地點：不丹 普那卡、不丹 伯茲卡谷地
住宿：不丹 伯茲卡谷地 (待寫)
朝早有d遲起身，所以個早餐食得比較趕 XD
好似係8點半出發，我地8點3先離開間房。
飲番杯茶。
呢度個景幾寫意，其實好應該行下。
食個靚早餐。
成間餐廳d人其實已經出晒發，得番我同同行係度。
所以都快手食埋佢。
食完就去停車場個邊影下風景，然後正式出發喇！
今日會去伯玆卡谷地，係今次不丹旅程入面，
距離帕羅機場最遠既一個地方。
講起，呢度除左手動轉經輪，
其實仲有 水力(瀑布)轉經輪、風力轉經輪 ~ 幾得意。
呢度開始唔似帕羅去廷布咁有反光條，
所以夜晚揸車要格外小心。
個景依然勁靚。
小心揸車 XD
沿途都真係幾靚，所以基本上坐車都唔會訓教咁濟。
路途中會有d小店。
有時亦都會有佛塔。
同埋牛。
呢度既牛係神聖的，所以佢地過馬路，要靜靜地讓佢地~
呢個好靚 XD
車程大約個幾鐘？我都唔太記得了，
黎到伯茲卡谷地，今日既目的地。
亦都係因為臨近策秋節，所以今日有較大型的僧侶布施。
接近lunchtime，
廟內傳出主持(?)誦經唱歌既聲音，
然後大家都坐係度食飯。
因為我地未食野，覺得勁肚餓XD
歷時應該有個幾鐘。
之後就周圍行喇。
係度去左轉廁所，
僧侶長期洗地，所以都幾乾淨同埋無味。
出番出去，望下曬辣椒。
不丹真係好有田園風情XD
聽講平時呢度係無咩地攤仔/鋪頭唔多開，係因為節日先會有。
之後我地買左蘋果，$10hkd有咁大袋~~
見到個天咁樣都心知不妙，呢個時候我地上車去食午餐~
呢個位好靚，因為有陽光，加上個波浪山谷。
又係影相影唔出!!!!!!!!
但係guide驚我地餓，話食左飯先行 T___T
但我當時都幾90%肯定, 食完飯, 一定落雨落雨落雨落雨
好想落草地行呀。。。
結果都係食左野先XD
飽死了XDD 不過有d菜係辣的XDD
食完之後，果然有雨點了。。。
因為落雨，我地去觀鳥館度睇雀。
不過呢度其實轉季黎先最睇到野，11月呢度有個節日，
係專for 迎接候鳥~~ 呢隻仙鶴好靚~~~~
不過佢係迷路受傷飛唔到, 所以先養住左,
平時既都係自由自在咁飛~
入到去望到呢度既地形，候鳥、雀鳥介紹。
再用望遠鏡睇雀XD
應該留左只係半粒鐘，因為無咩好多野睇。
留左張"到此一遊"既摺紙係館既留言區度~
之後就返上車喇。
呢度落住雨凍XD 但發現車手唔係度，未入得車 XD
guide同同行係入面傾計未走XDD
係度凍死me了。
T^T 因為落雨，所以草原健行留番聽日博下 T__T
呢度海拔3000m。
呢日因為落雨，好早返到酒店，大約3點幾4點ONLY =_=
同行一掂到張床就直接訓著左，直到食飯時間先醒。
而我就沖個涼再玩下電話 (無網, 所以玩d offline game)~
出面落雨所以都無咩想行。
天雨唔好既田園日子 悶悶悶悶悶~~~
- Day 10 完 -
沒有留言:
發佈留言