地點：加拿大 多倫多 (Toronto) 、尼亞加拉瀑布 (Niagara Falls)
住宿：航班上
因為成個機場地面都係雪天，
而且飛機位置以外既地方，入面既雪堆得更厚，
開始思考出面究竟會有幾凍。
而且飛機位置以外既地方，入面既雪堆得更厚，
開始思考出面究竟會有幾凍。
多倫多既機場設計又唔同d。
雖然係幾型，不過有d難睇。
今次唔係行李清關了，係直接拎行李。
雖然國際航班正路係行李直掛，但因為加航既行李係唔會過夜。
而「過夜」係指 ：
上一程機既「起飛時間」 同 下一程機既「起飛時間」 是否同一日。
因為琴晚上機，今朝落機，而今晚再上機，
所以已經算係第二日。
(成個flow勁奇怪，唔知如果轉機得1個鐘又係咪咁計呢？)
所以，總括黎講，係要拎番件行李。
不過都好，半件行李都係凍衫，
就係拎番行李既時候，一次過拎晒出黎著喇！
因為係國內線落機，所以拎完d厚外套，
就已經可以直接入市區。
我地係機場T3 (一陣都係呢個Terminal上機) 寄存行李。
好快就搞掂，準備出市區。
跟指示行。
向 UP EXPRESS 既方向進發。
之前係上網買左飛，Print左出黎，
QR code可以直接嘟完入閘。
之前上網睇，話一定要 Credit Card買飛，
因為驚要 PIN (而我未 SET ) 所以就買定先，
黎到先知依家可以收 Cash .. 。
15分鐘一班，好快就開出喇，
向 Union Station 進發，票價 $12.5 CAD / 人，
全程約 25mins 。
哇，係雪國呀。
不過唔知係落完雪定咩原因，架車行得極慢。
一路望，本身諗住好無今日去 Niagara Falls，
見到咁既路，開始有點縮沙。
見到d車超慢駛，就係度諗，
坐 2 粒鐘巴士 去 Niagara Falls ，會變幾多個鐘呢？
聖誕樹，好正。
呢架就係 UP EXPRESS。
居然開始有少少藍色。
上年1月多倫多得1日天晴！！
唔通今日真係會好天？
到左市區喇，著好外套就出發喇。
UP EXPRESS 一出，
室內見到室外加拿大國旗大大塊，就指住話要出去影。
經過一段路，出左車站，果然有點寒冷。
不過勝在天氣頗好，而且無風，加上我著得超厚，所以都幾舒服。
所以之前係室內時好焗，想快d去室外。
因為係7點幾，所以撞正呢度既人返工，
地鐵站出入口都幾多人。
過馬路都有好多人。
大家跨住雪咁行，有種上年香港山竹颱風後，
見到d人要跨樹枝返工既感覺。
但問題係，當時我係度諗，
多倫多應該好擅長應付大雪，點解成街都係雪，
好似唔處理咁？
後來先知，原來琴日落雪落得超勁，
係幾十年來積雪最多既一日。
呢一日係 2019年1月29日(星期二)，然後望望新聞。
[ 新聞 ] 多倫多遭遇50年不遇大雪 日降雪量達32厘米
節錄：
多倫多從週一（1月28日）中午開始下大雪，
直到週二（1月29日）凌晨才停，創下單日降雪量51年最高紀錄。
週二早上，大多倫多地區（GTA）雪暴警報已解除，
但是大雪帶來的交通麻煩、校車取消和公車延誤仍在繼續。
據CP24報導，氣象學家科爾特（Bill Coulter）表示，
週二早上5點，在多倫多皮爾森機場的降雪量約為32厘米。
多倫多上一次單日降雪量超過20厘米，
是在51年前，1968年1月14日，降雪量達到20.8厘米。
多倫多單日降雪量最高紀錄是在1966年1月23日，
降雪量達到36.8厘米。
週一晚上，包括多倫多在內的GTA收到降雪警報，
現在已經解除，但大雪給多倫多交通帶來重大混亂。
本身向錯了 Waterfront 進發，
其實我地係打算去 Mega Bus 既 Terminal。
因為反正無咩野做，所以都係決定去 Niagara Falls了。
所以，就向 Toronto Coach Terminal 進發。
可以行地下街，都係20mins左右，
Toronto既地下街超長，幾乎有個地下城咁濟。
不過我地行地面，理想就係咁行，
不過我地就有兜下路，行下其他路之類。
地下好多雪。
行路要小心d。
比起平時會用多左力，同埋行得好慢。
其實有帶冰爪，但係又感覺未去到溶雪會跣個種，
所以都無用到。
跨過雪山。
d雀係度食雪。
繼續行，其實可以行地下街，
但室內開左暖氣有d焗，而且難得黎到雪國，
想感受下，所以多數都行室外。
本身正常路程大約20-30分鐘，
不過我地係地面，未到目的地，都行左一粒鐘。
因為除左兜下路之外，仲有行下影下相咁。
終於都係入一入室內，望望個 MegaBus Terminal 係邊。
之後因為太焗，又出番去室外。
行行下終於都到喇！
可以用Cash買飛，買飛個陣問今日路況如何，
但售票處話：
可以保證準時出發，但今日路況不好，
未必保證可以準時到達。
不過因為市區真係無野做，
所以決定出發喇！
好彩，9:20am仲買到9:30am出發既車飛，
而回程時間係1:45pm, 大約4:05pm返到市區 (2hr20)。
其實有諗過買3:00pm出發既車票，
因為路程會少20mins (2hr)，加上逗留niagara falls既時間長d，
4:55pm 到多倫多。
但因為唔知會唔會落雪塞車，
所以都係買早一班，最多如果去程路況OK，
而又到時想留耐d，就再買過喇。
買完車票，仲有10mins就出發，
於是係候車室坐一坐。
呢個時候就將d厚衫除番落黎喇，
因為室內同一陣車上都會好暖。
首先買個朱古力蛋糕。
一路坐車，個天越黎越靚同
不過個窗口太多黑色，所以影唔到超藍天！！
路程非常順，準時到步。 11:30am！
呢度係VIA(火車站)、Megabus terminal、同埋 Wego bus 既站。
因為Wego bus 半個鐘一班，而下一班仲有10mins，
所以就係度買車票同等車。
正常就行 20 -30 mins 可以見到瀑布，
因為凍、加上 時間關係，
當然就買車票喇。
一買就要買24hrs，
雖然只係會係度停2個幾鐘，但都要買喇。
一張 9 CAD。
跟住出去等車，
依家無頭先坐車咁好天，不過都起碼有藍色。
佢周不時會有d風，
望望遠方，白色既地下有d雪係比風吹起左的。
呢個時候有飄雪，
但已經分唔清係地下既雪比風吹起，
定真係落緊雪喇。
所以，即使係第一次真正係室外望住落雪，
都未覺得真係落雪黎 XD
( 題外新 : 回程上megabus時落住大飄雪!!
雖然凍左好多!! 但係勁開心!! 不過太凍無拍片 Q口Q !!!!!! 遲d會講。 )
好快車就到了。
路線圖參考，我地係坐綠線：
由 VIA/Bus Terminal 去 Table Rock Center，
係 綠色南行 (Green line - South)，
回程就係相反，綠線北行 (Green line - North)，
所以排隊等巴士，記得望一望
1. 佢係咩線
2. 佢係咩方向
唔好企錯喔！
上車，拍 pass。
好少人上車 XD 其實得我 + 同行 + 一個外國人。
上車即刻睇下張MAP，
決定係 Table Rock Center 站落車。
一落車，就聽到水聲，
然後好心急、但又唔可以跑咁樣向住瀑布方向行。
嗚呀，越黎越近喇！！
開始望到水流喇！！
一係，就係馬蹄瀑布 (Horseshoe Falls) 喇！
Niagara Falls 之所以入到 世界三大瀑布，
都係因為 馬蹄瀑布 (Horseshoe Falls) 啊。
而佢隔離有個比較細既 美國瀑布 (American Falls) ，位於美國境內，
一陣會講。
繼續行行行行。
嗚呀呀呀呀呀呀呀呀呀呀呀呀呀呀呀呀呀。
明明依家仲未係豐水期，但d水流都仲係超大。
欄杆結晒冰。
d樹枝堆好似雪糕咁。
因為個身著得好厚衫 ，
( uniqlo ultrawarm + 薄毛衣 + 薄外套 + 羽祴 + 抓毛外套 + 防風防水褸 )
所以個身係超暖，甚至有d熱，一d都唔凍。
但兩隻手係超超超超超超超超超超級凍，
因為我帶左對香港戴都未覺得暖既手套。。。
地下既碎冰。
柱上既冰。
因為隻手凍，又想睇睇電話search下呢度有咩位要睇，
所以就去左類似info center既室內。
望出去，d冰掛勁型。
入左去一陣，就出番黎玩。
嗚呀，好型呀。
執起左舊冰玩。
不過如果夏天，有遊輪、有對面美國既人群、等等，
有大細既對比，應該會覺得更加型。
依家只係望到個景，對面無人。
雖然都已經好型 ，
但感覺個瀑布仲係唔夠高、唔夠大，因為無個對比 XD
最緊要係冬天因為鋪晒雪，
無路行到，所以封左瀑布下層，
所以無得由下層望番去瀑布度，一定無咁震憾喇。
感謝個天，還不錯。
因為天氣好，無乜風，所以都唔算太凍。
不過d雪真係超厚。
係高層望去個瀑布，好有馬桶 feel XD。
冬天無咁多野玩，而且因為無手套，所以都唔算太多野可以玩。
如果有時間係會由呢度開始，行到 Rainbow Bridge，
不過最主要都係時間唔多，二黎係開始起風，
所以就無咁做喇。
係呢度繼續影下相。
來回行。
除左右邊既馬蹄瀑布，左邊都有個瀑布，
果個就係美國瀑布 ( American Falls ) 喇。
不過都係 馬蹄瀑布 (Horseshoe Falls) 大同闊 好多XD
呢對就係我地著既鞋，
都係瑞士個時著個對喇。
古巴就唔會著住佢，
可想而知我地帶既 衫、褲、鞋、帽 等等，
個溫度 range 要幾咁闊。
繼續向前進發。
周圍都係雪既感覺真係第一次。
真係好闊架。
影下個彎位喇。
真係好正的！！
冬天黎一次超特別。
第日有機會夏天，都想可以再黎一次，
聽講夏天會有幾多活動呢。
白色既瀑布。
水流勁到起到白霧。
因為天氣關係，成條路人都唔多。
遠處個條橋 Rainbow Bridge，連接加拿大同美國既橋，
只要比$6usd就可以陸路過境去對面。
聽講夏天要排 30mins 先過到橋，
冬天就唔洗喇。
不過因為我地黎緊會去古巴，
所以都唔過美國境喇。
加上另一個原因係，都無時間喇，
係度hea好過趕 check point XD。
然後，突然！
出現彩虹啊啊啊啊啊啊啊！！
變左另類既 「雙彩虹橋」 XDDD
繼續玩玩玩玩玩，見到塊結左冰既牌。
係度留左2粒鐘左右，手都凍到無知覺了。
仲有15mins，已經諗緊可以回程了。
回頭再望望 Niagara falls。
可以見到，藍色既天已經無左喇。
望到鏟雪機。
呢個轉機既daytrip，真係超級正。
夏天既話，呢度就係可以落去下層，
坐遊輪向瀑布濕身之旅進發喇。
不過冬天就無開的，
眼見除左河已經變左雪河之外，
佢落去碼頭個條路都鋪晒雪行唔到。
不過其實有ff下如果有開，
我相信我都係... 不了，實凍到SHOT左。
d雪令到無葉既樹枝都變得超靚。
好快就回程喇，
我地早左5mins到wego bus車站，
見到佢有個到站既牌，會講依家幾點、邊架車仲有幾耐到。
有架其他色線既車到左，跟住走左。
然後我又望望，
個牌寫住 green line north 係 Due ，即係到左。
但又唔見有車。
再過多陣，無埋 green line north，
心諗：下？！頭先個架唔通係？？！
但問題係，呢班無左，就要30mins之後，
睇時間表即係 13:48 先到頭先 megabus (VIA/ BUS TERMINAL) 既站，
但我地架megabus 係 13:45 開車。
咁即係如果坐下一班，就會上唔到 megabus喇，
而附近又無任何taxi既跡象，完全唔知點算 ...
又無理由係雪地跑返去。
明明早左5分鐘黎到 ....
而且呢度同 Niagara Falls 係超近，
我地頭先無野做個15分鐘，都有望下巴士站，
但都唔覺有 green line 經過。
依家電話既鐘係 13:03左右，
而我地 green line north 原本係打算13:05上車，
13:13就到 megabus (VIA/ BUS TERMINAL) 既站 ，
望住個牌，佢個牌寫住依家時間係13:08！！！？？
個心離一離，即係佢地時間係唔跟國際時間，
而係跟自己個鐘，所以會快5分鐘！？？！
望下有無taxi既個一刻，
係13:05，跟住見到 greenline north 車黎緊 ............
即刻 ....... 笑左。
原來個牌，係自己快左5分鐘 ...........
而佢預計d車係準時，所以d車所謂到唔到係跟佢自己時間，
而唔係真係track到架車去到邊 .......
所以，事實上真係 13:05有車，
而我地都順利上車。
而車上面，都依然係無乜人，得我地兩個。
/////
落車既時候，係超級凍，已經無頭先咁想去室外 XD
//////
等左3個字左右，mega bus 就到喇，
呢個時候又開始飄雪喇，而且今次飄雪比頭先大，
所以超興奮 XD 不過太凍了，無拎相機出黎啊啊啊。
///////
最後回程車上面，就係車入面恰下。
間唔中醒下睇下自己去到邊，醒左3次左右。
外面既天氣都比較差，
所以真係簡岩左時段黎呢！！
///////
因為大雪無影響交通，本來預計 4:05pm 左右，
就會到 Toronto 既 Bus Terminal (之前由 Union Station 行段路先到既站)。
但居然可以直接係Union Station (中央車站) 落車，
於是3:50pm就到左 Toronto 既 Union Station，
比起預計會 4點半先到 Toronto Union Station黎講，多左好多時間。
本身出發前，係打算回程後有時間可以係Toronto逛逛。
但回程之後天氣差左好多，成個Toronto地面既感覺好凍，
就即刻走落 Union Station 既地下街行下，然後再食 d 野。
因為坐左咁耐飛機，全日又唔係飲得多水，
加上成個FoodCourt都係炸野，唯有食最有湯汁既上海店。
肚餓既關係，覺得都幾好食，
不過就咸左dd。
最後就坐 UP express 返去 Toronto 既 機場喇。
/////////
拎番行李，放番d冬天衫入去，
跟住去Checkin Counter個邊。
其實已經有 Boarding Pass，因為香港個時出埋，
但行李就要去 Counter 再寄。
不過問職員，就比職員點黎點去，
可能太多人太忙，拎住 boarding pass 問，
又叫我地去番 checkin。
望望下個counter 唔對路，問另一個職員，
話我地話有boarding pass，但未寄 luggage，
佢又再指一條唔係排隊、又無牌，
一個可以叫做「是但指個範圍」既位置叫我地wait here，
但又無講任何後續指示。
不過過多一陣，
就有人將我地幾個直接帶番入counter check luaggage，
然後就可以出境去 international 既 gate喇。
一見到就心知不妙，不停咁 delay既到最後係 由本身 20:15 ，
到23:00 先可以上機。
所以之前仲洗咩咁擔心會唔夠時間係 niagara falls 玩呢 XDDDD
不過臨走時天氣咁凍，
又真係留唔到耐 ... hahaha。
終於 boarding，望望時間，都知去到 havana 一定都差唔多天光 ...
呢架係我地架機，因為預計 havana 會熱，
所以已經拎走晒d衫，而且換埋拖鞋。
但呢張圖要講下。
右邊見到一條水既物體，
其實係已經結左冰，所以呢個位其實係超級超級超級凍 (隻腳)。
但居然係呢個位要排住隊上機，
仲要等左幾分鐘 XDDDDD
真是凍死me了。
終於上到機，
呢程係 Air canada rouge ，細機 A319，無mon。
要等佢半個鐘，噴幾層野，
去除雪、溶雪，因為太凍，怕d engine結冰 之類。
跟住噴噴下。
有層野係面。
可能唔小心，噴埋落個窗度....
得我個隻窗係咁，前後既窗都係噴到少少........其他窗無事。
重點係因為佢唔係水黎，係漿漿地既野，
所以結果係睇唔到景既！！
不過依然係訓唔到，坐了3個半鐘，
個窗後來好左少少，起碼望到古巴高空既夜景。
我已經無正常咁訓教好耐喇，好想快d有得訓教呀。
- Day 2 完 -
沒有留言:
發佈留言