地點：龍坡邦 / 琅勃拉邦 / Luang Prabang ， 往 河內
住宿：Le Petit Hanoi Hotel
今日一朝早當然係好遲先起身，但因為皇宮朝早11點收，所以就要早點出門。
首先去左皇宮，係外圍行左個圈，
連背包、隨身物品都放左入佢locker櫃(free)，
到入場時發現原來ticket booth係公園門口。。。
但因為當時係11:01am，所以CLOSED！
下午1:30pm 先開，咁就周圍行下先。
首先去左郵局，寄POSTCARD。
之後當然入埋去睇啦。
有DHL，正。
之後無野做，繼續周圍行，入下出下唔同寺咁。
起屋了。
好多地方都有laundry service。
經過market，買左薯片。
諗起緬甸蒲甘個時都買左2包。
又買個串燒，今次燒豬頸肉。
想講係、超、好、食！
個汁同肉都好正！又香口！
中文字。。。
隔離就係機場，但一日都唔係聽到好多次飛機聲，
結論：好少班機。
過橋。
要收費架，5,000kip一次。
遠dd有條唔洗錢，但真係遠左dd。
之後行都無乜野可以行，就黎左河邊hea。
叫左杯Lao Coffee，另外仲有杯唔記得左係乜。
飲完過番對面。
又再行過，呢度d屋會寫埋建築年份。
又再經過多次條橋。
(可想而知，龍坡邦係幾咁細。)
行到三點幾，就去皇宮了。
皇宮都係有呢類畫，幾得意呢。
幾鐘意呢d是咪叫做小清新(？？)既畫，即係青草、幼線呢類。
3:30pm，買了飛，跟住個售票處關了門，排住隊後面果個外國已經無得買。
我即刻望住同行話：「哇.......哇........哇.........」
真係.......太驚險，今日真係只係為左去皇宮，
唔係既話今日真係完全無野做。。。
哇...........太好險.....
但後面果個真係唔好彩................
想講，因為原來4:00pm皇宮關門(本來以為4:30pm)，
所以ticket booth就3:30pm關了.....
哇........ 真是唔知點形容呢次情況好了...............
買完飛，就去放d野落locker (free)，所以之後都無影到相。
簡略講下皇宮入面，入門口之前要除鞋，
入到去就係靚滑木板地，跟住就有佢間房、Queen間房，
d房既佈置都幾近代，唔係故宮個種古代，而是瀋陽張氏帥府果個年代。
原因係雖然叫皇宮，但當然唔是古代的個種皇宮，而是近代的，
於是皇宮都唔是好大，好快就行完。
到去完皇宮、拎番相機出黎，
第一幅影就係個locker地方門口放住既呢幾本書。
之後就走了。
呢個係皇宮隔離個寺，同皇宮開門口時間差唔多，今朝入左去睇了。
再見。
繼續行小街。
去了一個market。
有個唔知咩名，就指左黎食。
本來是咁。
店員教我要撈埋吃。
少少少少辣辣地，好香口！！！
同行叫了清清地的雞湯粉。
就咁樣，其實一日行左好少地方，但超級、極度、hea、慢，
其實係幾寫意 (只要只係hea1日而唔是hea多日)，
接近日落時間，準備去機場了。
(話說講起坐飛機，有段題外話，
買機票時知係7:15pm係LPQ起飛，後來上越航官網，
個航班時間表既pdf寫6:05pm，但google寫6:05pm係架機由Siem Reap起飛，
中停LPQ，7:15再LPQ起飛。
個時諗，無理由唔信官網架？於是就唔敢肯定，
睇埋flightradar24，都係寫7:15pm LPQ起飛，於是做最後既動作，
試下係越航買今日既機票，無錯VN930係7:15LPQ起飛，無事。完！)
接近日落，皇宮前既大街附近，有班喇嘛周圍行行下，搵外國人傾計，
但唔係要d咩，純粹係傾下計咁，應該係當地喇嘛學英文既方法吧。
再望一望日落既皇宮，幾靚啊。
之後就慢慢行番去guesthouse，然後拎行裝、上tuktuk，去機場了。
去機場要50,000kip/car，坐在tuktuk上過橋、望日落。
再見了，龍坡邦~~~再見了，寮國~~~~。
坐左好似12定17分鐘就到了機場，好近。
Departure 就係 Arrival 隔離，順便行埋。
望望先，VN930係19:15呀~~！
想講，雖然我地都叫早左好多到，5:25pm左右。
但等checkin好耐，排隊排到真係checkin都用左半粒鐘，
好似都差唔多6點先真係checkin到。。
但勁快就出左境，因為好細，一出境到gate就無野做。
幾得意，有得去戶外。
等到終於boarding了！
是越航~。
當然是發夢，影出來姐，唔是坐business class。。
坐番econ。
落機了，又到左day1時已來過既河內，不過今次就入埋境啦~~
因為本身係香港都做好左visa，所以勁快就走得。
等左陣行李。
唱左d越南紙。
就去等巴士啦~~~
關於86號河內機場入市區既巴士資料會開一章新既講，
會寫埋路線圖、停靠站、時刻表，但依家簡略講講先。
首先係，等左5-10分鐘左右巴士就到了，
係巴士上等左5-10分鐘，巴士就開了。
係巴士上拎左張INFO。
記住自己係T1定T2呀，我地T2 (international)上車，所以個時間要時刻表上既時間+10min。
(原來無UPLOAD埋最下面尾班幾點...
但 以下面張圖寫，23:05機場開仲有車，河內開就21:40尾班)
班次、價錢。
巴士個樣，橙黃色。
買了巴士券，基本上機場之後個站就已經係市區附近，所以好快到，
同坐的士，時間應該唔會爭太遠。
當然你要係巴士停靠站附近，佢只係停係市區大約4個站左右。
首先係呢個站：
6，呢個站幾靚，其實想去行下，大廣場feel又夠光，但呢2日最後都無時間黎行。
7就係呢個，亦都係我地會落既站：
最後第8站係尾站，去河內火車站。
好難得高速公路入市區，路程又好，又有街燈。
雖然香港都係咁，但當去左寮國6日之後，再黎番河內，
就好似大鄉里出城咁，個樣「*口*！！」。
仲有修幾有趣既橋。
之後經過迴旋處，見到共產主義國家常見既一d雕塑、畫像，
越南當然唔少得，反而寮國只係見過一兩次。
落車了，影下個巴士站牌先。
大約就係咁。
邊行邊影，我既湯河世界呀，講左幾耐呀！終於到左了！！！
返酒店會經過既河內 聖若瑟主教座堂。
8:15到河內，拎行李唱錢都8點幾9點。
再1粒鐘入市區，再行15-20分鐘去酒店。
返到酒店，CHECKIN，之後放好野，都11點了。
好彩酒店本身都有得BOOK下龍灣既TOUR，就報左個1 day tour，40usd一個人。
比左百幾萬vnd，因為唱了200usd，唱完先諗得2日，唱得太多了。
聽講河內好多Sinh Cafe Tour、Sinh Cafe Travel、Sinh Cafe Tourist、
Sinh Travel、Sinh Tour、Sinh Tourist，但其實只有2間係最original的，
所以我呢2日得閒醒起就會影一影d sinh tour，最後好似都影唔到真個間。
唔理，食d野先，就係酒店隔離。
雞湯底，超好味！！！！！！！！！！！！！！！！！！！！！
米紙卷，有d乾，雖然正宗都係乾身的。
而我就叫了牛。
叫左杯lemon tea，飲個下先醒起東南亞個lemon tea會加青檸！！！
不過個味無之前係香港飲既thai lemon tea咁重，所以都飲晒~~~
之後去左便利店，好似叫minimart買d聽日去下龍灣時車上食既乾糧，
原因係聽日太早起身，要8點半，一定醒唔到食野。
之前有人買過越南手信係呢隻好好食，今次專登黎搵下有無，見有就買了！
係大樹波蘿乾。
之後都12點幾了，返去訓等聽日下龍灣~~。
- - - - - - - - - - - - - - - - - - - - - - 完 - - - - - - - - - - - - - - - - - - - - - -
沒有留言:
發佈留言