地點：古巴 夏灣拿 (Havana)
訓完之後，就已經係下晝兩點半。
雖然仲好想訓，
但再唔出門就會浪費左今日成個 Full Day架喇！
所以都係梳洗完就出門喇。
出面之前，
同左 Host 講想Book 聽朝既 Collectivo去 Santa Clara。
不過因為要搵一搵先，所以未知幾時出發，
我地就同佢地講想朝早9點左右出發就OK，然後我地就出左門口。
/ / / / / / / / / / / / / / / / / / / / / / / / / / / / / /
路線圖，Record既時間長度是：5 小時。
/ / / / / / / / / / / / / / / / / / / / / / / / / / / / / /
因為今朝到步既時候已經係天光，
所以一出門都未算好驚喜。
之後我地向海濱既反方向進發，
打算行下行Havana橫向既大道先。
開始見到有好多老爺車係度行，
好似玩具車，幾得意。
Havana既學生，校服既顏色同外型都幾靚。
沿路有好多的士停泊，
尤其係老爺車，會招攬下遊客。
呢度既橫街窄巷都好有味道。
古舊既彩色屋，睇極都唔厭。
騎樓式設計下既走廊，
同樣係塗上唔同既淡色系色彩。
周不時有古董車行過。
修修補補既跡象。
無幾耐就黎到古巴既唐人街，
果然係外國好多地方都會有China Town。
聽講過佢曾經係拉丁美洲最大既華區，
但依家呢區生活既華人少之又少。
然後我地就向Havana既舊城區進發。
Havana 既車都幾多樣化，
的士都有好多隻，Coconut外副係最特別，
而慢遊既話，人力車都有。
有倒數既交通燈，不過市內都唔算好多交通燈。
有 Local 既巴士。
色彩繽紛既車。
繼續行騎廊。
呢一part藍色幾靚。
街上面會有好多電話亭，而且使用率都好高。
係中華總商會，唔知仲係咪Run緊呢。
然後我地繼續一直行。
呢條街既呢個位好有味道。
有人踩roller。
繼續睇車，呢架車紫藍色幾靚。
之後行行下，側邊見到有條爛路。
其實仲係同一條大街行緊。
呢度既救護車。
靚靚粉紅色開蓬車。
古巴雪糕幾出名，雖然聽講係淡淡的，
但總是好多人排隊買黎食。
佢係$2，以我理解即係2 CUP，
但我地身上只有CUC，用CUC買會變2CUC，
即係會被搵笨，所以望一望就走了。
繼續行。
一路行，會發覺古巴周圍都有隊排。
ESC. PRIM. 可能係解 escuela primaria，
即係小學。
Antonio Maceo 係 安東尼奧馬塞奧，
HAV機場都係呢個人名命名，佢係古巴獨立軍的副指揮官。
呢間應該係以呢位 副指揮官 命名既小學，
而排隊既人應該係接緊放學？
以上純粹猜測。
然後繼續亂逛。
Havana比起東南部其他城市較為清涼。
又有人排隊了。
另外，古巴幾個城市都會見到即焗即出既麵包買，
而且都好受歡迎。
行行下，黎到一間超市。
本身入去要放個袋入櫃，
跟住唔知係咪見我地係外國人，又唔洗我地放，
比我地直接入去。
有好涼爽既冷氣。
無乜人，同埋好空曠。
有d展示咁。
前面有個counter買野，
如果想買counter 圍住果d野，
要直接係呢度order。
行完超市就出番去。
行完大街又走番轉頭。
係Havana都係亂咁行下。
現場睇過之後，依家睇其他人貼既相玩估地方，
都發覺自己開始識分中美洲同其他洲既建築。
話咁快又黎番 Wifi 公園，Havana有N個Wifi公園，
而呢四係國會大廈個一帶既Wifi公園。
好似打左咁長既遊記都無提過 Wifi 公園添。
2018年12月8日，古巴全國開通3G流動上網，
不過並唔係個個古巴人都有即刻申請，
而且仲未開放比遊客。
所以好多人依然要排隊，買 Etecsa 既 Wifi Card，
1 HR / 1 CUC 或者 5HR 唔知幾多 CUC 咁買，
然後去Wifi公園先上網。
Wifi 公園係邊？
有APP 睇架，不過其實當你係古巴行行下，
邊度有一班人坐低玩電話，個度都係架啦。
基本上，地圖上面見到係公園既地方，
幾乎都係 Wifi 公園黎。
如果一個Wifi公園無人，應該係代表果個時候陽光好猛烈。
( 題外話：
今次旅程入面遇到1個係Santiago de Cuba既商人，
就有3G上網了。 佢開比我地睇下佢個fd既相，
跟住開左3G，成堆 msg 爆出黎，左上個訊號都寫住 3G )
Havana度度都可以截到古董車，
不過遊車河既話呢度最多，
經常性就有古董車出入，然後大家就排隊上車。
人龍好長，鐘意排隊既不能錯過古巴。
(利申返，唔鐘意排隊 ... )
繼續睇下排隊至上的古巴，
不過鐘意「慢活」既大家應該唔會介意既。
(利申多次，份人比較心急 .. )
呢度除左等老爺車，都有等下巴士既人。
車來了。
一個個上車。
另一架。
因為係國會大廈個一帶，所以會見到番唐人街既入口。
望望個天，原來太陽都就落山？
講左咁耐國會大廈，終於都影左張相。
不過由上年年頭開始已經修緊了。
之後就向舊城區行喇。
呢個位咁影又幾靚。
扮下睇當地人生活先。
都係咁喇。
其實仲係國會大廈附近。
好多老爺車來往。
又係一排電話亭。
經過國會大廈入舊城區。
戲院、劇院。
繼續行，舊城區又有另一種味道。
殘殘舊舊既彩色。
粉紅色！
又有人排隊。
呢位哥哥想叫我去買野飲，不過最後無買。
而且都叫做第一日，未敢亂食野亂飲野XD
呢度既建築好mixture既感覺。
Coconut 椰子殼形既 Taxi，有3個位。
另一種無咁圓既。
仲有一排老爺車，粉紅色真係最 Sharp，其次就係紫色。
哈哈。
另外除左純色之外，
上半身白色，下半身啡色既都形。
過馬路。
呢架粉紅色有甲蟲車feel。
咩色都有，呢架水藍色。
呢間 ETECSA 就係 Wifi card個間公司。
紅 同 粉紅 同時出現。
繼續係呢一帶影。
經過見到喵喵。
我隻腳 ...
拖鞋萬歲。
另外就係，其實 1月既 Havana，
朝早同夜晚都有d涼浸浸，真係幾舒服。
一直向前行，無幾耐就黎到 雕像呢度。
繼續影車。
El Floridita 同 La Bodeguita ，
據說 都係海明威係 Havana 最鐘意去既 2間酒吧，
而粉紅色呢間就係El Floridita。
另一間係 La Bodeguita，係教堂附近，以藍色外牆作為記認。
如果有時間先標一標d地方，
上網好似好少見到一張好好既圖，但自己又懶得整。
仲有馬車添。
古巴既路牌。
氣球小姐。
露台呀 ..... 好正。
呢度既窗花都幾靚。
又見到店仔，呢度好多寫住Cuba既紀念品類既野。
仲有 DHL。
應該係賣電話喇。
古巴衫。
Havana Club 係呢度既紅/白酒，
白酒有40度，用黎整Mojito既材料之一。
呢d幾靚，其實都想玩一兩個返去，
但我屋企又無位放就算了。
呢度既人好鐘意睇西甲咁。
古巴國旗。
賣下小食既攤檔仔。
繼續舊城區行行。
又有雪糕喇喇喇。
呢個方向，係向住河流進發。
舊城區既呢條街有好多好多人。
果汁1.5CUC。
1CUC 其實就係 1 USD。
雪糕 again。
間店前有人播音樂同跳舞。
繼續向前。
道路同景觀開始開揚。
有火車展品。
仲有黃巴士 School Bus 同埋 加勒比海遊輪 啊！！！
超靚咁。
係郵局！！？？？
但呢個時間無開。
黎到教堂前。
係教堂前既大廣場。
d建築有種西葡feel。
(唔好意思其實想講似澳門XD
因為話晒都係葡萄牙曾經既殖民地，建築有d類似)
幾靚。
開始接近黃昏。
係度兜左兜。
古巴周圍都幾多雕像。
但無去留意雕像有無咩特別意思。
d細路係度玩，d大人就食下野咁。
繼續行，燈開了。
碼頭就係不遠處。
新咁快就到了，今日打算上船過對岸。
望一望時間表，見有得上船了。
有兩個方向，問一問，去 Casablanca 先岩架。
因為睇maps.me係 1 CUP可以上船，
亦有人寫 1CUC 上船 ( 1 USD = 1 CUC, 1 CUC = 25 CUP)。
當時我地得 10CUC，諗住如果佢找 8CUC都好呀，
點知佢找 5CUC，即係2個人5CUC？？
即刻拎番 10CUC，然後走人，唔上船了，等第日有散紙再黎過。
( 後來最後幾日證明左，事實上 1 CUP (0.04 CUC) 就可以上船。
而我地個時比 0.05 CUC ，佢望都無望就比我地上船了。 )
因為唔上船，就行下河邊。
一路向住火車站進發。
經過另一個碼頭，無開的。
入面有一大堆畫。
有火車路，但已經無火車行了。
繼續向火車站進發，都幾遠架。
結果，唔知係維修中，定係長期都係爛。
唔知幾時會有重開既一日呢。
火車開可能係n年前既歷史了？
睇唔明既西班牙文。
黎左古巴之後，開始覺得要學下西班牙文，
等第日去拉丁美洲時可以方便d。
雖然無火車站同行駛中既火車，
但有d火車展品睇。
又係排隊，買咩呢？
係買包啊。
不過玻璃上既24HOURS 應該唔係指 24 HOURS 營業，
只係指 24HOURS有監控，叫人唔好偷野。
唔知點解，夜晚個個走晒出黎行下行下。
令我諗起個時新疆時，係南疆既喀什，d人都係咁。
估計係街上涼浸浸，所以出黎吹下風會舒服 d？
又經過碼頭，架船尾班開到11pm仲有。
係碼頭個邊向返舊城區進發。
天黑黑了，返去搵野食。
- Day 3 Part 2 完 -
沒有留言:
發佈留言