Day2:2023年12月01日 星期五
地點:西班牙 巴塞羅那
住宿:巴塞羅那 - 梅特卡拉客房酒店 (Room Mate Carla)
夜遊既範圍好大,大約係咁樣:
我地住既地方係拓展區,出門行多兩步就會到呢條大街。
因為已經12月,算係接近聖誕節,夜晚燈飾都著晒燈,
應該比起平時既夜晚會光d。
呢度夜晚,巴特羅之家每半個鐘會有場燈光SHOW,
如果無記錯,我地應該係睇緊8點或者8點半個場的。
就咁黎就樓下,見到建築物就OK,
唔洗BOOK、唔洗額外PAY。
呢度人都唔少,所以都係個句,小心財物~~
大約10分鐘左右喇,就係燈光加音樂,
唔算話太特別,但無咩野做都可以望下咁。
同埋夜晚望上去巴特羅之家,
佢既窗口形狀真係更加有骨頭既feel XD
後來入去參觀先知,
入面既樓梯都有以龍骨作為主題的。
入面既樓梯都有以龍骨作為主題的。
睇完燈光SHOW,就繼續周圍行下、同埋 影下相。
經過呢個位,再向前行多陣,
就差不多係 拓展區既 格拉西亞大道 Passeig de Gràcia
同 哥德區 蘭布拉大道 La Rambla 既交界線。
之後就黎到 蘭布拉大道。
係 蘭布拉大道 行,可能要小心dd,
因為聽講呢度算係扒手集中地。
不過基本上,
雖然係巴塞 (尤其地鐵) 同 哥德區 要特別小心,
但平時都唔可以hea喇。
行行行,都係個句,因為慢慢行,
所以雖然貼既相好少,但其實都行左幾個鐘。
途中基本上就將今日落地時行既地方、再行一次,
另外再行下唔同既巷仔咁。
之後沿住大道行,黎到盡頭,接近海邊既地方。
終於到左 哥倫布紀念碑。
係哥倫布第一次航行到達美洲後,返回西班牙的地點。
呢度夜晚無乜人,HAHAHA
睇完之後,就準備回程返酒店喇。
呢個時候已經夜晚差唔多11點了。
---
我地會行到咁遠、咁夜,
都係因為本身以為帶左T-familiar既地鐵卡係身,
結果臨走既時候,一搵....
OHNO!
原來唔係身,真係無帶!!!(p.s. 唔係比人偷左)
出門之前,同行有提我有無帶,
而我記憶中係帶左,又未拎過出黎,應該仲係身。
於是仲答「有!」
結果!!!!救命。
帶住歉意,我地要行30-45mins,原路折返行返酒店 ...
又無得善用 2次 T-familiar 嗚嗚嗚嗚........
因為今日日頭經過超市買左d野,
而呢個時候返到去都太夜了,
直接用超市既野整熱食做晚餐,食完就訓了。
- Day 2 Part 3 完 -
沒有留言:
發佈留言