地點：旺陽 / 萬榮 / Vang Vieng
住宿：Domon Guesthouse
又係朝早快食早餐，跟住CHECK OUT等車，正值 9:30am。
我係賴床專家……
點知9:50am先有車，因為佢要兜埋唔同酒店既人，所以應該慢慢食早餐。
之前無乜影，所以影下，路牌。
不過唔係附近目的地，佢係寫緊其他國家係邊。
上車了。
坐最前既中間位。
前面既中間位黎講，睇景唔錯，坐就唔太舒服，高左d XD。
呢度架車停左一停，司機出一出左去，唔知點解。
不過要再出示張車飛。
直正出發了，出左市區就係呢種路了。
間唔中有番d公路分隔線。
跟住係中途站會停大約20-30分鐘，比你食下野 / 去下廁所。
係呢度，開始搵下今晚住邊好，因為本身唔知係咪今日到旺陽所以未BOOK。
叫左個粉，10定15,000kip，d麵質麻麻地。
繼續出發。
開始見到d奇怪山，即係好接近旺陽了。
終於見到個牌，寫welcome to vang vieng。
繼續係主街向前行。
停左係呢個位，就係落車點。
去住宿途中，望下呢度d食物同埋物價。
發覺真係好多韓文、真係多過英文咁濟。
因為以前多數係對歐美個邊既人多，但後來running man黎左取景之後，
就多左好多韓國人黎了。
行左一段仔路，就到左河邊既區，即係我地住既地方了。
入去要除鞋，放係個架上面。
哇係有露台的呢！！可惜唔係河景方向，但都好正喔。
之後放好d野就落街逛逛，一路諗去邊好呢。
因為周圍都係travel agency，所以望下呢度有乜玩，
有乜可以聽日玩、同埋如果自己去方唔方便之類。
結果就一不小心租了架電單車去兜風了。
出發！好近既blue lagoon只係7km距離。
租車一開始要去入左油先，之後先向目的地出發，
期間會經過一個舊時既機場 ， 依家個樣變左大水坑個單車公園咁款了，
總之係一塊長條形石仔地大空地，有d車仔同檔係兩邊咁。
是日也是晴天。
過橋，承惠 10,000k！
有兩條橋要過的。
到了對面岸。
呢度d型山更近了。
係田園大道上奔馳，好爽呀。。
呢度d人修屋頂…
兩邊既風景都好寫意。
好型既山就係眼前。
本地MK？定係都係黎旅行的呢。
一路都係呢d風景，好正，又好天。
有小水。
就快到了。
見到名了。
歡迎來到blue lagoon and poukham cave，比錢吧~~
於是買了。
10蚊/人 其實真係好抵，頭先電單車過條橋都10蚊了。
買飛之後過河，就係呢個景啦，係度都留左好耐，係咁睇人玩同跳。
地面同第1層樹跳水既情況，好似學生秋季旅行既感覺，哈哈。
想講好多遊記寫萬榮d人係會隊草、劈酒跟住跳落水，
入夜既時候萬榮市變左第二個樣貌，周圍都係酒吧、音樂、隊草、劈酒，
但黎左兩日都唔覺… 係有酒吧但siem reap個pub street仲有氣氛…
又是吹大左嗎？……定依家越黎越少呢？
定是因為我地黎既日子咁岩無乜呢。
就係呢條橋了。
水色好靚呢。
在玩既小朋友。
好玩咁。
幾鐘意佢有玩樂設施，呵呵。
之後就上cave了，上cave既山腳有塊牌，講借頭燈幾錢、要guide幾錢。
我地向"右邊"山上去Cave。
呢堆向"左邊"山上既，會留意到佢地同樣咩住條帶，
應該係跟TOUR黎玩ZIPLINE的。
會有幾條zipline，由山上落到其他地方。
我地都不知不覺黎到洞口，望入去，有2個人行緊。
不過佢地行左陣就出番黎，佢地無帶頭燈，唔深入了。
我地就開始落去，行左陣，見到另一邊都有光，就向果邊行，
行到過去，發現有個廟，入面係個臥佛。
由我地個位影番去另一個有光既洞口，幾靚啊。
自然光果然係靚過燈光太多了。
望上去。
水滴石穿。
因為山洞係仲有水，所以有d位好滑、好跣的。
有2個外國人入去之後，聽到其中1個跣腳既聲，之後佢地2個就回頭走了。
落到黎。
望向果個洞口。
跟住就向入面進發了。
向前行，上面張圖右邊個凹位就係我地跟住要行既路。
有d油漆做指示。
就係呢度，爬入去。
繼續跟指示行。
回頭望。
開始要頭燈了。
發現呢個應該係佛教地方會經常見到既疊石。
疊石大約係佛教徒係無工具既情況下，
以堆石頭疊起象徵佛像、佛塔、代表著心中有佛，
疊得越高越好呢。
好多人係度用泥水寫字、手印。
呢個時候有2個外國女仔加入，於是4人行。
見到呢個，講聲BYEBYE…
行近少少望，真係直落、無底的。。。
繼續向前行，呢度只要小心陷阱就可以，比起頭先既路平好多好多好多好多。
之後行到一個位疑似無路，外國2個女仔就走了，呢度亦無晒d指示。
同行落一落石下面，轉過疑似隧道？通道既路，
發現轉角見到有個大平原，於是我又落去行個圈。
有d石是有點閃粉feel，閃閃發光。
地下好多呢d，應該係周不時有水滴落，形成好似塔既鐘乳石山仔，
再過好多好多好多年，就會變成大大舊了。
平原都幾大。
兜黎兜去都唔見有路之後，就回頭了。
回頭無乜影相，上上落落咁又黎番有光既地方了。
慢慢爬番上去，就到出口了。
無錯無路的，就係慢慢踩住呢d石上去。
出到黎，見到光個下，不自覺地「哇...」左聲。
其實只係入左去個零鐘就咁樣，難以想像HKTV「挑戰」果班，
7日FULLDAY出出入入、又大上大落咁係咩感覺。。
回落番頭先行過既路。
落山了。呢度起碼叫有樓梯，但上易過落太多了。
因為有d斜所以有竹做扶手，但唔好依賴，因為d竹無插實的，就咁放係度，
比d樹枝kick實下咁就當定左位，其實可以成支拎起的。
出到黎都五點幾，差不多日落了。
d雲咁樣，估計日落既色會好靚，結果真係又紅又紫。
回頭望。
之後又諗，聽日做咩好呢。
其實仲有好多其他Cave，仲有好多位有Blue Lagoon，
但今日行完、聽日又唔想重覆、想搵d新玩意了。
因為未天黑，未捨得返去，就周圍去兜風。
日落了。
去了其他cave睇，點樣有d cave係地底、唔洗爬上山咁好架！
有cliff、日落 point。
變色了。
成片天都係靚色，但我又影唔出，umum。
夜了，黑齊，回程了。
小插曲係，因為唔知點解電單車車燈開唔到，
於是路途中架車停一停想換頭燈，結果tark唔著返架電單車。
好彩唔洗一陣就搞掂番，又再出發了。
回程既路唔知點解特別長咁，一黎可能係兜風兜到遠左，
二黎就係黑漆漆無乜野睇，所以感覺上就好似好漫長咁。
天黑黑坐電單車，d風有時都幾凍，
而望上天，都算有多星星。
不過星空黎講，新疆半路客棧同小黑湖一定係贏左，
好難有得超越了，哈哈。
返返過橋果個位。
返到去市區，還車之後，就去左 Domon guesthouse對面既 bus ticket店，睇左車票時間。
本身想坐11:30pm既車走，咁到Luang Prabang就大約6點幾7點，
不過佢話無11:30pm，咁都唔緊要因為10:30pm都可以，
點知！！連10:30pm都無。
店員話：「10:30pm 同 11:30pm 既車唔係日日有喔，得幾日有。」
於是就要坐9:30pm車了。
即係話可能3點幾4點就會到左Luang Prabang……
到左如果不能checkin，做咩好呢。。。
不太相信之下，就決定周圍行下。
跟住係條街諗，聽日做咩好呢？
同行話：是咪有熱氣球玩呢？
我話：可以問下哦
同行話：唔知邊度有得問呢？
我望一望對面，咦，對面就係哦。
於是去了問。
去到，指住個balloon，跟住問：how much？
佢地話：90usd。
同行：哇
我：(心想) 太貴了吧
同行：咁平？
我：(心想) 下？
跟住諗一諗，問：tmr，ok？
店員就問：sunrise? sunset？
二話不說：sunset。
因為，sunrise？？點起身啊！！
當然如果只有sunrise時段還是會去的。
店員打一打電話，confirm左有sunset時段，
就開單，承惠 $180usd兩位。
book完之後，就去吃野了。
幾好吃的，雖然也有點鹹。
吃完，就去買車票了，因為會玩熱氣球，sunset時段，
咁就唔聽日日頭車走，買9:30pm吧。
夜遊旺陽，黎到walking street。
其實都係賣d衫既地方。
喵噢。
跟住再經過d鐘乳石洞酒吧 (真係好似...)，就回去休息了，
今晚行左好耐，所以好似都12點幾先返到去。
- - - - - - - - - - - - - - - - - - - - - - 完 - - - - - - - - - - - - - - - - - - - - - -
沒有留言:
發佈留言