【尼泊爾+不丹 16d15n】Day 5 尼泊爾 樸卡拉 (湖區、舊城區)，夜巴 返回 加德滿都

Day5：2019年10月2日 星期三
地點：尼泊爾 樸卡拉
住宿：夜巴上 ( 樸卡拉 → 加德滿都 )

今日係樸卡拉既最後一日，
今晚會坐夜巴返返黎加德滿都 Kathmandu。

因為今日天氣都麻麻地，所以無專登搵野玩，

就周圍行下hea下喇。

繼續望下d行山行程。

醒起我地前2日都因為大雨，

無去到湖區最盡頭既遊樂場。

所以我地又再沿住湖邊行過去。

出發。

今日既天氣其實都係麻麻地。

不過點都要黎一次個樂園既。

仔細睇，原來摩天輪傳無門架。

不過係電動，唔係柬埔寨個種人力推動。XD

仲有「水上樂園」，都有幾個人玩。

個公園唔算大，一眼睇晒。

但都為呢度帶黎唔少歡樂。

有架私人飛機！

好正。

離開左樂園，就黎番大街。

之後坐巴士去機場附近。

40Rs。

落車。

呢個位會見到飛機降落。

之後行行下黎到本地巴士站。

買左包薯片食。

再行下 market。

係當地market食左個lunch。

麻麻地，皮太厚。

不過個湯好飲。

埋單好似 40 定 80Rs 左右

呢度常見既貨車。

又再經過巴士站。

黎到另一個 market。

應該係批發市場，下晝無咩人。

閒逛左三日，其實都幾可惜，

個天氣咁差，咩活動都唔想玩 (e.g. 滑翔、睇雪山、etc )

今日個天氣仲差過前兩日。

可能因為太熱。

因為每次入夜，個天又開始想清番。

坐巴士返湖區，hea同影相到入夜，

湖區酒店老細話寫 tripadvisor評語 可以車我地去車站 XD

之後去到"車站"，發現完係路邊，無站牌，

遠處有4-5個人都好似係度等緊車。

如果唔係司機車我地，我都應該勁無助 XD

間唔中都有車會停低上落客，先安心少少知呢度真係一個"站"黎。

上左3次車，比車票佢地望，都話唔係佢地個架。

結果遲過預定時間仲未見到架車。

原來架車 delay左10-15mins XDDD 

終於上到車，因為無風景睇，就想開始訓。

但無安全帶，座位之間好疏，

架車d座位又向前傾咁，個人係咁sin落去。

最後成個人屈住咁，zip係座位度，

先唔會sin落去，所以訓到。

座位又真係幾舒服，個價明明係去程既一半，

但感覺除左大架少少、多人dd之外，都同去程既分別不大 XD

其實臨訓之前諗番去程既路，

今次仲要係夜晚行個d懸崖，有諗過仲見唔見到聽日個太陽 =_="

一教訓醒，見到已經到左加德滿都附近，
即係已經過左個危險沙石單程路山崖，太好了 XD

 - Day 5 完 -