山了。
完全淹沒。
天黑了，大媽出現了，於是廣場舞又來了。
不過呢度個d似拉筋運動操多d，一二三四、二二三四咁。
跟住仲有個鄭多燕feel(唔係樣、係一路叫一路帶領個種感覺)既人帶住大家做。
黑齊之後，去了隔離個夜市。
其實琴日行過，只係無野做所以再兜下。
突然醒起未買聽日車飛去旺陽，所以就返返酒店買了。
$60,000kip，即係大約$60hkd一個人，坐4個鐘 mini van。
(如果坐巴士會平d，$45,000kip，即係大約$45hkd左右，不過要坐6個鐘，不了。)
買完車飛之後，出去覓食了！！！！
食完早餐之後都無吃過野！！！
首先行過一間街邊檔既steak店，比佢d香味吸引左，坐低。
呢間steak店最正唔係steak，係佢居然賣sushi，放晒出黎，
原本諗應該無乜人會食掛，最多係本地人會食下？
結果原來 無論係韓國人、外國人，都會夾夾夾黎食的。。。
不過主要係花之卷、蟹子軍艦個d，唔係魚生，所以都嗯嗯還可以掛、既、應該，嗯。
好，講番食左d咩。
呢個係雞，$15,000kip，~$15hkd。
呢個係豬，$22,000kip，~$22hkd。
幾好味的，唔un，而且香口。個包又夠脆，薯菜即炸，OKOK！
因為一塊仔，所以當然食完要再搵野吃啦。
行左去M-PARK，望望d 拉麵，有2間。
其中一間，指晒成個菜單咁濟，全部都無。
於是簡佢對面個間。
有S同L Size，叫左S Size。
結果真係好細。
唔，應該點形容呢，個碗既大細就係下午茶Size個隻。
於是再去搵野食。
食甜品、食甜品、食甜品、食甜品，
因為琴日已經諗住食，結果琴日行得太夜，於是今晚食了。
叫左兩個，
一個係CRD (唔記得全名了，MENU有影，漏左UPLOAD，懶再貼 XD)，
係下面個宣傳版上面見到果張圖黎，直接有理想與現實睇，MATCH架。
$4x,000kip 定 $55,000kip，忘記了。
一個係AT (American Tower)，好似39,000 kip，大約$39hkd。
雪糕夠濃夠味，好正！ ~ 以前係BANGKOK試過，今次重溫！！
幾貴。哈哈。
之後就去番湄公河邊，
一路行個感覺有d似未開發時期既鄉下，有海/河風吹黎，
有d著了燈既小店仔，有人坐係度食野咁。
琴日同今日行過都留意到寮國式打邊爐，
唔知點解黎到東南亞國家就會想試佢地d邊爐，
柬埔寨個時都專登ebike去一去食。
今次黎到寮國當然都試下啦。
佢地個BOWL好得意，另外係用炭黎燒滾d湯的。
叫左碟牛，超薄切。
不過都好，因為唔薄切應該會un，薄切岩岩好。
不得不讚，好刀功…真係好薄。。
調料。
食完先影TOP SHOT，kekeke。其實BOWL係側SHOT，但影到人哈哈哈。
另外仲有叫金菇、菜、粉絲、玉子、之類。
食完，又買左罐野飲。
又返返黎中央個廣場。
個廣場好正，有射燈，正正係「在永珍不會迷路」。
向住射燈方向就會搵到住個邊既位置。
今日無表演睇。
都係經過下，返歸了。
再見，夜晚的永珍。
- - - - - - - - - - - - - - - - - - - - - - 完 - - - - - - - - - - - - - - - - - - - - - -
沒有留言:
發佈留言