Day14：2019年10月11日 星期五
地點：不丹 帕羅
住宿：不丹 帕羅 (待寫)
呢一日好早起身，因為要去行山！！
亦都係去不丹既人應該必去既地方，就係虎穴寺喇。
朝早大約8點就出發喇。
坐車坐左無幾耐就黎到山腳。
呢度有好多人會問你騎唔騎馬，
經過當年去新疆要騎足2日馬, 有嚴重陰影既我地，當然係自己行喇 xD
呢個係用水(瀑布)黎推動既轉經輪，
我地既guide帶左我地入去睇下。
邊行邊望下個天空，因為今日個天氣幾好，
但係驚行得越慢就會有舊大雲走過黎。
所以有d心急想快d上到去XDD
行到中途，望一望。
係呢個位，我地休息下。
頭先一直都係山路，
呢度係個比較大少少範圍既平原。
見到白馬！！
有d用水樽整成既"轉經輪"。
休息完就繼續上山喇。
經過一堆牌扁，有條石屎路，
一路行行行，黎到呢一度，轉個彎就會見到食野/去廁所既地方。
因為我太心急既關係，就一路行左上去，
同行以為我走左入去食野/去廁所，所以就行左入去 xD
結果我望番轉頭先知，guide同同行都一齊搵我，
於是我又落番去... TvT 然後繼續上山
我地決定，上左山先食野。
因為，你望下前面有舊雲，勁驚佢會走過去虎穴寺度，
咁到時我地行得慢過舊雲既話，
入到虎穴寺就可能咩都睇唔到架喇。
發覺我地既guide都幾好體力，
佢幫我地拎左d野之餘，自己都行得好快。
而且同我地傾計既時候，邊跑邊講都完全無喘過氣xD
回望番山下。
終於望到一個似曾相識既畫面，
就係旅遊書見過架！！！！
係經幡、樹、既後面，
我地要繼續向前行先至有廣闊d既視野 xD
不過見到個下，當然點都影番幾幅相先喇。
遠在天邊，近在眼前啊。
同行話要影下d路牌先知自己行到邊 xD
呢個應該係垃圾筒，
因為沿路都唔會有境圾筒，所以驚有人會亂拋垃圾，
於是就有呢個野既存在？
唔理咁多，又見面，
當然影番個全景先喇。
再黎！！
向前行多幾步，超開揚呀。
最緊要係天氣好。
呢個就正喇。
不過點解手震呀。
由呢度行去虎穴寺，首先要落一段路，
之後再上上面個座山既。
落到呢個位，就會見到個瀑布喇。
上呢座廟既路都幾危險，
我地去左虎穴寺先過黎呢度。
係瀑布下面，guide教我地點樣為之搭好一座石塔。
大細大細大細既石，而且越扁越平越好喇~ 上面呢個就係個地架喇。
呢度都有好多人搭緊。
都係係呢座瀑布下面。
------
瀑布再行上少少，就係入口喇。
呢度有廁所/休息既地方。
虎穴寺唔係就咁入就得既，
首先guide會同counter拎locker鎖匙,
locker位置唔多, 所以如果full晒就要等人出黎,
locker有位先可以放野, 然後入去。
放好野之後，keep好鎖匙，
就可以經過"安檢"入去喇。
有幾樣野要講，就係虎穴寺入面係唔影得相既，
不過一場黎度，所以無相影都好，
我地係入面都stay左okay長既時間，
尤其係入左d房仔，有佛像、壁畫既話，
因為guide會同我地講解下呢d佛像，於是我地都會坐係度聽。
周圍都好靜，
所以真係有種入左佛門清淨地既感覺XDD
(畫圖)
一入到去，雖然你係外面見到係一間大廟，
不過其實由於佢係依山而建，
所以個廟入面其實係 "山體做成既樓梯"，
咁我地首先一開始就上到最高先，然後由最高慢慢落番黎。
印象比較深刻既有2個場景，
一個係一個比較細既廟既房仔入面，由個窗望出去個景好正，
一望出去就係藍天白雲、綠樹山丘。
而中層有個戶外既地方，係另一個印象深刻既地方，
係虎穴寺既圖應該會見到，因為佢係室外既。
佢o係一個亭仔下面有舊石，石上面有個凹左既位，
之後地下有條線，大約6步左右既距離。
如果合埋眼，向前舉起姆指，向前行(唔記得左幾多步)，
而姆指岩岩好可以篤中果一個凹位既話呢，
唔記得係願望會實現、定係會有好姻緣XDD
(p.s. 依家係2021年6月11號, 2年之前既野唔太記得tim > <!!)
p.s. 入面有okay多既位要除鞋，
所以唔好著d好難除既鞋啊。
----
好, 講完無圖既範圍，我地就出左黎，
去左頭先我講個座，虎穴寺出面，另一座寺。
呢度既級都還好，上面真係要好小心咁樣行...。
由呢度，回望番頭先上黎既路。
見到有直升機。
又望番一陣回程既路 (即係我地過黎個條路XDD)。
望番頭先係瀑布下砌佛塔果個位。
呢座寺(?)有兩層，其實我都唔知應唔應該叫寺，
因為有少少似民居。
我記得，第1層係入面有2個人，
一個係老婆婆 (?) 另一個可能係佢既仔？
可以經過果間房，前面就有一個"別有洞天"feel既佛堂(?)
呢度有個外置樓梯, 可以上上一層,
之後樓上又有另一個人, 但要除鞋先可以入去, 所以我地就無入了。
p.s. 呢一切都有guide指導度, 我地唔係周圍去人地個度架 > <
有邊d位去得/唔去得/會阻到人/邊度唔影得相個d, 我地全部都有問過晒ga~
好，之後我地就落番去。
呢條就係原條樓梯啦~~~ —失足成千古恨d fd呀....
落山係行回頭路，一直回望返虎穴寺。
好唔捨得走。
影多啲先。
繼續 XD
好啦，望番前面。
BYEBYE~
好遠啦。
BYEE~~~
黎到頭先上山時經過既餐廳。
食野LU~
山下面有好靚既光~
又見轉經輪。
山水？
就到山腳啦~
落到山腳，去咗熱石浴~~
好露天既地方。
-
(畫圖)
1. ENV
2. HOW TO HEAT THE STONE
(畫圖)
-
之後入黑，去咗當地人既屋企DINNER~
今日好攰~ 不過聽日要好早起身AR。
因為要返NEPAL 啦。
- Day 14 完 -
沒有留言:
發佈留言