Day2：2023年12月24日 星期日
地點：中國 重慶
往宿：小淏酒店（重慶解放碑步行街洪崖洞店）(Xiaohaoi Hotel)
呢日要去重慶近郊既武隆，
9:19am出發，預留安檢&檢票時間，所以要比較早起身。
--
大約8:15am就要出門口，其實時間都仲有有少少炆。
臨江門 -> 普家岩轉線 -> 重慶北站南/北廣場站 皆可。
車票提早買了，不過各種不同原因，
車票比較遲買，只係提早左兩三日先走去買，OMG
所以其實無乜位了，去程好彩有位，回程更加遲買，
所以就得番企位了。 嗚嗚嗚
所以想坐唔想企既話，最好早d訂位喇。
時間尚早，霧都天色好靚。
忍唔住留低影下相。
普家岩 既 轉線站係上下樓層，指示都好清楚。
好快就到左重慶北站，
過左安檢，去到檢票口 岩岩大家都排隊檢緊票。
越際列車需要大約 ~2h50m。
左邊C車(城際列車)，右邊K車(綠皮車)，
我地上既係左邊既C車。
[其實大家都係綠色，哈哈。]
上車。
坐左差唔多3個鐘，因為係中途站黎，
而且得幾分鐘落車時間，所以唔好太耐先行出去，
如果唔係就下個站見喇。
出站之後，轉接駁巴士去景區大門：仙女鎮遊客中心。
上山大約30mins，之後入去售票口。
本身想一次過買 天坑+地縫，
之後售票處話，你去完天坑先買喇，呢度唔賣地縫喇。
我估係因為太多人行完天坑，就已經差唔多閉園，
所以佢想大家去完天坑睇下幾點先決定去唔去地縫。
--
事實證明咁樣係幾好的 HAHA
今日預計 12點到步，因為5半左右入口關閉，
所以預 1.5-2h天坑，1-1.5h地縫，結果天坑時間留左2.5 - 3h，
所以最後skip左地縫 OMGG
由仙女鎮遊客中心，繼續坐車上山，就會到天坑景區。
大約係12點多dd。
到左之後就會有路牌，我地買既係電梯入口。
呢個好處係 電梯 一落，就會到左天坑既中途，再慢慢向下行。
途中會經過最經典既 滿城盡帶黃金甲 既VIEW POINT。
而如果其他方法落天坑底，就要行番上先影到個半山景。
向電梯口進發。
行大約5分鐘就到喇。
電梯口都幾多人，呢度排完，入面仲有個小蛇餅。
排隊期間會經過見到呢個，
因為呢度都係 變形金剛 既拍攝地之一。
排左大約20-30分鐘就到左電梯口，
岩岩好做到第1個入電梯，可以係玻璃度睇到落山既景。
落到去，向番上面望，條電梯大約就係咁。
(btw，有無諗起張家界既百龍天梯呢 HAHA
當然佢高好多喇，而且有兩層)
當然佢高好多喇，而且有兩層)
開始向下行，呢個位都好型。
穿過呢個洞口，就會見到最經典既VIEW POINT喇。
係度留既時間最耐 HAHA
企係度望下、兜下，又影下咁。
由電梯落到山腰，再接近地面其實已經用左1h+。
哈哈，其實都估估地到 地縫 有機會要SKIP。
天坑景區，落山時落坑底，
落到坑底當然要不時望番上天喇。
好正。
就黎落到地面，呢個角度都好靚。
呢度真係有種玩RPG時，戰場既feel HAHA
話不多講，落到地面當然要入去譯站望下喇。
呢度望番上去，就係我地頭先落黎既地方。
係度玩左陣之後，就開始行天坑景區喇，
btw 聽講以前 起點終點 係同一邊？
但我地今次黎玩天坑景區，係單程路線， 所以唔會行回頭路的。
重點來了，
唔好以為已經行左大部份路線，其實只係起點黎咋 HAHA
黎到第一站，天龍橋，
其實就係依家頭頂果條"橋"。
天坑 其實叫做 天生三橋 景區，
而天生三橋，當然有三條橋喇，天龍橋就係第一條喇。
天龍橋呢一邊既天坑，就叫做天龍天坑。
然後呢度有個 冰降 之類既 滴水地帶，
所以條路有頂，怕d 冰/水 整到遊客。
之後 就係 青龍橋，而呢個角度似一把刀，
所以呢邊係話類似係青龍偃月刀 haha
之後有張相唔記得貼番出黎，但真係好似下 HAHA
就係由於呢度係青龍橋，而有個角度 洞口會好似鯉魚咁，
所以又叫做 魚躍龍門。
呢個角度望，就話係似個 口 字，
有塊介紹牌有講少少介紹，又係唔記得左貼張相。XD
過左條橋之後，又係繼續向前行。
呢個位有小濕布，水霧之類，係個石壁度流落黎。
行到黎呢度，就到左 黑龍橋 喇。
其實仲係個口字下面 HAHAH。
仔細望一望，有無見到水壁上既水霧呢。
黑龍橋有四泉，呢個就係介紹。
光好靚，玩一玩。
穿過緊黑龍橋。
回望。
出左橋洞之後，到左個小水潭。
沿住棧道繼續向前。
行到盡頭，會見到有間屋仔。
大約就係成個 天生三橋景區 既尾段喇。
佢有架$15人仔既高球車，可以坐3-5分鐘上去 出口既接駁車站，
又或者 行上去，大約15-30分鐘。
呢個時候已經3點半多d，
基本上都唔太夠時間玩埋地縫喇。
所以就無係呢度買地縫既門票，直接坐番接駁車，
返去仙女鎮遊客中心附近食野。
去左間小店，係個講重慶話既婆婆，同應該係佢既屋企人經營既。
叫左 肥腸魚、麻辣魚、蕃茄魚，仲有個菜，
好好味 HAHA
條魚係點餐之後，係出面個魚缸簡的，
即點即湯即煮，好味呀。
唯一就係河魚既骨比較多喇。
係度大約4半食到5點幾，諗住早少少落山。
落車既位係個鎮，唔係頭先上山時接駁車上車既位 HAHA
要行番少少路，好彩有 高德地圖 幫幫手 HAHAH
上接駁車去武隆站，呢一程巴士唔知點解有d耐，
用左差唔多1個鐘，而且中途仲去左入油 omggg
好彩預多左時間落山。
落山之後，係站附近超市買左d野。
呢度原來比較遲檢票，
大家都堆係同1個等候室，幾逼下。
建議差唔多時間先入黎會好d，
無咩都係 係出面周圍行行先。
終於，檢票、上車喇。
今次無座票真係無座，而且全場爆滿，
同時有極多人亂坐，於是瘋狂換位、有人行過。
加上呢程係K車，要3h20m，
雖然頂到但都係幾辛苦 HAHHAH
無咩特別都係早d買票喇 HAHAHAHA
唔好等 / 唔好拖，最多firm左既人買定先，
咁就算有一兩個無座，到時都可以輪流坐喇。
終於到左喇，落車。
去到出站口，回望番個牌。
大約9點15分，大家都累喇，
返去坐一陣再出去食晚餐(宵夜)喇。
- Day 2 Part 1 完 -
沒有留言:
發佈留言