Day6：2023年12月05日 星期二
地點：塞利維亞 西班牙廣場、舊城區
往宿：夜巴上 - Alsa night bus
今日既行程同琴日好似，
而且為左好好休息，今日訓到算係自然醒再出門。
---
---
今日天氣比起琴日好少少。
拎左琴晚餐廳送既麵包條黎咬下。
意外地又幾好味。
於是又再黎西班牙廣場，哈哈哈。
地下都乾爽左好多，
不過琴日影得太多相喇，今日又唔算係大時天，
所以唔洗點影相，係度發下呆，都幾寫意。
話說其實呢度留2日都比較神奇，
留既時數比起 巴塞羅那 同 馬德里 都多。
不過我諗可以將呢日當係休息日，
因為一個旅行，每隔4日左右，有1個休息日好好多喇。
而且有休息日，先有番d時間食野......
影個全景先。
呢個係半圓既邊緣。
琴日因為落雨，所以表演可能暫停左，
今日全日中間位置都有人表演。
而且唔止一組，上下梯級都有一隊。
好正呀，因為今日好多時間
可以係度睇好耐，邊發夢、邊睇。
睇一陣，又可以出晒廣場度行下。
我地呢2日係西班牙廣場真係留左好多時間 HAHA
Seville 既 西班牙廣場 真係我由細個睇電視 已經想黎既地方。
雖然天氣唔靚，但係黎到呢度都已經好開心！！
果然想像中，同到左之後既感覺，係完全唔同架。
不過都係咁靚！！
其實如果靠近d馬，會有好大陣馬屎味 OMG
今日超多人划船。
多到塞船 HAHAH
行完就又去舊城區喇。
好大個橘子，好正。
經過個庭園，好多 鴨 同 雀 。
今次行河邊咁入舊城區。
見到黃金塔。
經過小店，買左Post by me郵票。
呢個唔係official既post office賣既郵票，
不過如果買post by me，
就會有個靚d既"郵票" (當然都貴d喇，1隻2 EUR)，
而且佢都係可以幫你張postcard送到去目的地。
可惜既係，佢唔會有post office既郵CHOP。
p.s. post by me既郵票，放番落post by me 既郵筒
(通常賣post by me郵票既店，門口都有個post by me 既mailbox)
之後我地再去official既post office，買左郵票，
打算對比下2邊既速度、同埋可靠度 HAHA
原來都開得好夜，而且個位係正tram station前面，
基本上必經之路黎。
要買郵票既話，首先係部機度拎一拎籌。
依家係E180，去2號窗。
我地E183，等一等。
到我地既時候，去到櫃台，
用body lang + 非常有限度既 espanol 買左郵票。
post office既郵票大約係 1.5EUR左右，
郵票係 post office 個logo，然後 藍+黃 拼色。
呢個實驗結果，係 ........... 2邊都會收到，
不過我今次試既結果，post office快過post by me 一個星期左右 到手。
但由寄、到收，其實都超過兩星期。
---
買完郵票，呢度周圍都有好多郵筒，
認住post office買既郵票，放落 post office既黃色郵筒。
不過比較特別既係，
郵局門口既左邊有一面牆。有幾個洞，
上面刻左唔同地區名。
我地個時諗緊呢面牆係咪其實都係郵筒，
只係望望下覺得幾似，就掉左落去 HAHAHAHAH
當然，最後係真係收到張postcard 既。 HAHAHA
(其實有影，又係唔記得左貼番張相....)
(待貼)
---
寄完郵票，琴日雖然有去舊城區既主教堂一帶，
不過入夜都好少行巷仔，於是依家就去舊城區行行行。
邊行，邊定個目標。
行行行行行行。
一路都係巷仔咁。
之後眼前一亮，到左都市陽傘。
呢個係木結構 (但都係用釘，同埋見到有內部其實都有鐵XD) 既地標，
好大一座，都幾有型的。
不過當然，佢係透洞的，擋唔到雨既 XD
經過賣二手 iphone既店 .....
基本上都無咩特別野要行了，準備回程。
黎到西班牙，無食過西班牙海鮮炒飯，
於是，唔，去搵搵。
- Day 6 Part 1 完 -
沒有留言:
發佈留言