Day8：2023年12月07日 星期四
地點：葡萄牙 辛特拉 Sintra、羅卡角 Cabo da Roca
往宿：HF 菲尼克斯音樂酒店 HF Fénix Music
呢日起身，去酒店食個早餐出發。
今日目標係Cabo da Roca，羅卡角，
即係歐洲大陸既最西邊。(btw實際地理上既最西邊係要再南少少)
---
節錄：
羅卡角位於北緯38度47分，西經9度30分，距離里斯本大約40公里。
人們在羅卡角140米高的山崖上建了一座燈塔和一個面向大洋的十字架。
碑上以葡萄牙語寫有著名的一句話：「陸止於此、海始於斯」
（葡萄牙語：Onde a terra acaba e o mar começa）。
---
呢個時候10點幾左右。
係酒店食野時，望到出面落緊雨，見話12點之後會停雨。
諗緊今日去到cabo da roca係咪真係會有日落睇。
呢度既酒店早餐好豐富，又幾好味，幾正。
首先我地去搵左個郵局，確定一下呢度附近係有郵局的。
之後又係去自由大道既兩條纜車度望望。
影下相咁。
由於今日既主角係去 Rossio 火車站，
坐火車去Sintra，所以就無停留太耐。
繼續沿住自由大道向下行。
沿途係名店街。
本身覺得呢度既治安應該還好，
不過見Gucci既店面，又係爆左玻璃。
然後就覺得，黎到歐洲，
雖然離開左西班牙，但都係繼續小心d好。
Russio附近都有架纜車，未開的。
係Russio度即場買左火車票，Russio去Sintra既班次好密，
只係買左單程車票，打算返黎既時候先決定買回程。
好快就有下一班車。
係Rossio附近行多陣，見就快開車，火車又到左，
就直入月台，上火車搵位坐。
由Rossio去到Sintra大約都係40mins左右車程。
Sintra一落站，就見到出口停左架小巴 1253，
無錯，就係我地要上既個架車。
好似大約5 EUR左右，我地用現金比的。
中途會停Sintra既幾個景點，
我地本身係打算唔等日落，去完cabo da roca，
再返Sintra慢慢玩城堡景點的。
上車既得兩個人 ...... 中途有人上下車落下車，
包車咁製XD
坐左大約40mins，黎就 tourtist center落左車，
入去望望。
拎左d info之後，就開始出去行喇。
呢個時候兩點左右喇。
OMG個天差到，見到咁樣，諗住留半粒鐘就走。
個天真係完全係A4紙咁。
灰色個隻A4紙。
而且好大風。
就係呢個時候，突然超級大雨，要跑返去tourist centre，
但路程唔近，遮都無用，好彩有件防風防水外套。
無計，除左防風防水外套擋住之外，
其他位都幾乎係濕晒的。
等到雨停左之後出番黎。
本身真係打算走了，點知見到遠處好似有d改變。
唔係全A4....！！
之後我地話，不如係度再hea下，睇下個天會唔會再變多d？
再等等下，決定sintra既景點都唔去了，
就係度留到個邊既天空慢慢飄過黎為止喇！！
係有層次既雲呀！
個一邊開始見到其他顏色！！
行左去紀念品店、燈塔、另一邊既崖附近，
周圍咁行行行。
又望下海。
然後越黎越多層次！！
呢兩三個鐘，來來回回都有旅行團上落車，
每次都係15-20mins左右。
主要就係，到站、落車、同個碑影相、同個海影相，
大家都影完，上車去下個景點。
其實我覺得如果唔係想等個日落，都應該唔會爭太遠XD
大家黎到呢度應該都係差唔多吧？
邊個估到，最後我地係度留左4-5個鐘.......XD
好過無！！
繼續等！！！！！
黎到四點幾—五點，見到咁樣！！！
比起今日兩點幾時，雖然都係好厚雲，但已經好好了！！
有陽光！！邊個估到今日咁既天都會見到有陽光啊！！？
露面了！！
其實有d更加光既相，不過有太陽仲唔影下人咩！！
於是風景相就不在此列喇。
係喎，
呢個遊記居然無放到「陸止於此、海始於斯」既石碑，
當然有影喇 hahaa
係呢張相係背後位置就係個碑喇。
係呢個有陽光既時候影過去，
個碑發緊金光 > <"
呢個時候呢個天真係好正。
想講.......早知兩點幾個時玩左Sintra先！！
不過聽講話個度勁大霧，
其實上城堡都未必好睇到野。
日落了。
晚霞。
天開始黑，我地準備去等巴士返Sintra轉火車返Lisbon喇。
回頭。
轉向燈塔個一邊。
再回頭。
等一等。
回頭。
今次真係走喇，
去tourist centre買左張cabo da roca既到此一遊證書。
12歐左右，有2款 design簡，
我就簡呢隻，都幾大本。
byebye喇。
坐上回程巴士，夜晚一路回到Sintra。
呢一程有一對情侶，懷疑自己坐錯巴士，話呢架唔似係去Sintra。
我地同佢地講架車岩，係去Sintra，
但佢地好似唔多信，又或者其他原因？
結果係Sintra火車站之前幾個站就落左車，
即係佢地要摸黑慢慢行返火車站，可能都要行20分鐘。。。
架車總站係Sintra火車站前，大家落左車。
買票、去到月台，向上望，
係本身Sintra入面想去既 葡萄牙版萬里長城「摩爾人城堡」。
又係坐左40mins左右，返到Lisbon。
因為今日吹左成日風，似乎傷風了？開始咳咳咳。
呢張 Carris/Metro single ticket ，坐完一程火車之後，
可以免費轉乘1次metro，
於是用佢黎坐埋metro由 Rossio 轉返去Marquês de Pombal，
即係我地酒店既站。
爽呀。
返到Rossio，覺得有d累，
快快返到酒店梳洗休息下喇。
休息完，係附近兜番兩個圈，又一日了。
- Day 8 完 -
沒有留言:
發佈留言