Day3：2023年12月02日 星期六
地點：西班牙 巴塞羅那 巴特羅之家 Casa Batlló
往宿：馬德里 - 城市之海阿托查 113 (Urban Sea Atocha 113)
呢日朝早，經過米拉之家，再去巴特羅之家。
話說起身之後，向露台望出去，哇！今日個天超靚！！！
即刻精神晒，想立即出門口。
出門既時候大約8:30am，book左9:00am巴特羅之家。
呢個時候超市未開，但寫住OPEN 24h，
可能係一星期開24h吧？
經過米拉之家，太陽係另一邊，
所以只有屋頂位有太陽曬住。
米拉之家既外型好易認，而且係十字路口位。
zoom近咁影下。
黎到琴日影燈飾個條街。
陽光好靚，睇乜都影。
真心有太陽時，影乜都好睇 HAHAHA
早左到場，已經開放左2條隊9:00am同9:15am，我地就開始排喇。
日頭同琴晚唔同FEEL。
終於，9:00am，scan完入場票QR code就入得喇。
拎左個 導覽器+耳機，可以自己邊行、邊聽、邊睇。
基本上全部要聽完、行完，又影下相既話，
需時用2個幾鐘左右 ，所以我地9點入場、去到差唔多12點先離開。
開始喇開始喇。
除左面前既野，天花上都要望下。
水晶燈、仲有個好似紐紋布既天花板等等。
好似話高第覺得直角唔係自然界既野，
所以好多時佢做既野都唔會出現直角的。
所以好多時佢做既野都唔會出現直角的。
呢一種玻璃，可以令光總進入大廳時，避免直射、會柔化光源。
從而唔會更室內既人覺得好曬。
大廳既窗可以打開，將廳變成一個露台。
第3間房有一部紀念幣既機，
可以入錢買紀念幣。
另外，呢個"大廳"係由3間房組成。
如果開晒連接既大門，就係一個大廳。關左門，就係3間房了。
由窗口望落去，
樓下已經排緊另一個時段既遊客。
黎呢度越早其實越好，因為你鐘意呢度既話，可以stay到閉館，
可想而知，越遲其實係會越多人的。
繼續睇丁天花板既水晶燈。
大廳入面既連體凳，可以坐上去的 HAHA。
離開大廳，沿住路線行，
會見到一個佢地形容為"水底世界"既天井位。
房既通風口，做到好似船既排水口咁。
呢個位，係一陣都會行過去既房。
另外，都有好多呢d通風位。
而望上去，係咁樣的。
我諗以前應該係通天既。
天台可以上，亦都可以望落黎天井。
依家加左個天幕，我估計，
一黎係為左d人唔好掉野落黎，
二黎係，落雨既時候搞到展館濕晒就可能唔係咁好？
呢度既設計，好似童話咁。
然後呢個玻璃，除左係柔化光線既作用，仲有就係，
如果邊望住玻璃邊行既話，就會好似水底既波浪咁樣。
呢d玻璃設計，係高第搵一個玻璃工匠做的。
行左大約兩個鐘，會經過一間紀念品店，但係參觀過程只係到左一半。
呢度d sovenir真係好靚，但都真係好貴HAHAHA
全部都好有特色!
呢個都好靚!!
係度買左本書，講高第既建築，
之後繼續參觀。
又黎到呢度，不過今次上左一層。
門口有唔同既符號，
但係唔太知係咩意思呢。
呢個係玻璃欄杆既視角。
係咪有種水底世界既feel呢。
咁岩見到部LIFT郁。
應該係特殊情況專用既LIFT黎。
接近尾聲，黎到天台一帶參觀。
係呢度hea左應該有半粒鐘 HAHAHA
天台都有d特別既建築。其實係煙囪黎。
周圍都有。
另外天台仲有個cafe。
係上面望落去。
呢度走既時候，要落樓梯，有一個比較現代既installation (波浪形的)。
落到最底，仲有個digital既show睇 (不過無咩特別XD)。
睇完之後，我地差唔多12點左右就離開喇，
之後行返去酒店checkout同寄存行李。
下一站，就係黎巴塞既一個主要大目的，
期待已久、12:45pm去 聖家堂！！！
- Day 3 Part 1 完 -
沒有留言:
發佈留言